Mateo 16:16 - Nuevo Testamento Toba Sombrero Negro

¹⁶ Simón Pedro 'yateguet: —Naqa'am jo'ne Dios Liquiyac, mach'e am Lec'oĝot joñe'me Dios jo'ne nec'aletaye.

Nuevo Testamento Toba Sur

¹⁶ Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

La'aqtaqa Ñim Lo'onatac 'Enauacna 2013

¹⁶ Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Mateo 16:16 Referans Kwoze

Mateo 14:33

Chane'eja jogaa'me netedañgui jaga'me licota yejoidiñe naa'me leliquetel ca'li dajoyida'aguet ñe'me Jesús, qama'le enapega't: —¡Yataqachiñe eja queda'me am Dios Lec'oĝot!

Juan 11:27

Jaga'me male enaac: —Jaja'a, Jaliaĝanec. Am jep'iya'a queda'me naqa'am jo'ne am Dios Liquiyac 'me Lec'oĝot ñe'me Dios, nach'e am jo'ne am qo'yaĝat ca'li da'me anec'achi'ña jena'me aleua.

1 Juan 4:15

Gamachaqaega jo'ne 'yaĝatetac queda'me Jesús mach'e Dios Lec'oĝot, qama'le Dios netaue joga'me, nataq'aen joga'me ne'tajop joñe'me Dios.

Mateo 27:54

Mane'e ca'li yauana da'me dojo' ñe'me lejaliaĝane'j jogaa'me vitaĝayaqa choqogaa'me ueteda'ajop joñe'me da'me yiviteteda'a ñe'me Jesús, queda'me qo'yiquiaĝan jena'me aleua nataq'aen ena'uaque gaa'me di'yoĝoma ca'li, qama'le yataqachiñe najaĝayelo da'me loqolanaqa't jogaa'me nataq'aen enapega't: —¡Yataqachiñe eja queda'me jenjo' jiyaĝaua mach'e Lec'oĝot joñe'me Dios!

1 Timoteo 4:10

Qama'le nayi nach'eda 'uo da'me qat'onatac nataq'aen qadeloiquiaĝac, qa'a jouaĝat da'me janemaĝam da'me qadeuataqataĝanaĝac joñe'me Dios jo'ne ja pal, jo'ne nach'eñe mach'e Lec'alaĝaiqui yema jena'me jiyaĝadipi, qama'le yataqata nec'alaĝatedegue jogaa'me jo'ne p'iida'a joñe'me.

Hechos 9:20

Ua'edi Saulo t'aqataĝatapegouelo ga'me nemaĝaiqui' queda'me Jesús nach'eñe c'oĝot ñe'me Dios.

1 Ts 1:9

Qa'a mach'egaua jogaa'me doje'y nale jovitaĝalo, uenate'talo da'me ami, ca'li aĝañiñi joga'me ca'li auep'iiya'alo, qama'le auec'achiya joñe'me Dios jo'ne ja 'nalegue choqoda'me yataqata eja, qaedi a'uonataĝañiuo'o joñe'me,

Mateo 26:63

Qalaĝaja Jesús 'nemaĝadela't ca'li. Ñe'me p'ajaye lejaliaĝanec ga'me tamenaĝaiqui lo'olpi enaac: —Am jedolegue da'me lenaĝat ñe'me Dios 'me nec'aletaye qaedi qo'mi a'uaqataĝanema. ¿Naqa'am joona da'me am Dios Liquiyac, jo'ne Dios Lec'oĝot?

1 Juan 5:5

Ena'uaque jogaa'me jo'ne p'iida'a queda'me Jesús mach'e Lec'oĝot ñe'me Dios, nach'egaua jo'ne noma't da'me ja no'en.

Hebreos 10:31

Qama'le yataqata let'adaic da'me lichic ñe'me Dios jo'ne nach'e eta't da'me nec'aletaye, ta'le ya'uo ga'me lachoĝodec ga'me jiyaĝaua.

