Mateo 17:22 - Nuevo Testamento Toba Sombrero Negro

²² Mane'e ca'li cha'li nalo'ta't da'me yeuotedapelegue di'me aleua jo'ne Galilea, Jesús enaac: —Mach'e jayem Jiyaĝaua Lec'oĝot, jayem qoyanouelo qomle ga'me jiyaĝadipi,

Nuevo Testamento Toba Sur

²² Qaq co'ollaq ñaq huetra'a yi 'alhua Galilea, nachi so Jesús 'enapegalo' soua lapaxaguenataqa, 'eeta': –Ne'ena shiÿaxaua llalec, namayi qoÿanoigui qome na shiÿaxauapi,

La'aqtaqa Ñim Lo'onatac 'Enauacna 2013

²² Qaq co'ollaq ñaq iconnaxaata'ape ye 'alhua Galilea, nache So Jesús da'aqtaxaateguema soua lapaxaguenataqa, 'eeta': «Nam Aỹem ipa'agueetacpi Aỹem ỹaconeua'a qome, nache Aỹem ỹaneua'a na laỹepi shiỹaxauapi.

Mateo 17:22 Referans Kwoze

Mateo 16:21

Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Marcos 8:31

Chiyoqotelegue da'me dapaĝaguenataĝatapec ñe'me Jesús jo'ne nach'eñe yataqachiñe Jiyaĝaua Lec'oĝot, queda'me jalcote da'me lachoĝodec qomle, nataq'aen ja yacoteguet ga'me 'yaĝaicachidipi, nataq'aen jogaa'me lejaliaĝanaqa gaa'me tamenaĝaiqui lo'olpi, nataq'aen joga'me judiopi napaĝaguenoqo'tpi. 'Yaĝatema da'me qoyalat qomle, qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Mateo 17:23

qama'le jayem qoyalat; qalaĝaja qom yenoĝodegue tres noloqo'ote male 'ñiyelaĝajeguem. Dojo' 'laqataĝanaĝac yataqachiñe e'n najaqachiguilo da'me lemalaqataĝanaĝa'j jogaa'me.

Lucas 24:46

qama'le yanema da'me 'laqatac: —Joote qoyediñe ca'li ñe'me Dios Liquiyac qoyen ladiquiyaĝac da'me qoyalat nataq'aen yenoĝodegue tres noloqo'ote qama'le 'niyelaĝajeguem.

Lucas 24:26

¿Qo'li ja nach'e youetaque queda'me tauelo naajo' uo'oe da'me qoya'uo lachoĝodec ñe'me Dios Liquiyac, qom tatalegue da'me male qo'nonaĝachigui joñe'me?

Lucas 9:22

Qama'le t'aqataĝanema: —Jayem jo'ne yataqachiñe Jiyaĝaua Lec'oĝot jalcote da'me yachoĝodec qomle, nataq'aen ja jayem 'te yacoteguet ga'me 'yaĝaicachidipi, jogaa'me lejaliaĝanaqa gaa'me tamenaĝaiqui lo'olpi choqoga'me judiopi napaĝaguenoqo'tpi. Jayem qoyalat qomle, qalaĝaja yenoĝodegue tres gaa'me noloqo'ote qama'le 'ñiyelaĝajeguem.

Hechos 7:52

¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.

Mateo 26:46

Oñiijeguem, qolaq jo'; joote nadi'tequena ñe'me jo'ne jayem yanegue.

Mateo 24:10

Qomle gaa'me noloqo'ote qayoĝode' gaa'me nematedapec qomle da'me lepe'e', nataq'aen ja neuotena't nataq'aen onolqa'tape p'ayapega't jogaa'me.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

1 Corintios 11:23

Jayem qamqa'me jaconeguet ca'li da'me lapaĝaguenataĝanaĝac ñe'me Jaliaĝanec, qama'le ami janema, dojo' jo'ne 'yaĝatetac ñe'me Jaliaĝanec Jesús, ca'li jo'me pi'yaq da'me male qoyaneuo, qama'le yacona jaga'me pan,

Mateo 26:16

Chane'eja chiyoqotelegue da'me Judas yelotaque ga'me ua'a da'me 'uo da'me ledaqa' qaedi yepitaqatenac da'me yaneuo ñe'me Jesús.

Mateo 17:9

Mane'e ca'li cha'li nenochidiñe, queda'ae ga'me qajoĝonaĝa, Jesús uaqatalo, enaac: —Ena'te a'uaqataĝañiyem gamachaqaega dojo' adauanaĝanaĝaqui, chayovida'a qom joote 'ñiyelaĝajeguem, da'me jayem mach'e Jiyaĝaua Lec'oĝot.

Mateo 17:12

Qalaĝaja ami ja'aĝatema queda'me Elías joote novi', nataq'aen joga'me jiyaĝadipi ja yateto'n, dite da'me 'yedetec ñe'me yema ga'me yepaquetedapega. Qama'le nach'e naq'aeta jayem yauote qomle da'me yachoĝodec, mach'e jayem Jiyaĝaua Lec'oĝot.

Lucas 9:43

Qama'le ena'uaque jalcote da'me yoqochetem da'me 'lonaĝac jo'ne p'ajaye ñe'me Dios. Ca'li cha'li maliaĝa ga'me jiyaĝadipi yoqoch'em ga'me ya'uo joca'li ñe'me Jesús, joñe'me t'aqataĝanema gaa'me lapaĝaguenataqa: