Mateo 15:32 - Nuevo Testamento Toba Sombrero Negro

³² Jesús yiyaĝanalo jogaa'me lapaĝaguenataqa, qama'le enaac: —Jalcote janomeguet da'me yichoĝodenataĝanaĝac jena'me jenjo' jiyaĝadipi, qa'a joote yenoĝodegue jogaa'me tres noloqo'ote da'me jayem ueteda'ajop, qama'le nayi qaya'te yali'j. Ja jetaque jen quedeuo da'me qaya'te yali'j, qa'a uotaĝa uo'oe gaa'me copete'y qomle ga'me ladi'j.

Nuevo Testamento Toba Sur

³² Nachi so Jesús iÿaxanoiguilo soua lapaxaguenataqa. Nachi 'enapegalo, 'eeta': –Ÿataqta huo'o da ichoxonnataxanaxa ne'ena shiÿaxauapi, cha'ayi mashi ivi' naua tres na'axa'te da aÿim hueta'aguet, qataq namayipi yi qaica ca aloq. Qaq aÿim sa saÿamaxaden da huo'otaq samaq namayipi da huo'otaq saxanaxa da deque'e, cha'ayi sa iuena'a da huo'o ca decopchi na nqa'aic.

La'aqtaqa Ñim Lo'onatac 'Enauacna 2013

³² Nache So Jesús iỹaxanalo soua lapaxaguenataqa. Nache 'enapegalo, 'eeta': –Ỹataqta huo'o da ichoxonnataxanaxa ne'ena shiỹaxauapi, cha'aye mashe ivi' naua tres na'axa'te da Aỹem hueta'aguet, qataq namayepi ye qaica ca aloq. Qaq Aỹem sa saỹamaxaren da huo'otaq samaq namayepi da huo'otaq saxanaxa da deque'e, cha'aye saiuena'a da huo'o ca decopche da huangui na nqa'aic.

Mateo 15:32 Referans Kwoze

Mateo 9:36

Ca'li yauanalo ga'me jiyaĝadipi, qama'le yataqachiñe nomeguet da'me lichoĝodenataĝanaĝac, qa'a nelidiñi nataq'aen ena'am ta'le qoyegue'm, ena'ama gaa'me 'naĝanaĝatel qom qaya'te neuatoqo't.

Hechos 27:33

Ca'li jaya'agueteda, Pablo netouenaĝanaĝa'tape ena'uaque jogaa'me qaedi 'uo ga'me yali'j, enaac: —Male yenoĝodegue nayi gaa'me catorce noloqo'ote da'me yajouaĝat da'me jajoqo'ta da'me jach'e jogamaĝa 'uo, qaya'te gamachaqaega aualiqui.

Hebreos 4:15

Qa'a ñe'me mach'e Qadetaĝayaĝanaĝanec yataqata yaqanatet ta'le yichoĝoden da'me mach'e qadachoĝolaĝac, qa'a joñe'me uetauelo ca'li yemeda gaa'me napiyenagueco, ena'ama da'me qo'mi, qalaĝaja joñe'me qaya'te lepatenaĝanaĝac.

Lucas 7:13

Ca'li ñe'me Jaliaĝanec yauana jaga'me p'ai, 'uo da'me lichoĝodenataĝanaĝac qama'le dojapegue' jaga'me: —Ena'te anoyen.

Marcos 9:22

Nataq'aen ñe'me nepaqal jo'ne uetaye, nach'e eta't jetaque yajaĝañgui ga'me dole', nataq'aen ga'me noĝop, qaedi yalat. Chane'eja qom auaqanatet ta'le 'uo ga'me aua'uo, qama'le qo'mi avichoĝode'n nataq'aen qo'mi alecochiyalo.

Mateo 27:63

qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

Mateo 20:34

Jesús jalcote yichoĝode'n jogaa'me, qama'le yepo't naa'me 'lae'te. Qanach'e ua'a ca'li paja'a yitaĝa nauachidiñe jogaa'me qana'mi, qama'le quetegue ñe'me Jesús.

Mateo 12:40

Qa'a naq'aeta ca'li Jonás uetaue ga'me niyaq tres gaa'me noloqo'ote nataq'aen tres gaa'me pi'yaĝadi qama'le jayem jo'ne yataqachiñe Jiyaĝaua Lec'oĝot jena'am qomle jouetaue jena'me aleua nalo'taguet tres gaa'me noloqo'ote nataq'aen tres gaa'me pi'yaĝadi.

Mateo 14:13

Ca'li Jesús yovido'ot da'me 'naqataĝanaĝac qama'le onolac da'me ec, nañgui jaga'me licota, yec'ata ga'me aleua totapega't. Qalaĝaja ga'me jiyaĝadipi nometelegue qama'le chiyaqapi'ñalo gaa'me noicolqa da'me yecadelegue tadelegue ga'me 'lañaĝa.

Mateo 15:33

Jogaa'me lapaĝaguenataqa 'yadeteguet: —Qalaĝaja, ¿jach'e jogamaĝa jachiyojoĝo'tague ga'me yali'j jenjo' jiyaĝadipi, jena'me jenjo' aleua 'me totapega't, qaya'te na'ña?