Mateo 13:46 - Nuevo Testamento Toba Sombrero Negro

⁴⁶ Ca'li yauana jaga'me onole jo'ne jalcote da'me lajo'viyaĝac, qama'le ec qaedi yemen yema ga'me yauana. Yem qama'le ecot jaga'me perla.

Nuevo Testamento Toba Sur

⁴⁶ Qaq da huo'otaq ÿanata aca 'oonole mayi ÿataqta qalota da lashiichiÿaxac, nachi ÿi'iguelaq. Ime, qaq imen 'enauac na logoxoshitpi, nachi deshijnaxana asa'aso perla.

La'aqtaqa Ñim Lo'onatac 'Enauacna 2013

⁴⁶ Qaq da huo'otaq ỹanata aca 'oonole maye ỹataqta qalota da lashiichiỹaxac, nache ỹe'eguelaq. Ime, qaq imen 'enauac na logoxoshetpi, nache desheenaxana asomaye.

Mateo 13:46 Referans Kwoze

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Colosenses 2:3

Qa'a nach'eñe ue'tajopa ena'uaque daa'me nayatenaĝanaĝaco nataq'aen daa'me natetonaĝanaĝaco.

Hechos 20:24

Qalaĝaja jayem qaya'te jen chiyaqayi da'me ta'le jen diyachigui jena'me yeuel qa'a jouaĝat da'me 'yoyaĝac, nach'eda eeta da'me taya'ague da'me yeloiquiaĝac nataq'aen jepaquetelegue da'me 'yonataĝanaĝac jo'ne jayem yanem ñe'me Jaliaĝanec, queda'me qaedi ja'aĝatetac da'me onaĝaic 'naqataĝanaĝac jo'ne 'yaĝat da'me lichoĝodenataĝanaĝac ñe'me Dios.

Mateo 13:44

“Joda'me lejaliaĝa ñe'me Dios ena'am qom qoyoĝochiñe jaga'me lae't da'me neuoyaĝac. Qama'le 'uo ga'me jiyaĝaua yejomalegue jaga'me neuoyaĝac lae't, qama'le nach'ega yacha'ña da'me yitaĝa yoĝotoue jena'me aleua. Yataqachiñe najaqachigui da'me lamaic ca'li ec qaedi yemen yema ga'me yauana. Yem qama'le ecot ga'me aleua lae.

Apocalipsis 21:21

Gaa'me doce jo'mi nach'egaua gaa'me doce perlas, qama'le onolqa'tape ga'me jom nedo'ta't onole jana'me perla. Qama'le joga'me naq'aeuo jo'ne uañe laeñi di'me noic yajamaĝat jana'me oro, da'me qaya'te ta'le lale'gue, qama'le da'me 'loyaĝac ena'am ta'le cristal da'me yataqata chichiñe nataq'aen 'yaqaye.

Gálatas 6:14

Jayem qamqa'me nach'edata 'uo da'me ñi'yoĝodenaĝac da'me jaconeguet da'me jo'ne chiyaqayi da'me leleuaĝa ñe'me Qadejaliaĝanec Jesucristo. Qa'a jouaĝat da'me leleuaĝa ñe'me, male ja jen 'te p'ajaye ga'me jo'ne jenjo' aleua 'me ja no'en jayem yachalegue. Ena'am da'me jenjo' aleua joote jeleualegue.

Mateo 13:45

“Nataq'aen da'me lejaliaĝa joñe'me Dios ena'am da'me dojo': 'uo ga'me jiyaĝaua jo'ne menaĝaic netetapiye gaa'me perlas jo'ne yataqachiñe onaĝail.

Mateo 13:47

“Nataq'aen da'me lejaliaĝa joñe'me Dios ena'am ga'me 'uaĝanaĝanaĝat nale qoyijaĝañgui ga'me noĝop qama'le yodapecache ga'me yapetena't niyaqapi.

Apocalipsis 18:12

nach'egaua jogaa'me li'yaco jo'ne oro, plata, qadi jo'ne onaĝayaqa, perlas, laqañe jo'ne onaĝayaqa choqoga'me seda jo'ne 'loyaĝac da'me tomaqalegue nataq'aen ga'me tomaĝadaic; yema jana'me epaq jo'ne yodapecache da'me laetayaĝac jo'ne jama; choqogaa'me 'nonataqa jo'ne chiyoqodayi ga'me marfil, nataq'aen gaa'me chiyaqayilo gaa'me ep'a jo'ne onaĝayaqa daa'me 'loyaĝaco, nach'e ena'am jena'me bronce, nataq'aen jena'me yataqachiñe laicaua nataq'aen jena'me marmol;