Mateo 18:10 - Nuevo Testamento Toba Sombrero Negro

^10-11 Ena'te a'uotañi ga'me onolec naa'me naajo' 'najodolqa, qa'a ami ja'aĝatema queda'me uo'oe joga'me neuatoqo'tpi jo'ne piyem laje' 'me nach'e eta't dajoeda'aguet na'me latajoĝoc ñe'me Taĝadena'.

Nuevo Testamento Toba Sur

¹⁰ Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

La'aqtaqa Ñim Lo'onatac 'Enauacna 2013

^10-11 Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Mateo 18:10 Referans Kwoze

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Lucas 16:22

“'Uo jo'me nolo' ca'li Lázaro male yeleu, qama'le jogaa'me piyem laje' navidijeguem qaedi ue'tajop joñe'me Abraham. Ñe'me neuoyaq nach'e ena'am yeleu, qama'le qoyijeñi.

Mateo 24:31

Qama'le ñajoya'yelo gaa'me yamaĝa's jo'ne piyem laje' da'me ñe'uauaĝa'n qaedi qom qoyajediye jaga'me najeede qama'le yemata'a't jogaa'me yiquiyaqa chiyaqa'ñalo yemeda naa'me ale'u lael chayovida'alo gaa'me loiquiaqa'te jena'me aleua.

Lucas 1:19

Joñe'me piyem le'ec 'yateguet: —Mach'e jayem Gabriel, jayem lamaĝajec joñe'me Dios. Joñe'me jayem namaĝaquena qaedi am janem da'me dojo' 'naqataĝanaĝac jo'ne onaĝaic.

Mateo 18:14

Qama'le nach'e ena'am ñe'me Adet'ai 'me na'ague di'me piyem ja jetaque yejomac ga'me onolec naa'me naajo' 'najodolqa.

Mateo 18:6

Nataq'aen enaac joñe'me Jesús: —Gamachaqaega ga'me jo'ne en tauelo daa'me loeco nat'olqa jo'ne maliaĝa 'najodolqa 'me jayem p'iida'a, qama'le 'noota da'me qoyecoñeteguet ga'me qa' t'adaic jo'ne dejali ga'me loqojot, qama'le qoyajaĝañgui ga'me noĝop let'adaic qaedi domaliñe.

Mateo 2:19

Qalaĝaja ca'li Herodes joote yeleu, 'uo ga'me piyem le'ec yitaĝa taue q'aen ga'me 'lochaĝa ñe'me José da'me naloĝoneguet, ca'li maliaĝa ue'ta di'me Egipto, qama'le dojapegue':

Mateo 2:13

Ca'li joote eque' gaa'me yatenaĝanaĝayaqa, qama'le yitaĝa 'uo ga'me piyem le'ec taue q'aen da'me 'lochaĝa ñe'me José da'me naloĝoneguet qama'le dojapegue': “¡Oñijeguem, auachi na'me notolec nataq'aen jana'me lat'e, qama'le auapiyenegue di'me Egipto! Nach'edi ovi'ta chayovida'a qom am ja'aqataĝanem, qa'a Herodes nemitaque qomle na'me notolec qaedi yalat.”

Mateo 1:20

Ca'li joote yataqachiñe uenatetelegue qaedi naq'aeta da'me ya'uo qanach'e 'uo ga'me piyem le'ec jo'ne chiyaqaje'ma ñe'me Jaliaĝanec, qama'le taue q'aen ga'me 'lochaĝa da'me naloĝoneguet qama'le dojapegue': “José, jo'ne mach'e am David c'oĝot, ena'te at'oiyapega da'me anauela't jañe'me María qaedi a'uoneguet, qa'a ga'me c'oĝot mach'e chiyaqayi da'me 'lañaĝac joñe'me Dios Lepaqal 'me ja 'nalegue.

1 Ts 4:8

Chane'eja, joga'me jiyaĝaua jo'ne 'yota'n naa'me naajo' napaĝaguenataĝanaĝaco, ja ena'am ta'le 'yotan ga'me ch'e jiyaĝaua, dite da'me 'yotan joñe'me Dios, ñe'me jo'ne joote qo'mi yanema joñe'me Lepaqal jo'ne ja 'nalegue.

1 Corintios 11:22

Ami uo'oe gaa'me at'achaqachidi', ¿qo'li ja naq'aeta? Chane'eja 'noota da'me aniyomi nataq'aen aueque'eyi nale ovi'talo naa'me at'achaqachidi'. ¿Toqoch'e ja avi'yoĝodeñi gaa'me yema'a't nale nataq'aen auauoyi lachoĝode'j jogaa'me jo'ne qaya'te yauata? ¿Jach'e jogamaĝa 'yaqatac 'me ami janema? ¿Qo'li auepíchitapega ta'le ami ñetotapeque? ¡Ja naq'aeta, ja jiyamaĝaden da'me dojo'!

1 Corintios 16:11

Chane'eja 'noota qom qaya'te gamachaqaega ami ta'le 'yotan ñe'me, dite da'me alecochiiya qaedi 'uo da'me 'lemaĝac qom yitaĝa ya'uo leuoĝoc, qaedi jayem nec'atenaĝana, qa'a jeuatetaque, nach'e naq'aeta naa'me qadecochaĝa'u jena'me jenjo'.

