Mateo 17:23 - Nuevo Testamento Toba Sombrero Negro

²³ qama'le jayem qoyalat; qalaĝaja qom yenoĝodegue tres noloqo'ote male 'ñiyelaĝajeguem. Dojo' 'laqataĝanaĝac yataqachiñe e'n najaqachiguilo da'me lemalaqataĝanaĝa'j jogaa'me.

Nuevo Testamento Toba Sur

²³ nachi qaÿalauat. Qalaxayi qom inoxoodeec caua tres na'axa'te, nachi qaltaq nca'aleec. Nachi de'eda l'aqtac ÿataqta ÿaquicoqchi't soomayi.

La'aqtaqa Ñim Lo'onatac 'Enauacna 2013

²³ Nache Aỹem ỹalauat, qalaxaye Aỹem Shiỹaxaua Llalec qom inoxoore'c caua tres na'axa'te, nache qaltaq ñeca'alec.» Qaq co'ollaq hua'aqchigui de'era soua lapaxaguenataqa, nache ỹataqta daquicote'.

Mateo 17:23 Referans Kwoze

Mateo 16:21

Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Marcos 8:31

Chiyoqotelegue da'me dapaĝaguenataĝatapec ñe'me Jesús jo'ne nach'eñe yataqachiñe Jiyaĝaua Lec'oĝot, queda'me jalcote da'me lachoĝodec qomle, nataq'aen ja yacoteguet ga'me 'yaĝaicachidipi, nataq'aen jogaa'me lejaliaĝanaqa gaa'me tamenaĝaiqui lo'olpi, nataq'aen joga'me judiopi napaĝaguenoqo'tpi. 'Yaĝatema da'me qoyalat qomle, qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Juan 16:6

Nayi lichiguilo naa'me adai'lidi' qa'a ja'aĝatetac da'me dojo' 'uo.

Juan 2:19

Jesús 'yategueta jogaa'me, enaac: —Auolaĝachigui jenjo' tamenaqa', qalaĝaja qom tres naa'me noloqo'ote qama'le yitaĝa jañijeguem.

Mateo 17:9

Mane'e ca'li cha'li nenochidiñe, queda'ae ga'me qajoĝonaĝa, Jesús uaqatalo, enaac: —Ena'te a'uaqataĝañiyem gamachaqaega dojo' adauanaĝanaĝaqui, chayovida'a qom joote 'ñiyelaĝajeguem, da'me jayem mach'e Jiyaĝaua Lec'oĝot.

Mateo 20:19

Chane'eja jayem qoyanouelo qomle jogaa'me ja 'lachaqa'tena, qaedi jayem qoye'uetac, jayem qoye'uaĝan chayovida'a jayem qoyep'enajeguem; qalaĝaja qom yenoĝodegue gaa'me tres noloqo'ote qama'le yitaĝa 'ñiyelaĝajeguem.

Mateo 27:63

qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

Marcos 9:30

Ca'li queda'e ga'me ueteda'a, qama'le yitaĝa eque', tadelegue di'me Galilea. Qalaĝaja Jesús jetaque da'me ja qonoma'a,