Mateo 18:3 - Nuevo Testamento Toba Sombrero Negro

³ qama'le enaac: —Eja ami ja'aĝatema queda'me qom ja aueñiya'ama gaa'me ñoqolqa da'me anejouoqoeñi, qama'le ja auaqanachichi ta'le ayoue da'me lejaliaĝa jodi'me piyem.

Nuevo Testamento Toba Sur

³ Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

La'aqtaqa Ñim Lo'onatac 'Enauacna 2013

³ nache 'enapeco': –Ỹoqta 'eesa de'era qami' sa'aqtaxanema, da yaqto' qaunoxoñiiua'a da lo'onataxanaxac Ñim Lo'onatac 'Enauacna, nache qami' iuen da qanaralaxache da qarataxaqui, nache qoñiita'am na nogotolec.

Mateo 18:3 Referans Kwoze

1 Pedro 2:2

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

Mateo 19:14

Chane'eja Jesús enaac: —Auomachiyi'yalo gaa'me ñoqolqa da'me jayem nec'adeta, nataq'aen ena'te a'uoitapegueta, qa'a gaa'me jo'ne tadoue da'me lejaliaĝa ñe'me Dios nach'egaua ena'ama naajo' ñoqolqa.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Lucas 13:24

—'Noota qom a'nañaĝachi ta'le ayo'uet ga'me jom jo'ne jaleca'ague; qa'a ami ja'aĝatema queda'me qayoĝode' gaa'me jetaque tado'uet, qalaĝaja ja yaqanate't.

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

Hechos 28:27

Qa'a ja damichiguilo naa'me lai'li jena'me jenjo' jiyaĝadipi, qalaq ta'le domachiyapeguema jonaa'me lequetela laco nataq'aen t'ocheya'alo jonaa'me 'lae'te. Ta'le ja naq'aeta qama'le dec'atenaĝanalo jonaa'me 'lae'te, domachiyapeguema jonaa'me lequetela laco, nach'e ena'am dayatenaĝa'n naa'me lai'li qama'le jayem 'niyelaĝata, qaedi ñec'alaĝatedegue.»

Juan 1:51

Nach'e ena'am enaac ñe'me Jesús: —Eja da'me ami ja'aĝatema: da'me auañiya qomle di'me piyem 'nouategue nataq'aen jogaa'me piyem laje' jo'ne lamaĝa's ñe'me Dios yec'adidijeguem choqoda'me nenochidi'ña joñe'me Jiyaĝaua Lec'oĝot.

Mateo 5:20

“Qalaĝaja ami ja'aĝatema queda'me qom ja anapaquiyalo'te ga'me judiopi napaĝaguenoqo'tpi nataq'aen joga'me fariseopi, ta'le auauoyi ga'me chimaqachiñe 'me Dios yiyamaĝaden, qama'le ja auaqanachichi ta'le ayoue da'me lejaliaĝa ñe'me Dios 'me ne'tague di'me piyem.

Lucas 22:32

qalaĝaja joote ñachoĝodetapecot ñe'me Dios queda'me am ñachoĝodetapelegue qaedi ja qaya da'me adepe'e. Qama'le am, qom jayem a'niyeloqot, qama'le alecochiyalo naa'me adaqaya'olqa qaedi 'nañaĝatela'ajalo.

Marcos 4:12

qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n, qaedi ja 'niyelaĝadetot joñe'me Dios nataq'aen qaedi ja yapalaĝa't jodaa'me loeco.»”

2 Pedro 1:11

Qama'le naq'aeta qomle da'me nalo'ta't da'me ami qo'youategueta jogaa'me najo'mi ga'me nejaliaĝa jo'ne qaya'te loiquiaqa', nach'egaua jo'ne lejaliaĝa ñe'me Qadejaliaĝanec mach'e Qadec'alaĝaiqui Jesucristo.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Mateo 19:23

Chane'eja Jesús t'aqataĝanema jogaa'me lapaĝaguenataqa: —Eja ami ja'aĝatema queda'me eja yataqachiñe 'uo da'me laqalaic ta'le taue joda'me lejaliaĝa di'me piyem ga'me neuoyaq.

Mateo 13:15

Qa'a naa'me lai'li jena'me jenjo' jiyaĝadipi yataqachiñe ja damichiguilo, uo'oe naa'me lequetela laco lapadenaqa'te nataq'aen 'lae'te lapadenaqa'te, qaedi ja yauana'ape nataq'aen ja domachi'y, qaedi ja yayate'n uotaĝa ta'le jayem 'niyelaĝadetot, qaedi ja jen 'te yemedegue.»

Mateo 6:16

“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

Mateo 6:5

“Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

Mateo 6:2

“Qo'che', qom alecochiiyalo gaa'me 'uo da'me louenaĝanaĝa'j, ena'te aueñi naua'alo naa'me layat ladico da'me a'uaĝatetapeñigue, ena'am nale ga'me yauote jogaa'me ja yataĝalo'te, nale yec'atalo gaa'me nemaĝaiqui' nataq'aen nale ueteda'a ga'me nadic jo'ne noĝoyaĝac, nach'edata da'me qaedi ga'me jiyaĝadipi yiyamaĝade'tape jogaa'me. Ami ja'aĝatema queda'me joote qoya'uo ga'me lajo'vi'y, qaya'te laqaya qomle.

Mateo 5:18

Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Mateo 18:2

Chane'eja Jesús yiyaĝana ga'me notolec, yachañgui laeñi jogaa'me

Mateo 18:4

Ñe'me jo'ne qoyen p'ajaye da'me lejaliaĝa di'me piyem, nach'eñe jo'ne ja ni'yoĝodela't nataq'aen 'viyelaĝaguet da'me ena'am jenjo' notolec.