Romanos 14:10

Chane'eja da'me ami ja 'noota qom aueñiyapegalo jogaa'me adaqayadi' jo'ne nataq'aen p'etaqadayaqa. Ena'te a'ue'tape qa'a yema qomle da'me qo'mi male jajoqo'tot joñe'me Dios, qom 'uo ga'me naloqotenaĝanaĝac.

Hechos 27:23

Qa'a jepi'yaq jayem naloĝoneguet ñe'me piyem le'ec, namaĝaquena ñe'me Dios jo'ne nach'eñe joue'tot nataq'aen jo'onataĝaneuo'o,

Hechos 12:23

Qanach'ega ua'a da'me 'uo ga'me piyem le'ec jo'ne Jaliaĝanec lamaĝajec 'yetec ñe'me Herodes da'me 'uo ga'me lapite'nayaĝac, qa'a jouaĝat da'me ja 'nonaĝachigui joñe'me Dios, qama'le qoche'l yalic ca'li yeleu.

Hechos 12:15

Jogaa'me eedapega: —¡Am jalaĝai! Qalaĝaja jaga'me yachimaĝadejañe da'me yataqachiñe eja. Jogaa'me enapega't: —Ja naqaeñe, dite ñe'me lepaqal.

Hechos 10:3

'Uo joga'me nolo' ca'li, qalaqach'ele dajeñe jañe'me ajeua, qama'le 'uo ga'me lauanaĝanaĝac: yataqachiñe di'yoqochigui da'me yauana ñe'me piyem le'ec jo'ne lamaĝajec ñe'me Dios da'me yec'ata ga'me jo'ne ue'ta ñe'me qama'le enaac: —¡Cornelio!

Hechos 5:19

Qalaĝaja 'uo ñe'me piyem le'ec jo'ne chiyaqaje'ma ñe'me Jaliaĝanec, ca'li pi'yaq 'youatedegue gaa'me najo'mi jaga'me coñetaĝanaĝaiqui, qama'le yauedegue, enaac:

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

1 Corintios 9:22

Nataq'aen nale jouetauelo gaa'me jo'ne ja 'uañaĝaic da'me lepe'e', da'me 'yoyaĝac je'etem ta'le ena'ama jogaa'me, qaedi jogaa'me nach'egaua yomataĝanaqa'te. Chane'eja da'me 'yoyaĝac je'etem da'me yema jena'am, qaedi yema jachiyoĝotayi q'aen da'me uo'oe gaa'me ñec'alaĝatedegue.

Romanos 15:1

Qo'mi jo'ne joote 'uañaĝaic da'me qadepe'e, 'noota qom jaconaĝagueta daa'me lachoĝolaĝaco gaa'me jo'ne maliaĝa ja 'uañaĝaic da'me lepi'iyaĝa'j, nataq'aen ja jelaqaque ga'me mach'e qo'mi ja'amaqatenaq.

Romanos 14:21

Chane'eja ena'te aualic ga'me lapat uotaĝa aniyomigui ga'me lataĝa nataq'aen gamachaqaega at'onatac 'me chiyaqayi da'me nejaliñe ga'me adaqaya.

Apocalipsis 8:2

Mane'e da'me yem qama'le jauanalo jaa'me siete piyem laje' jo'ne nechatetedañe, dajoteda'aguet joñe'me Dios, qama'le jaa'me yanema jaa'me siete najeedel.

Gálatas 6:1

Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

2 Corintios 10:10

Uo'oe gaa'me enapega't ja damitelo'te gaa'me yediijel nataq'aen vichaĝagueta, qalaĝaja qaya'te 'yañaĝac nale yataqachiñe ja'aqataĝatac, nataq'aen ja yataqachiñe jayaten da'me yojaĝac, ja jayem 'te yoqoch'em gamachaqaega.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Lucas 10:16

“Joñe'me jo'ne ami naquiaĝanalo, mach'e jayem naquiaĝana; joñe'me jo'ne ami 'yota'tape, mach'e jayem 'yotatac. Nataq'aen ñe'me jo'ne jayem 'yotatac, mach'e 'yotatac ñe'me jo'ne jayem namaĝaquena.”

Mateo 12:20

Ja yenoĝon jaga'me coqota jo'ne yamta'le uacac Uotaĝa ta'le 'yomaĝat jaga'me coyadaĝanaqate jo'ne yamta'le om, Chayovida'a qom yomataĝanaĝan Joda'me jo'ne yataqachiñe chimaqachiñe.

Hebreos 9:24

Qa'a ñe'me Cristo ja taue ga'me tamenaĝaiqui jo'ne 'lonata'j jogaa'me jiyaĝa'u, ga'me jo'ne ch'e lequi'i ga'me tamenaĝaiqui jo'ne yataqatelegue, dite da'me yec'adije'ma di'me piyem, nach'edi di'me jo'ne ua'ague nayi, da'me male dajoya'aguet joñe'me Dios qaedi qo'mi nachoĝodetapelo'te.