Mateo 16:19 - Nuevo Testamento Toba Sombrero Negro

¹⁹ Am janema qomle ga'me lo'ol da'me qo'youategue joda'me lejaliaĝa di'me piyem; ga'me auecoñe' 'me ue'ta jena'me aleua, nach'e ena'am qoyecoñedeta't da'me daja' piyem, nataq'aen ga'me auejoye 'me ue'ta jena'me aleua, nach'e ena'am qoyejotañe da'me daja' piyem.

Nuevo Testamento Toba Sur

¹⁹ Qaq aÿim qome 'am sami' aca lvinaqte da l'onataxanaxac ñi Dios mayi neta'ague da piguem. Qaq ca 'am 'auashiita ana 'alhua, qaq camayi nataq'en qaÿashiita da piguem. Qaq ca 'am sa ishit da 'auashin, qaq camayi nataq'en sa ishit da qaÿashin da piguem.

La'aqtaqa Ñim Lo'onatac 'Enauacna 2013

¹⁹ Qaq 'am Pedro, 'am sami' da 'ara'añaxac da qonetaigui da lo'onataxanaxac Ñim Lo'onatac 'Enauacna. Qaq 'enauac nam lataxacpi maye saishet da 'auashen ana 'alhua, qaq nataqa'en Ñim Lo'onatac 'Enauacna maye neto'ot na piguem saishet da ỹashen. Qaq nam lataxacpi maye 'auasheeta, nataqa'en Ñim Lo'onatac 'Enauacna ỹasheeta.

Mateo 16:19 Referans Kwoze

Mateo 18:18

“Dojo' ami ja'aĝatema, qom dojolqa ami adaloi'ta't jena'me jenjo' aleua qom 'uo ga'me aviyaĝañiyaque nale anetameñi, ñe'me Taĝadena' 'me na'ague di'me piyem ami yanema.

Apocalipsis 1:18

nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

Apocalipsis 3:7

“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia: «Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue:

Juan 20:23

Qama'le qom auapalaĝachi' naa'me loeco ga'me jiyaĝaua, qama'le naa'me loeco yataqata qoyapalaĝa't, Dios ja yitaĝa yauanalo naa'me. Qalaĝaja qom ja auapalaĝachi', qama'le ja qoyapalaĝa't naa'me loeco joga'me, Dios maliaĝa yauanalo.

Apocalipsis 11:6

Naa'me naajo' aqataĝanaĝayaqa yaqanate't ta'le yapadidiñe di'me piyem qaedi ja no't da'me cha'li maliaĝa 'yaĝatetedac da'me Dios 'laqataĝanaĝac, qama'le nach'e ena'am da'me yaqanate't ta'le e'n neleguemaĝata netauo' joga'me noĝop, choqoda'me e'n lachoĝodec jena'me aleua laje'pi, yauo'oe yodapecache da'me lapite'nayaĝaco, yema da'me 'viyelaĝalo'te q'aen, queda'me nach'eda jo'ne 'uo da'me 'lamaqatenataĝanaĝa'j.

2 Corintios 2:10

Chane'eja, gamachaqaega 'uo ga'me ami 'yeteque ja no'en qama'le avichoĝodeñi, nach'e ena'am jayem jichoĝoden. Qama'le jichoĝoden qom 'uo ga'me lejamaĝataĝac jo'ne nalo'taguet da'me qoyichoĝodenec. Ja'uo da'me dojo' qa'a jouaĝat ami nataq'aen jenaq qa'naĝatoqo't ñe'me Cristo,

Apocalipsis 9:1

Ñe'me piyem le'ec laqaya, jo'ne dajoyalo'te ñaa'me cuatro piyem laje', male yajediye jaga'me mach'e lajeede, qama'le jauana da'me 'naqañe jajo'me uaqachiñi, chiyaqaje'ma di'me piyem da'me talegue jena'me aleua, qama'le qoyanem jaga'me lo'o ga'me najom jaga'me limaĝañi lat'edai jo'ne necoñetaĝaiqui' jogaa'me nepaqa'li jo'ne ja 'noe'n.

1 Ts 4:8

Chane'eja, joga'me jiyaĝaua jo'ne 'yota'n naa'me naajo' napaĝaguenataĝanaĝaco, ja ena'am ta'le 'yotan ga'me ch'e jiyaĝaua, dite da'me 'yotan joñe'me Dios, ñe'me jo'ne joote qo'mi yanema joñe'me Lepaqal jo'ne ja 'nalegue.

Hechos 15:7

Ca'li jalcote da'me necotaĝa'j qama'le Pedro ñijeguem nataq'aen enaac: —Ami yaqaya'olqa, ami joote auayachiñe queda'me ja cop'a jaa'me jaajo' noloqo'ote queda'me Dios 'yatetelo'te gaa'me jo'ne ja judiopi qaedi qo'yaĝatema da'me onaĝaic 'naqataĝanaĝac, qaedi jogaa'me p'iida'a joñe'me Dios.