Mateo 17:20 - Nuevo Testamento Toba Sombrero Negro

^20-21 Jesús enaac: —Qa'a ami yataqachiñe jaleca da'me adepi'i. Ami jayataĝadeneque ta'le eja 'uo da'me adepi'i, mate mane'e ena'am onole peta 'me mostaza jala, qama'le aueñiyapega jenjo' qajoĝonaĝa: «Oca'e jenjo', auec'ata ga'me aleua laqaya», qanach'e nichic ga'me qajoĝonaĝa. Qaya'te auaqalañitac.

Nuevo Testamento Toba Sur

²⁰ Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

La'aqtaqa Ñim Lo'onatac 'Enauacna 2013

²⁰ Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Mateo 17:20 Referans Kwoze

Lucas 17:6

Joñe'me Jaliaĝanec 'yategueta jogaa'me: —Qom ami ue'tajopa da'me adepi'i, jo'ne ena'am jaga'me mostaza jala, qama'le auaqanachichi ta'le aueñiyapega jaga'me epaq: «¡Oca'e na'me oneta'ña qama'le anejoe'ña di'me noĝop let'adaic!», qama'le ami yoqocha'alo.

Marcos 11:23

Qa'a eja jachimaĝachichiñe da'me ami ja'aĝatema queda'me qom 'uo ga'me dojapegue' ga'me qajoĝonaĝa: «¡Oca'e na'me oneta'ña qama'le añgui ga'me noĝop!», nataq'aen ja ya'uo da'me dojo' qom maliaĝa 'uo da'me loqoleguetaĝanaĝac, dite da'me p'iya'a da'me yepaquichigui ga'me jo'ne enaac, chane'eja yepaquichigui.

Lucas 18:27

Jesús 'yategueta jogaa'me: —Ga'me jo'ne jiyaĝaua eetapega qalaq, ñe'me Dios qamqa'me ja en 'te qalaq q'aen.

Lucas 1:37

Qa'a joñe'me Dios qaya'te yaqalaatac.

Mateo 21:21

Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Marcos 9:23

Jesús 'yateguet: —¿Toqoch'e auenaac: “qom auaqanatet”? ¡Yema qaya'te laqalaic ga'me jo'ne jayem p'iya'a!

1 Corintios 13:2

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

Mateo 13:31

Jesús nach'e ena'am 'yaĝatema dojo' laloqotenaĝanaĝaiqui: “Joda'me lejaliaĝa di'me piyem ena'am jaga'me onole peta 'me mostaza jala qom 'uo ga'me jiyaĝaua yaalegue ga'me lanaĝanaqa'.

Juan 11:40

Jesús 'yateguet jañe'me: —¿Qo'li ja joote am ja'aĝatem da'me qom auep'iya'a, qama'le auana qomle da'me 'lonaĝac ñe'me Dios?

Marcos 4:31

Nach'e naq'aeta jaga'me mostaza jala, queda'me mate mane'e yataqachiñe jaleca, jo'ne ja ena'ama ga'me petalpi jena'me aleua jo'ne qoyaadiñi nale.

Hebreos 3:19

Qama'le joote jayatenaq da'me ja yaqanate't ta'le yenoĝodeuo ca'li jogaa'me, yajouaĝat da'me qaya'te lepe'e'.

Mateo 17:17

Jesús 'yateguet: —¡Yataqachiñe ami jiyaĝadipi jo'ne qaya'te adepi'i nataq'aen ami chiyoĝo'spi! ¿Jach'e jogamaĝa ua'a da'me cha'li ami jouetauelo da'me ami ñeualaĝae'to? Yaĝa, anedo'quena na'me notolec.

1 Corintios 12:9

Uo'oe gaa'me yataqata p'iida'a joñe'me Dios, nataq'aen uo'oe gaa'me qoyanema da'me lañoqotaĝanaĝac da'me e'n yemedegue jogaa'me leuaĝayaqa.

Mateo 17:9

Mane'e ca'li cha'li nenochidiñe, queda'ae ga'me qajoĝonaĝa, Jesús uaqatalo, enaac: —Ena'te a'uaqataĝañiyem gamachaqaega dojo' adauanaĝanaĝaqui, chayovida'a qom joote 'ñiyelaĝajeguem, da'me jayem mach'e Jiyaĝaua Lec'oĝot.

Mateo 8:26

Joñe'me 'yategueta jogaa'me: —¿Toqoch'e at'oiyi? ¡Yataqachiñe jaleca da'me adepi'i! Yem da'me nenaĝategue da'me dojo', qama'le ñijeguem, yicochaĝaguet ga'me layat nataq'aen ga'me noĝop t'adaic, qama'le yema nedo'ta't da'me tochiñe.

Mateo 17:19

Yem da'me dojo' gaa'me lapaĝaguenataqa yiyoteda'a ñe'me Jesús da'me dojedapegue', qama'le yachimaĝadeta, enapega't: —¿Toqoch'e da'me qo'mi ja jaqanatetaq ta'le jamaĝajoĝoye ñe'me payac?

Marcos 11:22

Jesús 'yateguet: —'Noota qom 'uo da'me adepi'i joñe'me Dios.

Mateo 14:29

Jesús enaac: —Ayala. Chane'eja Pedro chiyaqañgui jaga'me licota da'me nenochiñe qama'le pelegue ga'me noĝop da'me yec'ata ñe'me Jesús.