Mateo 18:31 - Nuevo Testamento Toba Sombrero Negro

³¹ Dojo' jalcote yec'o'n jogaa'me nalemaĝaje'te laqaya', qama'le yec'adeta ñe'me jaliaĝanec qaedi 'yaĝadetem ga'me 'uo ca'li.

Nuevo Testamento Toba Sur

³¹ Nachi so laÿi l'onataxanaxauapi co'ollaq ÿauaachigui de'eda, nachi ÿataqta qalota da nqui'ic. Nachi jec somayipi da da'aqtaxaneu'a so n'aco' 'enauac de'eda qai'ot.

La'aqtaqa Ñim Lo'onatac 'Enauacna 2013

³¹ Nache soua lỹa't lo'onataxanaxau' co'ollaq ỹauaachigui de'era, nache ỹataqta qalota da nqui'i'c. Nache je'c soomaye da da'aqtaxaareua'a so na'aco' 'enauac de'era.

Mateo 18:31 Referans Kwoze

Romanos 12:15

Nale ovi'tajopa gaa'me jo'ne made'tape, nach'e ena'am 'noota qom ami made'tape, nataq'aen gaa'me noye'tape, nach'e ena'am ami anoyeñitac nale.

Hebreos 13:3

Anetoviñetaque gaa'me adaqayadi' jo'ne netedaue jaga'me coñetaĝanaĝaiqui, qama'le ena'am aueñi da'me uotaĝa ena'am ta'le anecoñetaĝa'udi' jogaa'me, nataq'aen da'me auenache'talo gaa'me jo'ne joote ja no'en da'me qo'yeteque, queda'me uotaĝa nach'e ena'am da'me ami qo'yeteque qomle.

Marcos 3:5

Chane'eja joñe'me Jesús jalcote da'me totelegue ca'li, nataq'aen dalematayi da'me lec'atenaĝanaĝac qa'a ja jetaque yacoteguet ga'me enaac, qama'le enapega ñe'me jiyaĝaua: —¡Anodegue na'me adouaq! Ñe'me jiyaĝaua nodegue, qama'le paja'a 'noota ga'me louaq.

Lucas 19:41

Ca'li yovida'a ga'me yauaqa'a di'me Jerusalén, mane'e da'me yauana di'me noic, qama'le Jesús noyelegue ga'me,

Lucas 14:21

Ñe'me nalemaĝajet 'viyelaq qama'le yema 'yaĝatem ñe'me lejaliaĝanec. Chane'eja joñe'me jalcote dalemata, qama'le enapega ñe'me lalemaĝajet: «Yaĝa, aueyalatapiye't da'me auec'atalo gaa'me noqoyaĝaco jo'ne jalco'elo nataq'aen noqoyaĝaco jo'ne ja leca'elo jena'me noic, qama'le anaueta jenjo' gaa'me choĝodache, jogaa'me choĝolaĝayaqa, jogaa'me qana'mi nataq'aen jogaa'me uayodaĝayaqa.»

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

2 Corintios 11:21

'Uo da'me yepocoĝo da'me ñenaĝategue, qa'a ja ch'e yichiyaqatelegue ta'le naq'aeta ga'me je'etaĝaque. Qalaĝaja queda'me uo'oe gaa'me naq'aeta da'me yauote 'me ni'yoĝodela'ajalo, jayem nach'e ena'am naq'aeta ga'me ja'uo, mate mane'e dojo' chiyojoĝoc.

Mateo 14:9

Dojo' en totelegue q'aen ñe'me jaliaĝanec Herodes; qalaĝaja queda'me joote ja yala'ac da'me ya'uo 'naĝataĝac ca'li dajo'tagueta jogaa'me lepodae's, qanach'e damaĝajoĝolegue qaedi qoyanem.

Mateo 18:28

“Qalaĝaja mane'e ca'li yenoĝonegue, jojo' nalemaĝajet uada'aguet ga'me mach'e 'lonataĝanaĝaua jo'ne cien ga'me nemenapi jo'ne denariopi jaga'me laviyaĝajete. Qama'le yechiyoqot ga'me loqojot qama'le enapega joñe'me, enaac: «¡Jayem auejeten nayi! ¡Auejeten jañe'me adaviyaĝajete!»

Mateo 18:30

Qalaĝaja ja jetaque dajoya'a, dite da'me yamaĝaue jaga'me coñetaĝanaĝaiqui chayovida'a yejeten yema jañe'me laviyaĝajete.

Mateo 18:32

Chane'eja ñe'me jaliaĝanec damaĝajoĝona ca'li, qama'le enapega: «¡Am ja no'en! Am jichoĝodenec yema jaga'me adaviyaĝajete qa'a jayem anachoĝodenot.