Mateo 14:14 - Nuevo Testamento Toba Sombrero Negro

¹⁴ Mane'e ca'li nenochiñe ñe'me Jesús chiyaqañgui jaga'me licota qama'le yauana ga'me jiyaĝadipi; qanach'e yataqachiñe jalcote da'me lichoĝodenataĝanaĝac, en yemedegue ga'me leuaĝaiquipi jo'ne qonedotape'uo.

Nuevo Testamento Toba Sur

¹⁴ Nachi co'ollaq huenoteeguesop aso barco so Jesús da le'ego, nachi chochi ilaigui so shiÿaxauapi ÿataqta qalota, nachi ÿataqta qalota da lchoxonnataxanaxa somayipi. Huaña, nachi nataden na sa no'onpi mayi qandotauo.

La'aqtaqa Ñim Lo'onatac 'Enauacna 2013

¹⁴ Qaq co'ollaq huenoteeguesop aso nllocta So Jesús da le'ego, nache choche ilaigui so shiỹaxauapi ỹataqta qalota hueta'a yi'iye, nache ỹataqta qalota da lchoxonnataxanaxa somayepi. Huaña, nache nataren 'enauac so sa no'onpi maye qandotauo.

Mateo 14:14 Referans Kwoze

Hebreos 4:15

Qa'a ñe'me mach'e Qadetaĝayaĝanaĝanec yataqata yaqanatet ta'le yichoĝoden da'me mach'e qadachoĝolaĝac, qa'a joñe'me uetauelo ca'li yemeda gaa'me napiyenagueco, ena'ama da'me qo'mi, qalaĝaja joñe'me qaya'te lepatenaĝanaĝac.

Mateo 9:36

Ca'li yauanalo ga'me jiyaĝadipi, qama'le yataqachiñe nomeguet da'me lichoĝodenataĝanaĝac, qa'a nelidiñi nataq'aen ena'am ta'le qoyegue'm, ena'ama gaa'me 'naĝanaĝatel qom qaya'te neuatoqo't.

Hebreos 2:17

Qo'che' joñe'me youen da'me yataqata ena'am qoyen da'me 'loyaĝa'j jogaa'me laqaya'olqa, qaedi yovida'a da'me qoyen Letaĝayaĝanaĝane'j jo'ne p'ajaye 'me yataqatelegue nataq'aen choĝodenataĝanaĝaic da'me dajo'tot joñe'me Dios, nataq'aen da'me yapalaĝa't gaa'me loeco joga'me jiyaĝadipi, qama'le yachiyoĝotayilo da'me leleuaĝa'.

Hebreos 5:2

Qama'le ga'me netaĝayaĝanaĝanec yataqata yaqanatet ta'le yichoĝode'n gaa'me jo'ne yejoma'ape yajouaĝat da'me qaya'te layatenaĝanaĝa'j, qa'a nach'e ena'am ja t'añi da'me mach'e nejiyaĝauayaĝac joga'me.

Lucas 19:41

Ca'li yovida'a ga'me yauaqa'a di'me Jerusalén, mane'e da'me yauana di'me noic, qama'le Jesús noyelegue ga'me,

Lucas 7:13

Ca'li ñe'me Jaliaĝanec yauana jaga'me p'ai, 'uo da'me lichoĝodenataĝanaĝac qama'le dojapegue' jaga'me: —Ena'te anoyen.

Marcos 9:22

Nataq'aen ñe'me nepaqal jo'ne uetaye, nach'e eta't jetaque yajaĝañgui ga'me dole', nataq'aen ga'me noĝop, qaedi yalat. Chane'eja qom auaqanatet ta'le 'uo ga'me aua'uo, qama'le qo'mi avichoĝode'n nataq'aen qo'mi alecochiyalo.

Marcos 6:34

Mane'e ca'li yenoĝonegue ñe'me Jesús chiyaqañgui jaga'me licota, qama'le yelaue ga'me jiyaĝadipi, qama'le nomeguet da'me lichoĝodenataĝanaĝac joñe'me, qa'a ena'ama ga'me 'naĝanaĝatelpi jo'ne qaya'te nouatoqo't. Qama'le paja'a yitaĝa jalcote da'me dapaĝaguenataĝanec.

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Mateo 14:15

Chane'eja queda'me joote 'nalchiñe, jogaa'me lapaĝaguenataqa yec'adeta ñe'me Jesús qama'le dojedapegue', enapega't: —Joote javit nataq'aen jenjo' aleua totapega't. Auajeta ta'le eque' ga'me jiyaĝadipi qaedi yec'atalo ga'me noicolqa nataq'aen quetot ga'me yali'j.