Mateo 15:9 - Nuevo Testamento Toba Sombrero Negro

⁹ Qaya'te chiyaqayi da'me jayem 'nonaĝachidegue, qa'a chiyaqayilo gaa'me lamaĝajoĝonaĝaco jogaa'me ch'e jiyaĝa'u.»

Nuevo Testamento Toba Sur

⁹ Qaq shapco' da aÿim i'otec da lli'oxonnataxanaxac, cha'ayi naua lapaxaguenataxanaxaco, naamayi maichi lqataxaco na shiÿaxauapi.

La'aqtaqa Ñim Lo'onatac 'Enauacna 2013

⁹ Qaq ỹoqo'oye qaica ca naigui da Aỹem qavio'oxoyiñiitac, cha'aye maiche qauo'oche' naua lataxaco da qarapaxaguenataxanaxaqui, ime nache qauapaxaguenataxañic qoñiitega da Aỹem qami' samaxaleguete.›»

Mateo 15:9 Referans Kwoze

Marcos 7:7

Chane'eja qaya'te chiyaqayi da'me jayem 'nonaĝachidegue, qa'a gaa'me lapaĝaguenataĝanaĝaco mach'e lamaĝajoĝonaĝaco gaa'me jo'ne ch'e jiyaĝadipi.”

1 Timoteo 1:4

Nataq'aen ja 'noota ta'le 'yamaqate'n ga'me lepi'ic choqoga'me nejenaĝa'j, uotaĝa lajouaĝa'j jodia'me lapidi ca'li, qa'a naajo' najouaĝaco chiyaqayilo joga'me napetaĝac jo'ne yataqata ja no'en. Qom ja yauo'oe daa'me lamaĝajoĝonaĝaco joñe'me Dios, qama'le ja yaqanate't ta'le maqachaĝa yateto'n da'me onaĝaic lelnataĝac joñe'me.

Tito 1:14

qaedi ja 'yamaqate'n gaa'me ch'e nejenaĝaco joga'me judiopi nataq'aen daa'me lamaĝajoĝonaĝaco gaa'me jiyaĝa'u jo'ne 'yotatedac da'me jo'ne yataqatelegue.

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

Santiago 2:20

Qama'le ena'te ami chiyoĝo's, dite da'me yataqata auetadeñiyac da'me qom 'uo ga'me jo'ne ue'tajop ga'me lepe'e, qalaĝaja ja nach'e ena'am yapoteneguet ga'me jo'ne mach'e en 'lonatac, qama'le nach'eda nepe'e jo'ne qaya'te chiyaqayi.

Apocalipsis 22:18

Yemeda da'me ami jo'ne anaquiaĝañiyalo naa'me 'naqataqa jo'ne napaĝaguenataĝanaĝaco 'me qoyedetedalegue janjo' nede: male ami jaqataĝanaĝana'aque da'me qom 'uo ga'me anoqoteñegue naa'me naajo' 'naqataqa, qama'le Dios nach'e ena'am da'me en yaguegue qomle da'me en ane'uaĝanaguequi q'ae'n jogaa'me napite'nadi' jo'ne nach'egaua 'me qoyedetedalegue janjo' nede.

1 Corintios 15:2

Nataq'aen dojo' 'naqatac chiyaqayi da'me male adec'aliyegue, ta'le aviyamaĝachi naq'aeta da'me ami japaĝagueneque ca'li. Qom ja naq'aeta, qama'le qaya'te chiyaqayi da'me adepi'i jo'ne qaedi qoyiyamaĝam.

Mateo 15:10

Qanach'e Jesús yiyaĝanalo ga'me jiyaĝadipi qama'le enaac: —Anaquiaĝañiya nataq'aen auayachiñe: