Mateo 16:21 - Nuevo Testamento Toba Sombrero Negro

²¹ Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Nuevo Testamento Toba Sur

²¹ Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

La'aqtaqa Ñim Lo'onatac 'Enauacna 2013

²¹ Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 16:21 Referans Kwoze

Mateo 17:12

Qalaĝaja ami ja'aĝatema queda'me Elías joote novi', nataq'aen joga'me jiyaĝadipi ja yateto'n, dite da'me 'yedetec ñe'me yema ga'me yepaquetedapega. Qama'le nach'e naq'aeta jayem yauote qomle da'me yachoĝodec, mach'e jayem Jiyaĝaua Lec'oĝot.

Mateo 27:63

qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Lucas 17:25

Qalaĝaja, 'uaeñe qomle da'me jalcote da'me qoyen yachoĝodec nataq'aen jayem 'yotatedac ga'me jiyaĝadipi jo'ne maliaĝa uo'oe nayi.

Lucas 24:46

qama'le yanema da'me 'laqatac: —Joote qoyediñe ca'li ñe'me Dios Liquiyac qoyen ladiquiyaĝac da'me qoyalat nataq'aen yenoĝodegue tres noloqo'ote qama'le 'niyelaĝajeguem.

Marcos 8:31

Chiyoqotelegue da'me dapaĝaguenataĝatapec ñe'me Jesús jo'ne nach'eñe yataqachiñe Jiyaĝaua Lec'oĝot, queda'me jalcote da'me lachoĝodec qomle, nataq'aen ja yacoteguet ga'me 'yaĝaicachidipi, nataq'aen jogaa'me lejaliaĝanaqa gaa'me tamenaĝaiqui lo'olpi, nataq'aen joga'me judiopi napaĝaguenoqo'tpi. 'Yaĝatema da'me qoyalat qomle, qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Lucas 9:31

Jogaa'me yataqachiñe uetedaue da'me 'lonaĝac jo'ne p'ajaye nataq'aen dojetedapiye da'me qom ca'e jena'me aleua ñe'me Jesús jo'ne ua'a qomle di'me Jerusalén.

Mateo 26:47

Maliaĝa dojetac ñe'me Jesús ca'li yovidi't ñe'me Judas, jo'ne lapaĝaguenatac joñe'me, nataq'aen jalcote ga'me jiyaĝadipi 'me naequetedapegue', lajoqot'alo jogaa'me leloiquiaĝanaqa'te jo'ne daĝanaqa'te nataq'aen nepo'ñe jo'ne ep'a. Lamaĝa's jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi 'me judiopi.

Mateo 26:2

—Joote auayachiñe queda'me maliaĝa gaa'me dojolqa noloqo'ote nale qouenata nataq'aen qo'nonaĝachigui ga'me nolo' 'me Pascua, qama'le jayem jo'ne yataqachiñe Jiyaĝaua Lec'oĝot, jayem qoyanouelo qomle ga'me jiyaĝadipi qaedi jayem qoyep'enajeguem.

Mateo 27:12

Jogaa'me lejaliaĝanaqa ga'me tamenaĝaiqui lo'olpi nataq'aen 'yaĝaicachidipi nach'e ena'am da'me yepitaqatedac da'me nenaĝatedegue ga'me jo'ne qoyen uajoilegue, qalaĝaja Jesús ja 'yategueta.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Mateo 12:40

Qa'a naq'aeta ca'li Jonás uetaue ga'me niyaq tres gaa'me noloqo'ote nataq'aen tres gaa'me pi'yaĝadi qama'le jayem jo'ne yataqachiñe Jiyaĝaua Lec'oĝot jena'am qomle jouetaue jena'me aleua nalo'taguet tres gaa'me noloqo'ote nataq'aen tres gaa'me pi'yaĝadi.

Mateo 16:22

Chane'eja Pedro yiyota'a ca'li qama'le enapega, enaac: —Jaliaĝanec, ¡Dios ja 'yamaqaten da'me dojo'! ¡Ja am 'te yepacalegue da'me dojo'!

Mateo 17:9

Mane'e ca'li cha'li nenochidiñe, queda'ae ga'me qajoĝonaĝa, Jesús uaqatalo, enaac: —Ena'te a'uaqataĝañiyem gamachaqaega dojo' adauanaĝanaĝaqui, chayovida'a qom joote 'ñiyelaĝajeguem, da'me jayem mach'e Jiyaĝaua Lec'oĝot.

Mateo 28:6

Ja ue'ta jena'me jenjo'; joote 'niyelaĝajeguem, naq'aeta da'me 'yaĝatetac ca'li. Anec'achiya qaedi auec'achiñe di'me qoyacha'ña quelqaya.

Marcos 9:12

Joñe'me 'yategueta jogaa'me: —Eja da'me dojo' queda'me 'uaeñe novi' jo'me Elías, nataq'aen da'me yema yiyamaĝatetac. Qama'le ¿jach'e jogamaĝa eeta da'me qoyediñe joca'li 'me 'yaĝatetac ñe'me Jiyaĝaua Lec'oĝot? ¿Qo'li ja 'yaĝatetac queda'me ualegue qomle da'me jalcote 'me lachoĝodec, nataq'aen queda'me qo'yotan?