Mateo 18:17 - Nuevo Testamento Toba Sombrero Negro

¹⁷ Qom nach'edi ja naquiaĝanalo gaa'me, qama'le a'uaqataĝanema joga'me nepi'iyaĝa'upi; qama'le qom nach'edi ja naquiaĝanalo joga'me nepi'iyaĝa'upi, chane'eja aualoqochichigui ga'me jo'ne ja p'iida'a ñe'me Dios uotaĝa ga'me lo'o da'me nejetenaguec di'me Roma.

Nuevo Testamento Toba Sur

¹⁷ Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

La'aqtaqa Ñim Lo'onatac 'Enauacna 2013

¹⁷ Qaq camaye da saishet da ỹalaxagueta caua 'ara'aqtaxanaxau', nache 'am ishet da 'aua'aqtaxanem na 'amqaanataxanaxaicpi. Qaq da saishet da ỹalaxaguet namayepi, nache camaye 'eeta'am qanqa'en ca saishet da ỹa'amaqten Ñim Lo'onatac 'Enauacna, huo'otaq cam ỹacootapeeguet ana nsheetenaqte ca nta'a maye netaña ye Roma.

Mateo 18:17 Referans Kwoze

2 Ts 3:6

Ami yaqaya'olqa, yitaĝa ami jaqataĝalo, qa'a qo'mi lamaĝa's joñe'me Qadejaliaĝanec Jesucristo, 'noota qom auelodiye'ye gamachaqaega ga'me adaqayai jo'ne ja t'onataĝan, nataq'aen ga'me jo'ne ja que'tegue da'me qadapaĝaguenataĝanaĝac jo'ne ami janemaĝama ca'li.

1 Corintios 5:9

Ca'li ami jedenaqatenalo ga'me yediijec, ami ja'aĝatema queda'me 'noota qom ena'te ademiya'egueta jogaa'me jo'ne 'yetedac da'me nequejeguetaĝa.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.

Lucas 15:1

Ena'uaque ga'me jo'ne lo'ol da'me nejetenaguec ga'me Roma nataq'aen jiyaĝa'u laqaya' jo'ne ja 'noe'n daa'me 'lonataqa yec'adeta joñe'me Jesús qaedi domachita.

Mateo 11:19

Ua'edi ñovi' da'me jayem jo'ne yataqachiñe jayem Jiyaĝaua Lec'oĝot, jo'ne jeque'e nataq'aen ñiyom, qama'te jayem aueñiyapega qui'yaĝaic nataq'aen niyomaĝaic, jayem naigaĝaua jogaa'me jiyaĝa'u jo'ne ja 'noe'n gaa'me 'lonataqa choqogaa'me lo'ol da'me nejetenaguec di'me Roma. Qalaĝaja joda'me layatenaĝanaĝac joñe'me Dios qoyayataĝade'tegue qom qoyauanalo gaa'me 'nonataqa 'me chiyoqodayi, nach'egaua jo'ne chimaqachidiñe.

Lucas 18:11

Joñe'me fariseo nechachiñe, eetojo' da'me netamenaĝac: «Am janem da'me yamaic, am Ñedios, queda'me ja jena'ama gaa'me jiyaĝa'u laqaya' jo'ne cachaĝayaqa, ja chimadichidiñe gaa'me 'lonataqa, nataq'aen quejeguetaĝayaqa, uotaĝa ta'le jena'am dojo' lo'o da'me qoyejeten ga'me Roma.

Mateo 5:46

Qa'a qom nach'egaua adoqopichiyalo gaa'me jo'ne ami noqopitalo, qama'le ¿jach'e ga'me adajo'vii 'me ami qoyanema? Chayovida'alo gaa'me lo'ol da'me nejetenaguec di'me Roma, naq'aeta da'me yauote.

Mateo 6:7

“Mane'e nale anetameñi, ena'te a'viyelaqayitapelo'te naa'me at'aqataqadi', qa'a qaya'te chiyaqayilo. Nach'eda da'me yauote gaa'me ja p'iida'a, jo'ne yepetedapega queda'me jalcote 'laqataqa qama'le yataqachiñe yoqocha'alo ñe'me Dios.

Mateo 10:3

Felipe, Bartolomé; Tomás nataq'aen Mateo (nach'eñe lo'o da'me nejetenaguec ga'me Roma), Santiago mach'e c'oĝot ñe'me Alfeo, nataq'aen Tadeo,

1 Corintios 6:1

Qom 'uo gamachaqaega ami jo'ne necotayapegue' ga'me mach'e laqaya, 'noota qom ja chinataĝalegue da'me 'yaĝatot ga'me jiyaĝadipi nec'atenoqo't jo'ne ja p'etaqadaic, dite da'me mach'ega ga'me Dios lec'oqo'te nemitaque ga'me najouaĝajet.