Mateo 13:42 - Nuevo Testamento Toba Sombrero Negro

⁴² Qoyijaĝadoue jaga'me nec'atoĝonaĝaiqui jo'ne edetañgui, qama'le 'uo da'me lachitatai'j choqoda'me noyenaĝa'j.

Nuevo Testamento Toba Sur

⁴² Ime, nachi namayipi ÿasaxangui qome aca laÿi' na nodec. Huaña, nachi noÿiitac qataq ÿataqta inaga't naua lhue da nqui'ic.

La'aqtaqa Ñim Lo'onatac 'Enauacna 2013

⁴² Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Mateo 13:42 Referans Kwoze

Mateo 13:50

qama'le qoyijaĝadoue jaga'me nec'atoĝonaqa' jogaa'me ja 'noe'n. Chane'eja male 'uo da'me lachitatai'j choqoda'me noyenaĝa'j.”

Apocalipsis 20:10

Yem da'me dojo' qama'le joñe'me payac jo'ne yoqovi'n ena'uac joga'me jiyaĝadipi male nach'e ena'am da'me qoyajaĝañgui jaga'me limaĝañi jo'ne uetañgui joga'me dole' let'adaic, di'me jo'ne nach'e ena'am ua'ña da'me qoyajaĝa'ña joca'li joñe'me jiyac polio' choqoñe'me jiyaĝaua jo'ne ja eja da'me lapaĝaguenataĝanaĝac. Qama'le ua'ña da'me 'uo da'me lachoĝode'j yemeda naa'me pi'yaĝadi choqonaa'me noloqo'ote, qaya'te loiquiaqa'.

Mateo 8:12

Qalaĝaja ga'me judiopi lec'oqo'tepi jo'ne te'me naqaegaua tadoue da'me lejaliaĝa ñe'me Dios, male qoyamaĝade'ga qomle ga'me 'lalaĝa jo'ne p'aye. Chane'eja 'uo qomle da'me lachitatai'j choqoda'me noyenaĝa'j.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.

Apocalipsis 14:10

nach'ega jo'ne niyomigui qoyen ga'me lataĝa jo'ne lalemataic ñe'me Dios. Ena'am ta'le qaya'te lale'gue da'me le'uaĝanaĝanaĝac joñe'me, qama'le qoyen da'me layaliaĝac ga'me jiyaĝaua da'me yaviyeque ga'me dole', nataq'aen ga'me azufre jo'ne yataqata edetañgui, nataq'aen da'me dajo'tagueta ñaa'me piyem laje' jo'ne ja 'nalo'te choqoñe'me 'Naĝanaĝate Lec'oĝot.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Mateo 22:13

Chane'eja ñe'me jaliaĝanec enapegalo gaa'me jo'ne yelodelegue ga'me niqui'yaĝala': «Auecoñidiye' naa'me lapia'te nataq'aen naa'me loua' qama'le auajaqayi'ya ga'me p'aye 'me 'naltapiye. Ua'a da'me noyenaĝac nataq'aen lachoĝodec.»

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Lucas 13:28

Chane'eja male novi' da'me ademalaqataĝanaĝaqui nataq'aen da'me adalemataiqui queda'me auañiyalo di'me Abraham, Isaac, Jacob nataq'aen ena'uaque dia'me 'laqataĝanaĝanaqa joñe'me Dios da'me uetedaue da'me daja' lejaliaqa', qalaĝaja ami qamqa'me qoyen oquiya'e qomle da'me ami qoyamaĝadegue.

Mateo 3:12

Ena'am ta'le nachetac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.”

Apocalipsis 9:2

Qama'le 'youategue ga'me najom jaga'me limaĝañi, qama'le nenoĝojeguem jaga'me nemala' jo'ne ena'am jaga'me nemala' jo'ne chiyaqaue jaga'me nec'atoĝonaĝaiqui lat'edai. Chane'eja jajo'me nemala' male en 'naltapiye jañe'me ajeua choqona'me piyem.