Mateo 14:3 - Nuevo Testamento Toba Sombrero Negro

³ Qa'a Herodes damaĝajoĝolegue ca'li qaedi qoyecoñe' ñe'me Juan qama'le qoyanetaue jaga'me coñetaĝanaĝaiqui. Ya'uo da'me dojo' qa'a yajouaĝatem jañe'me Herodías, loua ñe'me lanoqolec Filipo,

Nuevo Testamento Toba Sur

³ Cha'ayi som Herodes damaxasoxoolec co'ollaxa da qaÿaconeu'a so Juan, nachi qaicoñida't naq'en naua lhua'q, nachi qaÿauegueu'a aso ncoñitaxanaxaqui. Qaq damaxasoxoolec, cha'ayi souaxat aso lhua Herodías mayi lhua co'ollaxa so lqaÿa l'enaxat Felipe.

La'aqtaqa Ñim Lo'onatac 'Enauacna 2013

^3-4 Cha'aye soua hua'au' na'axa'te co'ollaxa so Juan maye nachelaxanataxanaq 'eetega so Herodes, 'eeta': «¡De'era 'auo'ot ỹataqta sa ỹaỹamaxañi! Cha'aye añi Herodías maye lhua so 'arqaỹa Felipe, añimaye 'auotaxanec, nache 'auauo'o 'arhua.» Nache so Herodes dalemataỹa so Juan, nache damaxasoxoolec da qaỹaconeua'a, nache qaicoñerai' qoỹanaigui aso ncoñetaxanaxaqui late'erai.

Mateo 14:3 Referans Kwoze

Marcos 6:17

Qa'a ñe'me Herodes ya'uo da'me dojo' joca'li, yajouaĝat jañe'me Herodías jo'ne loua ñe'me Felipe, nach'eñe mach'e lanoqolec ñe'me Herodes. Qalaĝaja Herodes deuodaĝanec ca'li jañe'me qama'le en loua, qama'le ñe'me Juan enapega joca'li ñe'me Herodes: “Ja qoyajeta da'me auen adoua jaga'me jo'ne adanoqolec loua.” Chane'eja nach'eñe ñe'me Herodes da'me damaĝajoĝolegue joca'li qaedi qoyanetaue jaga'me coñetaĝanaĝaiqui ñe'me Juan.

Mateo 4:12

Ca'li Jesús dep'iyeya ñe'me Juan da'me qoyanetaue jaga'me coñetaĝanaĝaiqui, qama'le yec'ata di'me Galilea.

Marcos 6:22

Jañe'me Herodías c'oqote yenoĝoneuo'o ca'li ga'me ua'a da'me niqui'yaĝac qama'le deualaĝai, qama'le da'me leualaĝayaĝac jalcote da'me 'yamaqaten ñe'me Herodes nataq'aen jogaa'me jo'ne neteda'ajop jo'ne deque'tape, qama'le ñe'me jaliaĝanec Herodes t'aqataĝanem jañe'me q'añole: —Aviyaĝanaque ga'me aviyamaĝaden, qama'le am janem.

Marcos 6:19

Nach'eda da'me 'laqatac ñe'me Juan yajouaĝatem jañe'me Herodías queda'me niquiya'a joñe'me qama'le jetaque en qoyalat. Qalaĝaja ja yaqanatet,

Mateo 11:2

Ca'li Juan joote uetaue jaga'me coñetaĝanaĝaiqui, qama'le dep'iquitapega ga'me jo'ne 'yetetac ñe'me Cristo. Chane'eja uo'oe gaa'me lapaĝaguenataqa jo'ne yamaĝata ca'li ñe'me Jesús

Lucas 13:1

Nach'ega jojo' nolo' ca'li uo'oe gaa'me yec'adeta ñe'me Jesús qama'le t'aqataĝatem queda'me Pilato damaĝajoĝolo'te qaedi qoyala't gaa'me Galilea laje' ca'li maliaĝa ja yem da'me yidoue gaa'me lajaqaje'j.

