Mateo 16:28 - Nuevo Testamento Toba Sombrero Negro

²⁸ Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Nuevo Testamento Toba Sur

²⁸ Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.

La'aqtaqa Ñim Lo'onatac 'Enauacna 2013

²⁸ Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

Mateo 16:28 Referans Kwoze

Lucas 9:27

Eja da'me ami ja'aĝatema queda'me nayi uo'oe gaa'me jo'ne ueteda'a jena'me jenjo' cha'li ja yele'u chayovida'a qom yauata da'me lejaliaĝa joñe'me Dios.

Marcos 9:1

Jesús dojapegue'to ga'me jiyaĝadipi: —Eja da'me ami ja'aĝatema queda'me uo'oe gaa'me nayi ueteda'a jena'me jenjo', cha'li ja yele'u chayovida'a qom yauata da'me lovidaĝac da'me lejaliaĝa joñe'me Dios choqoda'me lañoqotaĝanaĝac.

Juan 8:52

Gaa'me judiopi male enapega't: —Nayi male yataqachiñe jayatenaq da'me am payac lae't. Qa'a di'me Abraham yeleu ca'li, nataq'aen dia'me Dios 'laqataĝanaĝanaqa, qama'te da'me am aueetapega: «Ga'me jo'ne yoqocha'a da'me 'yaqatac, nach'ega jo'ne yauana qomle da'me lec'alaĝa jo'ne qaya'te loiquiaqa'.»

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 10:23

Qom ami qoyecaa'tape, oquiya'e di'me oñiya'ña qama'le auapiñeya ga'me noic laqaya. Eja ami ja'aĝatema queda'me ja auaqanachichi ta'le yemeda auecaechiyalo jogaa'me noyaqa jona'me israelpi, chayovida'a male 'ñiyelaq, da'me jayem jo'ne jayem Jiyaĝaua Lec'oĝot.

Lucas 2:26

qama'le yayatenaĝanaĝanec queda'me cha'li ja yeleu da'me maliaĝa ja yauana ñe'me Liquiyac ñe'me Jaliaĝanec.

Marcos 13:26

Qom yem da'me dojo', qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalo'te gaa'me piyem loje' da'me ñovi', choqoda'me yañoqotaĝanaĝac nataq'aen da'me 'yonaĝac.

Hebreos 2:9

Qalaĝaja jauanaĝa ñe'me Jesús, jo'ne cada'ac da'me qoyen ja napacalo'te joga'me piyem laje'pi jaa'me noloqo'ote ja lama'y, qaedi yeleualegue yema jena'me jiyaĝadipi, yajouaĝat da'me loequenataĝanaĝac joñe'me Dios jo'ne yataqata qo'mi noqopitalo. Chane'eja ca'li yem da'me lachoĝodec joñe'me Jesús, qama'le yataqachiñe qo'nonaĝachigui nataq'aen da'me yaconeguet da'me 'lonaĝac jo'ne chiyaqayi joñe'me Dios.

Mateo 24:3

Yem qama'le yec'adeta di'me qajoĝonaĝa 'me Olivo Lichidijat. Jesús ñiyiñe ca'li yejamache' gaa'me lapaĝaguenataqa qama'le yachimaĝadeta joñe'me: —Jetaque qo'mi a'uaĝatema jach'e ga'me ua'a qom yepacalegue da'me dojo'. ¿Jach'e jogamaĝa at'anec qomle da'me at'iyelaĝajoĝoc nataq'aen da'me loiquiaqa'yaĝac jena'me aleua?

1 Ts 1:10

choqoda'me auache'ta joñe'me Jesús da'me 'niyelaq, chiyaqa'ague jodi'me piyem, nach'eñe jo'ne Dios Lec'oĝot 'me mach'e Dios nec'alaĝachijeguem ca'li. Jesús nach'eñe qo'mi nec'alaĝatedegue qaedi ja qo'mi 'te nedalo'te da'me t'adaic ne'uaĝanague'j ga'me jiyaĝadipi jo'ne na'ta.

Mateo 24:42

“Chane'eja, 'noota qom aneloyitaye, qa'a ja auayachiñe ga'me nolo' qom ñovi', da'me jayem jo'ne jayem Adejaliaĝanequi.

Lucas 18:8

Ami ja'aĝatema queda'me ja nayaloĝode'n da'me de'uolo'te. Qalaĝaja jayem jo'ne Jiyaĝaua Lec'oĝot 'ñiyelaq qomle, qama'le ¿qo'li jauana da'me maliaĝa uo'oe gaa'me jo'ne jayem p'iida'a?

