Mateo 16:25 - Nuevo Testamento Toba Sombrero Negro

²⁵ Qa'a ga'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja qom 'uo ga'me jetaque nemela't ñe'me lepaqal qa'a uajoilegue da'me jayem, nach'ega jo'ne qonec'alaĝategue qomle.

Nuevo Testamento Toba Sur

²⁵ Cha'ayi ca nshitaique da maichi nca'alaxateec da nachaalataxac, qaq camayi daqat. Qalaxayi cam 'ico' ÿaqataqchit da nachaalataxac souaxat aÿim, qaq nachica ca qanca'alaxateec.

La'aqtaqa Ñim Lo'onatac 'Enauacna 2013

²⁵ Cha'aye ca nshetaique da maiche nca'alaxatec da nachaalataxac, nache camaye deqat. Qalaxaye cam ỹan da nachaalataxac souaxat Aỹem, nache camaye nca'alec.

Mateo 16:25 Referans Kwoze

Mateo 10:39

Ñe'me jo'ne jetaque nec'alaĝategue da'me mach'e 'loyaĝac, qama'le qodoĝotaĝanec qomle, qalaĝaja ñe'me jo'ne jayem uajouem da'me 'loyaĝac, nach'eñe qamqa'me nec'alaĝategue qomle.

Apocalipsis 12:11

Da'me lomataĝanaĝa'j jogaa'me qadaqaya'olqa chiyoĝotayi jaga'me letauo' joñe'me 'Naĝanaĝate Lec'oĝot, jaga'me letauo' jo'ne naliñi qoyen ca'li yeleu, Choqonaa'me 'naqataqa jo'ne 'yaĝate'tape. Ja t'oita da'me qoyalatalo'te, Dite da'me najetede'eguet da'me leleuaqa'.

Marcos 8:35

Qa'a ga'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja qom 'uo ga'me jetaque nemela't ñe'me lepaqal qa'a uajoilegue da'me jayem nataq'aen qa'a yaconeguet da'me 'naqataĝanaĝac jo'ne onaĝaic, nach'ega jo'ne qonec'alaĝategue qomle.

Juan 12:25

Ga'me jo'ne ch'e yauotec da'me mach'e nejiyaĝauayaĝac, yejomaĝanac; qalaĝaja ga'me jo'ne ja yema'a da'me netela da'me mach'e nejiyaĝauayaĝac nayi, da'me maliaĝa uetalegue jena'me jenjo' aleua, nach'ega yiyamaĝateta't qaedi 'uo da'me 'loyaĝac jo'ne ja 'naidena'a.

Lucas 17:33

Gamachaqaega jo'ne jetaque nec'alaĝategue da'me mach'e 'loyaĝac qamqa'me ja yaqanatet ta'le nec'alaĝatela't qomle; qalaĝaja gamachaqaega jo'ne ja yauotec da'me mach'e 'loyaĝac, qamqa'me nec'alegue qomle.

Mateo 16:26

Qa'a ¿jach'e ga'me nauela't ga'me jiyaĝaua da'me yema noma't gaa'me uedalegue jena'me aleua, qom yajouaĝatoue ñe'me lepaqal? Uotaĝa ¿jach'e ga'me eetapega nalo'taguet da'me yejetenec ñe'me lepaqal?