Mateo 14:6

Qalaĝaja yovita jo'me nolo' lañoĝoqui ñe'me Herodes, jaga'me c'oqote jañe'me Herodías naloĝonegueta jogaa'me nepodae's da'me deualaĝai qama'le yataqachiñe 'yamaqaten ñe'me Herodes.

Marcos 6:14

Ñe'me jaliaĝanec Herodes Antipas jo'ne nejaliaĝatelegue di'me aleua jo'ne Galilea ca'li domachilegue da'me qo'yaĝatetac joñe'me Jesús, qa'a jogaa'me p'ajodaye 'me 'lonataqa joote qoyayate'n ena'uaque ga'me jiyaĝadipi. Qama'le uo'oe gaa'me enapega't: “Naqaeñe ñe'me Juan 'me chilaĝanataĝanaĝaic, jo'ne 'niyelaĝajeguem; qo'che' ua'ajop da'me dojo' lañoqotaĝanaĝac jo'ne p'ajaye.”

Marcos 8:15

Jesús uaqatalo jogaa'me: —¡Achiya'agueta jo' qomle na'me lalequetenaĝanaĝat gaa'me fariseopi nataq'aen na'me lalequetenaĝanaĝat ñe'me Herodes!

Lucas 3:1

Nach'ega uo'e jo'ne quince da'me lejaliaĝa ñe'me Roma le'ec Tiberio, jo'ne nec'atenoqo't di'me aleua, nataq'aen Poncio Pilato nejaliaĝatelegue ca'li di'me Judea, Herodes nejaliaĝatelegue di'me Galilea, ñe'me lachoqolec Filipo nejaliaĝatelegue di'me Iturea nataq'aen Traconítide, nataq'aen Lisanias nejaliaĝatelegue di'me Abilene.

Lucas 8:3

nach'e ena'am Juana, loua ñe'me Cuza jo'ne yelolegue ga'me 'lachaqa' ñe'me Herodes Antipas; nataq'aen Susana, chaqagaa'me qayoĝode' laqaya' jo'ne lecochaĝanaĝateguet ga'me jo'ne yauata ñe'me Jesús nataq'aen gaa'me lapaĝaguenataqa.

Lucas 13:31

Nach'e ena'am ua'a da'me uo'oe gaa'me yovi't jo'ne fariseopi, qama'le t'aqataĝatem ñe'me Jesús: —Oca'e jena'me jenjo' qa'a Herodes jetaque am yalat.

Lucas 23:7

Ca'li yayaten queda'me Jesús mach'e chiyaqa'a di'me dijo' aleua jo'ne nejaliaĝatelegue ñe'me Herodes, qama'le yamaĝa, qa'a jaajo' noloqo'ote Herodes nach'e ena'am ue'ta di'me Jerusalén.

Lucas 23:11

Chane'eja Herodes choqogaa'me coico laje' 'yetedec da'me 'yotatedac ca'li nataq'aen ye'uetedac joñe'me; qoyen yaiñe ga'me napoto jo'ne 'yoĝodac, ena'am ga'me jaliaĝanec jo'ne qodajoyapelegue. Yem qama'le Herodes yitaĝa 'yiyelaĝata ñe'me Pilato.

Hechos 4:27

“Qa'a yataqata eja ñe'me Herodes choqoñe'me Poncio Pilato nataq'aen ga'me israelpi nataq'aen ga'me jiyaĝadipi jo'ne ja 'lachaqa'tena da'me yema nauteta ñe'me ja 'nalegue adalemaĝajet mach'e Jesús, nach'eñe jo'ne a'uatetelegue da'me auen Adiquiyac.

Hechos 12:1

Jaa'me jaajo' noloqo'ote, ñe'me jaliaĝanec Herodes ya'uo necanague'j gaa'me p'etaqadayaqa.