Mateo 15:31 - Nuevo Testamento Toba Sombrero Negro

³¹ Ga'me jiyaĝadipi yataqachiñe yoqochetem queda'me qoyauana da'me doje'y gaa'me qayaua'te 'laqataqa, gaa'me uayodaĝayaqa male yemedegue, gaa'me choĝolaĝayaqa yeuo'tape, nataq'aen jogaa'me qana'mi male yauana'ape. Qama'le paja'a 'nonaĝachidegue joñe'me Nedios joga'me Israel c'oqo'tepi.

Nuevo Testamento Toba Sur

³¹ Ÿoqo'oyi so shiÿaxauapi ÿataqta huo'o da l'aalaxa, souaxat da ÿauaachigui na qaicaua naua l'aqtaqa, qalaq detaqa, qataq na qaica na lhuaq lÿa, qalaq huo'o na lhuaq, qataq na qaica ca lchi lÿa, qalaq huo'o na lchi, qataq na sa nauaañi, qalaq ishit da nauaañi. Huaña, nachi qaÿi'oxodeetac ñi lta'a Dios nam llalaqpi so Israel.

La'aqtaqa Ñim Lo'onatac 'Enauacna 2013

³¹ Ỹoqo'oye so shiỹaxauapi ỹataqta huo'o da la'aalaxa, souaxat da ỹauaachigui somayepi da 'enauac no'oita. Huaña, nache qaỹo'oxoreetac Ñim Lo'onatac 'Enauacna maye Lta'a nam Israel le'ecpi.

Mateo 15:31 Referans Kwoze

Mateo 9:8

Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Lucas 18:43

Qanach'e paja'a ñe'me qanam yitaĝa yauanac, qama'le 'nonaĝachigui ñe'me Dios da'me equegue ñe'me Jesús. Nataq'aen ena'uaque ga'me jiyaĝadipi jo'ne yauata da'me dojo' nach'e ena'am yi'yoĝodetedac joñe'me Dios.

Lucas 7:16

Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Mateo 18:8

“Qo'che' qom na'me adouaq uotaĝa adapia' auachiyoĝotaye da'me aua'uo ga'me adoec, qama'le ¡'noota qom avichaĝayi qama'le aueguem! Qaedi adiyamaqa'teguet da'me aue da'me at'oyaĝac queda'me am uayodaĝaic uotaĝa am jopo. Yataqata ja 'noota ta'le nalo'ta't naa'me adoua' nataq'aen naa'me adapia'te da'me am qoyijaĝaue di'me dole' jo'ne ja 'naidena'a.

Mateo 9:33

Mane'e ca'li Jesús yamaĝaye ga'me payac lepaqal qanach'e ñe'me chiyoĝojec paja'a yaqanatet ta'le 'uo ga'me 'laqatac. Ga'me jiyaĝadipi jalcote da'me yoqoch'em, enapega't: —¡Jena'me Israel c'oqo'tepi, qaya'te ua'a ta'le naq'aeta ga'me qoyauana ena'am da'me dojo'!

Juan 9:24

Jogaa'me judiopi lajoĝola'te yitaĝa yiyaĝata ñe'me jiyaĝaua jo'ne qanam qaedi yena't: —Nayi da'me jajoyaqa'aguet ñe'me Dios, qama'le qo'mi a'uaĝatema ga'me yataqatelegue. Qa'a da'me qo'mi jayatenaq jo'me jiyaĝaua da'me loeco lo'o. ¿Jach'e ga'me mach'e at'aqatac?

Lucas 14:21

Ñe'me nalemaĝajet 'viyelaq qama'le yema 'yaĝatem ñe'me lejaliaĝanec. Chane'eja joñe'me jalcote dalemata, qama'le enapega ñe'me lalemaĝajet: «Yaĝa, aueyalatapiye't da'me auec'atalo gaa'me noqoyaĝaco jo'ne jalco'elo nataq'aen noqoyaĝaco jo'ne ja leca'elo jena'me noic, qama'le anaueta jenjo' gaa'me choĝodache, jogaa'me choĝolaĝayaqa, jogaa'me qana'mi nataq'aen jogaa'me uayodaĝayaqa.»

Lucas 14:13

'Noota qom ja naq'aeta, dite da'me qom aua'uo da'me adiqui'yaĝanataĝanaĝac, anepoda'y jogaa'me choĝodache, jogaa'me choĝolaĝayaqa, nataq'aen jogaa'me uayodaĝayaqa nataq'aen jogaa'me qana'mi.

Marcos 9:43

“Qom na'me adouaq auachiyoĝotaye da'me aua'uo ga'me adoec, qama'le ¡'noota qom avichaĝayi! 'Noota da'me am jopo da'me aue joda'me at'oyaĝac jo'ne ja 'naidena'a, qalaĝaja ja 'noota ta'le nalo'ta'ajalo naa'me adoua' da'me auec'ata ga'me ne'uaĝanaqa' gaa'me loeco lo'olpi jo'ne payac 'lachaqa', ua'a ga'me dole' jo'ne qaya'te yaqanatet ta'le 'yomaĝat.

Marcos 7:37

Qama'le ga'me jiyaĝadipi jalcote da'me yoqochetem da'me dojo', enapega't: —Yema 'noota ga'me ya'uo. ¡Chayovida'a da'me e'n domachiya'ape gaa'me jo'ne ja domachiya'ape, nataq'aen e'n doje'y gaa'me te'me ja doje'y!

Marcos 2:12

Joñe'me leuaĝaic paja'a ñijeguem joca'li, qama'le yacona ga'me lela', qama'le yenoĝonegue joca'li ena'uaque jogaa'me qonauachigui joca'li da'me dojo'. Nataq'aen ena'uaque jogaa'me jalcote da'me yoqochetem joca'li, qama'le 'nonaĝachidegue joñe'me Dios, nataq'aen enapega'ajalo: —Qaya'te ua'a ta'le naq'aeta ga'me jauanaĝa.

Mateo 21:14

Ca'li maliaĝa uetaue ga'me tamenaĝaiqui, jogaa'me qana'mi nataq'aen uayodaĝayaqa yec'adeta ñe'me Jesús, qama'le e'n yemedegue.

Mateo 8:10

Jesús yataqachiñe yoqoch'em da'me domachiya da'me dojo', qama'le dojapegue'to gaa'me jo'ne quetedapegue', enaac: —Ami jayatenaĝaneque queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

Mateo 9:32

Ca'li joote eque' gaa'me qana'mi, qama'le uo'oe gaa'me jiyaĝa'u jo'ne nauede'uo ñe'me Jesús ga'me ja domachiyac 'me uetaye ga'me payac lepaqal.

Mateo 15:30

Jalcote ga'me jiyaĝadipi yema'a ca'li ga'me ue'ta joñe'me. Qoyeda'alo gaa'me uayodaĝayaqa, qana'mi, choĝolaĝayaqa nataq'aen qayoĝode' gaa'me leuaĝayaqa laqaya', jo'ne qoyacho'oto ñe'me Jesús, qama'le ñe'me e'n yemedegue ena'uaque jogaa'me.