Romanos 1:4

qalaĝaja chiyoqotelegue ca'li 'niyelaĝajeguem male qoyen najaqachigui da'me lañoqotaĝanaĝac nataq'aen qoyanem da'me lec'oĝochiyaĝac ñe'me Dios, nach'eñe ladic ga'me ja 'nalegue.

Marcos 14:61

Qalaĝaja Jesús qaya'te nenaĝategue, ja 'yat ca'li. Qama'le joñe'me lejaliaĝane'j joga'me tamenaĝaiqui lo'olpi yitaĝa 'viyelaĝalegue da'me yenat: —¿Naqa'am joona da'me am Dios Liquiyac? ¿Qo'li am Lec'oĝot ñe'me Dios jo'ne ni'yoĝodenatac?

Juan 20:31

Qalaĝaja naa'me naajo' 'naqataqa male qoyedidiñe qaedi a'uamaqachiñe joñe'me Jesús da'me nach'eñe jo'ne Dios Liquiyac, nataq'aen da'me yataqachiñe Lec'oĝot joñe'me Dios. Chane'eja qom auep'iiya'a joñe'me qama'le 'uo da'me adec'alaĝaqui jo'ne chiyaqayi joñe'me.

Juan 1:49

Qama'le ñe'me Natanael enaac: —Paĝaguenataĝanaĝaic, ¡naqa'am jo'ne Dios Lec'oĝot! Nataq'aen ¡naqa'am 'me lejaliaĝanec di'me Israel!

Hebreos 12:22

Qalaĝaja da'me ami qamqa'me joote auec'achiya ñe'me qajoĝonaĝa jo'ne Sión, di'me noic jo'ne mach'e 'lachaqa' ñe'me Dios 'me nach'e eta't da'me nec'aletaye, di'me noic jo'ne Jerusalén 'me ue'tague di'me piyem. Nach'edi di'me jo'ne ueteda'a jalcote joga'me piyem laje'pi da'me yema'a't qaedi 'nonaĝachidegue joñe'me Dios.

1 Timoteo 3:15

qaedi qom jayem copa'teguet, yataqata joote auayaten ga'me aua'uo nale ouauelo jogaa'me Dios lec'oqo'tepi, jo'ne nach'enaua c'oqo'tepi 'me 'nonaĝachidegue joñe'me Qanedios jo'ne ja pal, nataq'aen naqaenaua jo'ne neteleta nataq'aen de'uotalegue nale jena'me yataqata eja.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

2 Corintios 6:16

Qo'mi mach'e 'lemec ñe'me Dios jo'ne nec'aletaye, nataq'aen ta'le Dios qo'mi uetauelo, qama'le ja jenaĝa qadeloĝot ga'me ch'e nequi'i. Qa'a mach'eñe ñe'me Dios enaac: “Jouetauelo jenjo' yalaqapi nataq'aen jequetauelo jogaa'me. Jayem Nedios qama'le yalaqapi qomle jogaa'me.”

2 Corintios 3:3

Cristo nach'eñe yediñe; yem qama'le qo'mi janaĝaye. Da'me onaĝaic liyamaĝac da'me at'oyaĝaqui 'me Cristo ami yanema, nach'eda ami yec'ateneque jogaa'me da'me yauata. Male ja qoyedelegue ga'me qa' dite naa'me qadai'li, uotaĝa jaga'me nedaĝanaqate jo'ne 'uo ga'me li'i, dite ñe'me Lepaqal ñe'me Dios jo'ne nec'aletaye.

Hechos 14:15

—¿Toqoch'e naq'aeta da'me auauoyi? Nach'e ena'am qo'mi jiyaĝa'u, ami jenaqa'ama. Qo'che' ñanaĝaequena qaedi ami ja'aĝataĝama da'me onaĝaic 'naqataĝanaĝac, nataq'aen qaedi aĝañidiñi naa'me naajo' uo'oe jo'ne qaya'te gamachaqaega chiyoqodayi, qama'le a'viyelaqaiyot joñe'me Dios jo'ne nec'aletaye, jo'ne ye'et di'me piyem, jena'me aleua, ga'me noĝop let'adaic nataq'aen ena'uaque gaa'me jo'ne uo'oe.

Mateo 4:3

Chane'eja ñe'me payac yec'ata joñe'me Jesús qaedi yapiyen, qama'le enaac: —Ta'le yataqachiñe eja am Dios Lec'oĝot, qama'le auamaĝalo'te naa'me naajo' qadipi qaedi neleguemaĝatalo panpi.

Hechos 8:36

Ca'li copa'ta qama'le yovideta ga'me jo'ne 'uo ga'me noĝop, ñe'me jaliaĝanec enaac: —'Uo jena'me noĝop jenjo'; ¿qo'li 'uo jogamaĝa qalaqa't ta'le jayem qonachilaĝan?

Juan 6:69

Da'me qo'mi joote yataqachiñe am jep'iyaqa, nataq'aen da'me jayatenaq da'me naqa'am jo'ne am ja 'nalegue 'me am lamaĝajec ñe'me Dios.

Mateo 1:16

Jacob mach'e c'oĝot di'me José jo'ne loua jadi'me María, mach'e lat'e ñe'me Jesús, jo'ne Dios Liquiyac.

Mateo 16:15

—Qama'le da'me ami, ¿jach'e ga'me aueñetapega da'me jayem?

Lucas 2:11

Nayi niyi'ña di'me David 'lachaqa' ñe'me adec'alaĝaiqui, nach'eñe Jaliaĝanec jo'ne Dios Liquiyac.

Juan 6:57

Joñe'me Qadet'a 'me jayem namaĝaquena, 'uo da'me lec'alaĝa jo'ne qaya'te loiquiaqa', qama'le da'me jayem nach'e ena'am da'me nach'e eta't jec'aletaye, qa'a naqayem jo'ne joue'tajop joñe'me Qadet'a. Chane'eja nach'e ena'ama jogaa'me jo'ne yali'j jenjo' yapat: nataq'aen 'uo da'me lec'alaqa' qa'a jouaĝat jayem.

Juan 6:68

Ñe'me Simón Pedro 'yateguet joñe'me: —Jaliaĝanec, ¿jach'e ga'me jiyaĝaua laqaya jo'ne 'noota ta'le qolaĝague? Qa'a naa'me at'aqataqa 'naqataqa jo'ne chiyaqayilo da'me 'noyaĝac 'me qaya'te loiquiaqa'.

2 Corintios 1:19

Qa'a Jesucristo, Lec'oĝot ñe'me Dios, nach'eñe jo'ne qo'yaĝatetac ca'li Silvano choqoñe'me Timoteo nataq'aen jayem jo'ne ami japaĝaguenaqatapeque, ja naqaeda ta'le “jaja'a” qama'te ua'edi paja'a enaac “aja'y.” Dios yanem ñe'me Cristo da'me nach'e eta't eja jo'ne ja yitaĝa yem,

Hebreos 3:12

Ami yaqaya'olqa, adechilela't qaedi qaya'te onolec da'me ami jo'ne ja no'en da'me lelnataĝac, da'me ja 'yamaqaten ta'le yoqo'cha joñe'me Dios jo'ne nach'e eta't da'me nec'aletaye, qaedi ja yaĝanegue joñe'me.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

Apocalipsis 7:2

Qama'le nach'e ena'am jauana jo'me piyem le'ec laqaya jo'ne chiyoĝogue jena'me nayapije'ma jañe'me ajeua, nach'ejo jo'ne ue'tajop jaga'me 'lanaĝanaqate joñe'me jo'ne nach'e eta't da'me nec'aletaye, nach'eñe joñe'me Dios. Qama'le joñe'me piyem le'ec neten da'me ya'uo da'me 'laqatac da'me yiyaĝalo'te jogaa'me cuatro piyem laje' laqaya' 'me joote qoyanema da'me lañoqotaĝanaĝac qaedi yauote ga'me 'yedetec jo'ne ja no'en jena'me aleua choqoga'me noĝop let'adaic,