Mateo 14:33 - Nuevo Testamento Toba Sombrero Negro

³³ Chane'eja jogaa'me netedañgui jaga'me licota yejoidiñe naa'me leliquetel ca'li dajoyida'aguet ñe'me Jesús, qama'le enapega't: —¡Yataqachiñe eja queda'me am Dios Lec'oĝot!

Nuevo Testamento Toba Sur

³³ Nachi soua netanguilo aso barco, soomayi i'adoto naua l-llicte so Jesús, nachi 'eeta': –Ÿoqta 'eesa da nachi'am mayi 'am llalec ñi Dios.

La'aqtaqa Ñim Lo'onatac 'Enauacna 2013

³³ Nache 'enauac so netangui aso nllocta, ỹa'aroto naua l-llectel So Jesús, nache 'eeta': –¡Ỹoqta 'eesa, da nache 'am maye 'am Llalec Ñim Lo'onatac 'Enauacna!

Mateo 14:33 Referans Kwoze

Juan 11:27

Jaga'me male enaac: —Jaja'a, Jaliaĝanec. Am jep'iya'a queda'me naqa'am jo'ne am Dios Liquiyac 'me Lec'oĝot ñe'me Dios, nach'e am jo'ne am qo'yaĝat ca'li da'me anec'achi'ña jena'me aleua.

Juan 1:49

Qama'le ñe'me Natanael enaac: —Paĝaguenataĝanaĝaic, ¡naqa'am jo'ne Dios Lec'oĝot! Nataq'aen ¡naqa'am 'me lejaliaĝanec di'me Israel!

Romanos 1:4

qalaĝaja chiyoqotelegue ca'li 'niyelaĝajeguem male qoyen najaqachigui da'me lañoqotaĝanaĝac nataq'aen qoyanem da'me lec'oĝochiyaĝac ñe'me Dios, nach'eñe ladic ga'me ja 'nalegue.

Marcos 1:1

Da'me 'uaechiñe 'naqataĝanaĝac jo'ne onaĝaic 'me 'yaĝatetac ñe'me Dios Lec'oĝot, mach'e Jesús jo'ne Dios Liquiyac.

Juan 6:69

Da'me qo'mi joote yataqachiñe am jep'iyaqa, nataq'aen da'me jayatenaq da'me naqa'am jo'ne am ja 'nalegue 'me am lamaĝajec ñe'me Dios.

Mateo 16:16

Simón Pedro 'yateguet: —Naqa'am jo'ne Dios Liquiyac, mach'e am Lec'oĝot joñe'me Dios jo'ne nec'aletaye.

Juan 17:1

Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Lucas 4:41

Nataq'aen uo'oe qayoĝode' gaa'me leuaĝayaqa jo'ne chiyaqauelo jogaa'me nepaqa'li, jo'ne 'yalaqate'tape: —¡Mach'e am Dios lec'oĝot! Qalaĝaja Jesús yicocha' jogaa'me nepaqa'li, nataq'aen ja yaje'tema ta'le doje'y, qa'a yateto'n queda'me nach'eñe Dios Liquiyac.

Marcos 15:39

Ñe'me coico lejaliaĝanec jo'ne nechateta'ña ga'me dajota'ña ñe'me Jesús, mane'e ca'li yauana queda'me naq'aeta da'me yeleu joñe'me, enaac: —¡Yataqachiñe eja jenjo' jiyaĝaua mach'e Lec'oĝot joñe'me Dios!

Mateo 28:17

Mane'e ca'li yauata ñe'me Jesús, qama'le 'nonaĝachidegue, temaqaedi 'uo da'me loqoleguetaĝanaĝa'j ta'le naqaeñe joñe'me.

Mateo 28:9

Qanach'ega ua'a ca'li Jesús naloĝonegueta gaa'me nataq'aen yep'iye'n. Gaa'me yauo' yec'adeta ñe'me Jesús qama'le qapaleque jonaa'me lichil da'me 'nonaĝachidegue.

