Mateo 13:37 - Nuevo Testamento Toba Sombrero Negro

³⁷ Jesús 'yategueta: “Ñe'me jo'ne yaañi jaga'me onaĝai peta naqayem jo'ne jayem Jiyaĝaua Lec'oĝot,

Nuevo Testamento Toba Sur

³⁷ Nachi so Jesús 'enapeco': –Som shiÿaxaua mayi no'on aso languishi, nachina na shiÿaxaua llalec.

La'aqtaqa Ñim Lo'onatac 'Enauacna 2013

³⁷ Nache So Jesús 'enapeco': «Som ỹaañi aso no'on lañiguishe ala trigo, qalaq nache Aỹem Shiỹaxaua Llalec.

Mateo 13:37 Referans Kwoze

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Lucas 10:16

“Joñe'me jo'ne ami naquiaĝanalo, mach'e jayem naquiaĝana; joñe'me jo'ne ami 'yota'tape, mach'e jayem 'yotatac. Nataq'aen ñe'me jo'ne jayem 'yotatac, mach'e 'yotatac ñe'me jo'ne jayem namaĝaquena.”

Mateo 13:41

Jayem jo'ne jayem Jiyaĝaua Lec'oĝot ñamaĝatequena qomle gaa'me piyem laje' qaedi yacone'ualo yema gaa'me jo'ne yaueguedoue nale ga'me loe'j joga'me laqaya'olqa nataq'aen jogaa'me 'yetedac da'me ja no'en.

Romanos 15:18

qa'a ja ch'e yichicalegue da'me gamachaqaega ja'aĝatetac, dite da'me Cristo jayem yanem 'me jayem ch'e na'ya q'aen, qaedi ga'me ja judiopi yaqanate't da'me yoqochideta ñe'me Dios. Jauo'oe daa'me 'yaqataqa choqodaa'me 'yonataqa 'me di'yo't da'me je'et da'me dojo'.

Juan 20:21

Qama'le Jesús yitaĝa enaac: —¡'Nemaĝac ami uetauelo! Queda'me jayem namaĝaquena ca'li joñe'me Taĝadena', qama'le nach'e ena'am da'me jayem male ami jama'.

Juan 13:20

Male yataqata eja da'me dojo': gamachaqaega joga'me jo'ne yaconeguet joga'me yamaĝajec, nach'e ena'am jayem yaconeguet. Nataq'aen qom jayem yaconeguet, nach'e ena'am yaconeguet joñe'me jo'ne jayem namaĝaquena.”

Mateo 13:27

Chane'eja jogaa'me onataĝanaĝayaqa t'aqataĝatem ca'li ñe'me ladipa, enapega't: «Jaliaĝanec, ta'le onaĝai jaga'me anepeta jo'ne auaalegue di'me adanaĝanaqa', qama'le ¿jach'e ga'me chiyaqayi da'me najeguem jana'me cizaña?»

Mateo 13:24

Jesús 'yaĝatema jenjo' laloqotenaĝanaĝaiqui laqaya: “Joda'me lejaliaĝa ñe'me Dios jo'ne ne'tague di'me piyem ena'am da'me dojo': 'uo joca'li ga'me jiyaĝaua jo'ne yaañi jaga'me onaĝai nepeta da'me yachalegue ga'me lanaĝanaqa'.

Mateo 10:40

Qom 'uo ga'me ami yaconegueta, qama'le naqayem da'me jayem yaconeguet; nataq'aen ga'me jo'ne jayem yaconeguet, qama'le nach'e ena'am yaconeguet ñe'me jo'ne jayem namaĝaquena.

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Hebreos 1:1

Joca'li jaa'me 'uoidi jo'ne 'uaechidiñe, Dios yojaĝanaĝa'n jodia'me 'laqataĝanaĝanaqa da'me dojapegue'to jodia'me jiyaĝa'u jo'ne mach'e jachiyojoĝogueta: nach'e eta't 'viyelaĝalegue da'me dojapegue'to, choqoda'me yodapecache daa'me 'laqataqa jo'ne yanema.

Mateo 13:4

“Qama'le ca'li danaĝan, 'uo jaga'me nepeta tachi'ña ga'me naq'aec: ca'li novi't joga'me mayodipi qanach'e yali'j joga'me.