Mateo 15:36 - Nuevo Testamento Toba Sombrero Negro

³⁶ yaconalo gaa'me siete paan nataq'aen jogaa'me niya', qama'le queda'me joote yanem da'me lamaic joñe'me Dios, yecolaĝatapiyelo qama'le yanema jogaa'me lapaĝaguenataqa, qanach'e gaa'me yanouelo joga'me jiyaĝadipi.

Nuevo Testamento Toba Sur

³⁶ Nachi ÿaconalo soua siete pan qataq soua nÿaxayi, nachi ÿanot da n'achiquiaxac ñi Dios. Ime, nachi ncolaxajyiñi soua pan, nachi ÿanoiguilo soua nale't. Qaq soomayi nachi ÿanoiguilo so shiÿaxauapi.

La'aqtaqa Ñim Lo'onatac 'Enauacna 2013

³⁶ Ime, nache ỹaconalo soua siete nauole 'ayiiña qataq soua nỹaxaye, nache ỹanot da na'achecỹaxac Ñim Lo'onatac 'Enauacna. Ime, nache ncolaxaayiñi, nache ỹanema soua lapaxaguenataqa. Qaq soomaye nache ỹanoiguilo so shiỹaxauapi.

Mateo 15:36 Referans Kwoze

Romanos 14:6

Joga'me jo'ne yamaqaten da'me 'uo joga'me nolo' jo'ne yataqata yiyamaĝatetac, qama'le naq'aeta da'me 'nonaĝachigui joñe'me Dios. Nach'e ena'am joga'me jo'ne yema yalic nale nataq'aen yi'yoĝoden joñe'me Dios qama'le yatem da'me lamaic joñe'me, nach'e ena'ama jogaa'me nale yejamaĝa't da'me yalic na'me nanal jala, nataq'aen yi'yoĝoden joñe'me Qadet'a Dios nataq'aen yatem joda'me netonaĝac joñe'me.

Lucas 22:19

Yem qama'le yacona ga'me pan; ca'li joote yanem da'me lamaic ñe'me Dios, yecolaĝatapiye gaa'me qama'le yanouelo jogaa'me, enaac: —Jenjo' mach'e laloĝoiqui qoyen jena'me yapat, jo'ne qoyanoue da'me leleuaĝa qa'a jouaĝat ami. Auauoyi da'me dojo' qaedi nach'e eta't jayem auenachetapega.

Hechos 27:35

Ca'li nenaĝategue da'me dojo', Pablo yacona ga'me pan, yanem da'me lamaic joñe'me Dios da'me dajo'tagueta jogaa'me. Yecolaĝatapiye qama'le yalic.

Juan 6:11

Jesús yaconalo jogaa'me paan, qama'le dajelaĝalo'te ñe'me Dios; qama'le yem da'me lajelaĝanaĝac qama'le yanouelo jogaa'me lapaĝaguenataqa qaedi jogaa'me yanema onolqa'tape jogaa'me jiyaĝa'u jo'ne ñichidiñe. Nach'e ena'am da'me yepagaqate'tegue da'me yema joga'me jiyaĝadipi yanema joga'me niyaq lapat lael, chayovida'a yono't ena'uac jogaa'me jiyaĝa'u da'me yache'tape.

1 Corintios 10:31

Chane'eja, qom 'uo ga'me aualiquitac, uotaĝa 'uo ga'me aniyomiyigui, uotaĝa gamachaqaega a'vichetac, jalcote onaĝaic qom ga'me auauoyi nach'eda chiyaqayi da'me qo'nonaĝachigui ñe'me Dios.

Juan 6:23

Qalaĝaja uo'oe jogaa'me licotal laqaya' jo'ne novi't, chiyoĝotegue di'me Tiberias, di'me noic jo'ne yauoqo'ta di'me ua'ña ca'li ya'uo da'me lajelaĝanaĝac joñe'me Jaliaĝanec, dajelaĝalegue joga'me pan da'me male qoyalic.

Lucas 24:30

Qama'le ca'li dajotedalegue ga'me niqui'yaĝala', Jesús yacona ga'me pan; ca'li joote yanem da'me lamaic ñe'me Dios, qama'le yecolaĝatapiye qaedi yanouelo gaa'me.

Lucas 22:17

Qama'le yacona jaga'me yomaĝaiqui; ca'li joote yanem da'me lamaic ñe'me Dios, enaac: —Auacoñiya jenjo' qama'le mach'e anecolaĝachiye;

Mateo 14:19

Chane'eja yamaĝalegue ga'me jiyaĝadipi qaedi ñichidiñe, nedalegue ga'me lolelaĝai. Yem qama'le yaconalo ga'me cincole paan nataq'aen dojolqa niya' qama'le yajoĝolo'te da'me lajelaĝanaĝac nataq'aen yecolaĝatapiyelo gaa'me paan, yanouelo joga'me lapaĝaguenataqa qama'le jogaa'me yanouelo joga'me jiyaĝadipi.

Mateo 15:35

Qama'le Jesús damaĝajoĝolo'te ga'me jiyaĝadipi da'me nedalegue ga'me aleua,

1 Corintios 14:16

Qom ja naq'aeta ga'me auauoyi, qom 'uo ga'me nedo'ta't q'aen ñe'me lepaqal yanem da'me lamaic ñe'me Dios, gaa'me jo'ne qaya'te latetonaĝanaĝa'j ja yaqanate't ta'le yadenaĝa't ga'me tamenaĝac, qa'a ja yayate'n gaa'me 'naqataqa jo'ne qoyaconalo.