Mateo 26:63

Qalaĝaja Jesús 'nemaĝadela't ca'li. Ñe'me p'ajaye lejaliaĝanec ga'me tamenaĝaiqui lo'olpi enaac: —Am jedolegue da'me lenaĝat ñe'me Dios 'me nec'aletaye qaedi qo'mi a'uaqataĝanema. ¿Naqa'am joona da'me am Dios Liquiyac, jo'ne Dios Lec'oĝot?

Juan 19:7

Jogaa'me judiopi lajoĝola'te 'yadeteguet joñe'me Pilato: —Da'me qo'mi 'uo da'me qo'mi qoyanema joca'li jo'ne lamaĝajoĝonaĝac ñe'me Dios, qama'le chiyaqayi da'me dojo', 'noota ta'le qoyalat, qa'a eetapela't yataqachiñe Dios Lec'oĝot.

Lucas 24:52

Jogaa'me, ca'li yem da'me 'nonaĝachidegue, 'viyelaĝadeta di'me Jerusalén yataqachiñe made'tapolqa.

Mateo 27:54

Mane'e ca'li yauana da'me dojo' ñe'me lejaliaĝane'j jogaa'me vitaĝayaqa choqogaa'me ueteda'ajop joñe'me da'me yiviteteda'a ñe'me Jesús, queda'me qo'yiquiaĝan jena'me aleua nataq'aen ena'uaque gaa'me di'yoĝoma ca'li, qama'le yataqachiñe najaĝayelo da'me loqolanaqa't jogaa'me nataq'aen enapega't: —¡Yataqachiñe eja queda'me jenjo' jiyaĝaua mach'e Lec'oĝot joñe'me Dios!

Mateo 15:25

Qalaĝaja jañe'me yauo yec'ata ca'li yejoidiñe naa'me leliquetel da'me dajoya'aguet joñe'me, enaac: —¡Jaliaĝanec, jayem alecochiya!

Mateo 4:3

Chane'eja ñe'me payac yec'ata joñe'me Jesús qaedi yapiyen, qama'le enaac: —Ta'le yataqachiñe eja am Dios Lec'oĝot, qama'le auamaĝalo'te naa'me naajo' qadipi qaedi neleguemaĝatalo panpi.

Hechos 8:36

Ca'li copa'ta qama'le yovideta ga'me jo'ne 'uo ga'me noĝop, ñe'me jaliaĝanec enaac: —'Uo jena'me noĝop jenjo'; ¿qo'li 'uo jogamaĝa qalaqa't ta'le jayem qonachilaĝan?

Lucas 8:28

Ca'li ga'me yauana ñe'me Jesús, qama'le yejoidiñe naa'me leliquetel da'me dajoya'aguet joñe'me, 'yalaqatac: —¡Ena'te jayem aualequeten, am Jesús jo'ne am Lec'oĝot joñe'me Dios jo'ne p'ajaye! ¡Am ñachoĝodenot qaedi ja jayem 'te auedaĝatelegue da'me yachoĝodec!

Marcos 14:61

Qalaĝaja Jesús qaya'te nenaĝategue, ja 'yat ca'li. Qama'le joñe'me lejaliaĝane'j joga'me tamenaĝaiqui lo'olpi yitaĝa 'viyelaĝalegue da'me yenat: —¿Naqa'am joona da'me am Dios Liquiyac? ¿Qo'li am Lec'oĝot ñe'me Dios jo'ne ni'yoĝodenatac?

Mateo 27:43

Nach'eñe ñe'me Dios p'iya'a: qama'le ¡'noota qom Dios nec'alaĝategue nayi, qom eja yauotec! ¿Qo'li ja qo'mi 'te 'yaĝatetapema mañaĝa queda'me nach'eñe Dios Lec'oĝot?

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 2:11

Ca'li tadoue ga'me emec qama'le yauata ñe'me notolec nataq'aen María mach'e lat'e; qama'le yejoidiñe naa'me leliquetel da'me 'nonaĝachidegue joñe'me. 'Youachi'ñeta naa'me naicaua lete' qama'le yate'm oro nataq'aen ga'me jo'ne jama ga'me laeta, choqoga'me yoĝoqui 'me davioĝo'n jo'ne li'i jaga'me epaq mirra.

Mateo 14:32

Ca'li uenochidiñgui jaga'me licota, ga'me layat male 'nemaĝañe.