Mateo 16:13 - Nuevo Testamento Toba Sombrero Negro

¹³ Ca'li Jesús yovita di'me noic lenaĝat Cesarea Ñe'me Filipo, qama'le yachimaĝatalo jogaa'me lapaĝaguenataqa: —Ga'me jiyaĝadipi, ¿jach'e jogamaĝa qoyepetapega da'me naqayem queda'me jayem Jiyaĝaua Lec'oĝot?

Nuevo Testamento Toba Sur

¹³ Qaq so Jesús co'ollaq ivita yi 'alhua Cesarea mayi ilotague' so Filipo, nachi inatta'pe soua lapaxaguenataqa, 'eeta': –Na shiÿaxauapi nagui ¿chaq négue't ca ipettega na shiÿaxaua llalec?

La'aqtaqa Ñim Lo'onatac 'Enauacna 2013

¹³ Qaq co'ollaq mashe saqaỹapeque so nỹecpi ye Cesarea maye ilotague' co'ollaxa so Filipo, nache So Jesús inatta'ape soua lapaxaguenataqa, 'eeta': –Na shiỹaxauapi nagui ¿Chaq 'eetec naxa ca la'aqtac da detaqtega Aỹem, maye Aỹem Shiỹaxaua Llalec?

Mateo 16:13 Referans Kwoze

Juan 5:27

Nach'e ena'am da'me jayem yanem da'me yañoqotaĝanaĝac qaedi jaloqotenaĝan, queda'me nach'ayem jo'ne yataqachiñe jayem Jiyaĝaua Lec'oĝot.

Mateo 9:6

Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

Mateo 13:37

Jesús 'yategueta: “Ñe'me jo'ne yaañi jaga'me onaĝai peta naqayem jo'ne jayem Jiyaĝaua Lec'oĝot,

Mateo 12:8

Qa'a jayem jo'ne yataqachiñe jiyaĝaua lec'oĝot 'uo da'me yañoqotaĝanaĝac da'me ñejaliaĝatelegue di'me nolo' 'me niyamaqatac.

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Hechos 7:56

Chane'eja enaac: —¡Auec'achiñe! ¡Jauana di'me piyem da'me 'nouatetaye nataq'aen ñe'me Jiyaĝaua Lec'oĝot jo'ne nechateta'ña yayaten ñe'me Dios!

Juan 12:34

Ga'me jiyaĝadipi 'yadeteguet joñe'me: —Naa'me nedii's jo'ne Dios 'laqatac lae't 'yaĝat ñe'me Dios Liquiyac da'me nach'e eta't nec'aletaye. Chane'eja, ¿toqoch'e aueetapega ñe'me jo'ne Jiyaĝaua Lec'oĝot qoyanajeguem qomle? ¿Jach'e jogamaĝa da'me dojo' Jiyaĝaua Lec'oĝot?

Marcos 10:45

Qa'a mate mane'e jayem jo'ne yataqachiñe Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo nataq'aen qaedi janema da'me 'yoyaĝac joga'me jiyaĝadipi 'me jalcote, qaedi ñep'aĝanegueta jogaa'me.

Marcos 8:38

Qa'a qom 'uo ga'me jayem nepocoĝolegue nataq'aen daa'me 'yaqataqa qom dajoya'agueta jena'me jenjo' jiyaĝadipi jo'ne ja jayem 'te p'iida'a, jo'ne loeco lo'olpi, qama'le nach'e ena'am da'me jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me jayem uetaue da'me 'lonaĝac ñe'me Yet'a nataq'aen jogaa'me piyem laje' jo'ne ja 'nalo'te.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 15:21

Yem qama'le Jesús ca'ae di'me ue'ta, da'me taya'ague di'me aleua jo'ne Tiro nataq'aen Sidón.

Mateo 13:41

Jayem jo'ne jayem Jiyaĝaua Lec'oĝot ñamaĝatequena qomle gaa'me piyem laje' qaedi yacone'ualo yema gaa'me jo'ne yaueguedoue nale ga'me loe'j joga'me laqaya'olqa nataq'aen jogaa'me 'yetedac da'me ja no'en.

Mateo 12:32

Chayovida'alo gaa'me jo'ne jayem ye'uetedac, jayem jo'ne yataqachiñe Jiyaĝaua Lec'oĝot, Dios yapalaĝa't gaa'me laviyaĝaco; qalaĝaja ga'me e'n ja 'noe'n da'me 'laqataqa da'me ye'uetac ñe'me Dios Lepaqal 'me ja 'nalegue, qamqa'me ja yapalaĝa't da'me laviyaĝaco nayi da'me cha'li uetalegue jena'me aleua nataq'aen qom'che ga'me na'taquena.

Juan 3:14

Qama'le ena'am ñe'me Moisés ca'li yanajeguem ga'me nanaic di'me aleua jo'ne totapega't qaedi qonec'alaĝatedegue ga'me jiyaĝadipi, qama'le nach'e ena'am joñe'me Jiyaĝaua Lec'oĝot da'me qoyanajeguem qomle,

Juan 1:51

Nach'e ena'am enaac ñe'me Jesús: —Eja da'me ami ja'aĝatema: da'me auañiya qomle di'me piyem 'nouategue nataq'aen jogaa'me piyem laje' jo'ne lamaĝa's ñe'me Dios yec'adidijeguem choqoda'me nenochidi'ña joñe'me Jiyaĝaua Lec'oĝot.

Mateo 12:40

Qa'a naq'aeta ca'li Jonás uetaue ga'me niyaq tres gaa'me noloqo'ote nataq'aen tres gaa'me pi'yaĝadi qama'le jayem jo'ne yataqachiñe Jiyaĝaua Lec'oĝot jena'am qomle jouetaue jena'me aleua nalo'taguet tres gaa'me noloqo'ote nataq'aen tres gaa'me pi'yaĝadi.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.