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Mateo 16:13

Ca'li Jesús yovita di'me noic lenaĝat Cesarea Ñe'me Filipo, qama'le yachimaĝatalo jogaa'me lapaĝaguenataqa: —Ga'me jiyaĝadipi, ¿jach'e jogamaĝa qoyepetapega da'me naqayem queda'me jayem Jiyaĝaua Lec'oĝot?

Mateo 24:34

Eja ami ja'aĝatema queda'me qom male yepaquichiguilo yema ga'me ami ja'aĝatetapema, qama'le maliaĝa ja qaya jena'me jenjo' jiyaĝadipi.

Marcos 8:38

Qa'a qom 'uo ga'me jayem nepocoĝolegue nataq'aen daa'me 'yaqataqa qom dajoya'agueta jena'me jenjo' jiyaĝadipi jo'ne ja jayem 'te p'iida'a, jo'ne loeco lo'olpi, qama'le nach'e ena'am da'me jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me jayem uetaue da'me 'lonaĝac ñe'me Yet'a nataq'aen jogaa'me piyem laje' jo'ne ja 'nalo'te.

Juan 8:51

Eja da'me dojo' jo'ne ami ja'aĝatema: ga'me jo'ne yoqo'cha da'me 'yaqatac, nach'ega ja yeleu, dite da'me male yauana da'me lec'alaĝa jo'ne qaya'te loiquiaqa'.

Juan 21:22

Jesús 'yateguet joñe'me: —Qom jepaquetapega ta'le nec'aletaye chayovida'a qom yitaĝa 'ñiyelaq, qama'le ¿toqoch'e auepaquetapega ta'le auayaten? Da'me am, nach'edata da'me adema'a da'me jayem oquegue.

Hechos 1:11

qama'le enapega't jogaa'me: —Ami Galilea laje'pi, ¿toqoch'e anechachetañe aueloyitaje'mec jodi'me piyem? Jojo' nach'ejo jo'me Jesús jo'ne ami uetauelo nataq'aen queda'me qoyauegue di'me piyem, yitaĝa 'niyelaq qomle nach'e naq'aeta da'me auañiya da'me ec dajoyi da'me daja'.

1 Corintios 15:23

Qalaĝaja onolqa'tape qo'niyelaĝachijeguem qomle ga'me jo'ne Dios yepaquetapega: 'uaeñe 'niyelaĝajeguem ñe'me Cristo; qama'le qom yitaĝa 'niyelaq ñe'me Cristo male qo'niyelaĝachidijeguem gaa'me jo'ne quetedapegue' ca'li ñe'me.

Santiago 5:7

Qalaĝaja ami yaqaya'olqa, 'noota qom ami ue'tajopa da'me anapogaĝadenaĝaqui, chayovida'a da'me qom male novitequena joñe'me Jaliaĝanec. Qama'le nach'e ena'am jogaa'me jo'ne neteda'ña ga'me 'nonaĝa queda'me yeuateteda'a da'me jetaque yapotena'ajalo da'me nejalayaĝac jo'ne onaĝaic, ga'me jo'ne mach'e lane'j, qama'le yeuateteda'agueta gaa'me noloqo'ote jo'ne male 'uo nale ga'me uotep.

2 Pedro 1:16

Joote ami japaĝaguenaĝaque da'me lañoqotaĝanaĝac ñe'me Qadejaliaĝanec Jesucristo nataq'aen da'me eeta da'me 'liyelaĝajoĝoc, qama'le jenjo' napaĝaguenataĝanaĝac jo'ne ami janemaĝam ja chiyaqayi ga'me 'naqataĝanaĝac jo'ne ch'e qoya'uo uotaĝa ga'me jo'ne ch'e qoyepetetapega, qa'a da'me qo'mi yataqata jauanaĝa ca'li ñe'me Jaliaĝanec da'me yataqachiñe let'adaic da'me lañoqotaĝanaĝac.

1 Juan 2:28

Nayi, ami yalaqapi, 'noota qom nach'e aueñeta't auoqochi'taguet joñe'me Cristo, qaedi yataqachiñe 'uo da'me qadepe'e qom'che di'yo'quena joñe'me, nataq'aen qaedi qo'mi ja qadepocoq qom jajoyaqa'aguet joñe'me da'me lovidaĝac.