Mateo 13:33 - Nuevo Testamento Toba Sombrero Negro

³³ Nach'e ena'am 'yaĝatema dojo' laloqotenaĝanaĝaiqui: “Da'me lejaliaĝa di'me piyem ena'am ga'me nalequetenaĝanaĝat jana'me pan 'me yacona jaga'me yauo. Yem, qama'le yalequeteneguet ga'me let'adaic lonanec trigo lojoche 'me yovi' veinticinco kilos, da'me qaedi yema yajediye q'aen.”

Nuevo Testamento Toba Sur

³³ Nataq'en ÿauo'o so lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am aca ÿashiidaxachigui ana pan mayi ÿacona aca 'alo. Ime, nachi ÿalecneguet ca lta'adaic lvigoxoshic trigo lsochi mayi ivi' yi lcata da tres qanaloqten, da yaqto' 'enauac ÿashiidaxachigui.

La'aqtaqa Ñim Lo'onatac 'Enauacna 2013

³³ So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

Mateo 13:33 Referans Kwoze

Gálatas 5:9

'Noota qom ja auoqoleguechi da'me dojo': queda'me qom 'uo ga'me paĝaguenataĝanaĝaic 'me ja yataĝalegue qama'le 'naĝat yema ga'me napaĝaguenataĝanaĝac.

Lucas 13:21

yataqachiñe ena'am ga'me nalequetenaĝanaĝat jo'ne en yajediye q'aen nale jaga'me pan. Jaga'me yauo yalequeteneguet nale gaa'me jalcote lonanec, qaedi yema qoyen yajediye.”

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

Filipenses 1:9

Ñachoĝodetapecot joñe'me Dios qaedi nach'e eta't en nichiquetedaye da'me anoqopich'iya't, qaedi yataqata qoyayaten nataq'aen qaya'te ami qoyec'ateneque,

Filipenses 1:6

Yataqata 'noota da'me 'lonataĝanaĝac joñe'me Dios jo'ne ami uauelo ca'li yemta, qama'le naajo' noloqo'ote male en nichiquetedaye da'me auep'iiya'a joñe'me, chayovida'a ga'me nolo' qom yitaĝa 'niyelaq joñe'me Jesucristo.

Juan 15:2

Nach'eñe yichaĝaye yema jaga'me yepee jo'ne qaga'te jala; qalaĝaja yema jaga'me 'uo jaga'me jala, qama'le yepoloqo't qaedi let'adaic da'me nejalayaĝac.

Marcos 13:20

Qalaĝaja qom ñe'me Jaliaĝanec ja yip'iaĝataye da'me dojo' gaa'me noloqo'ote qama'le qaya'te yaqanatet ta'le nec'alegue; qalaĝaja, yip'iaĝataye qom'te, jouaĝat da'me lichoĝodenataĝanaĝac jogaa'me lec'oqo'tolqa jo'ne mach'e liquiyaqa.

Mateo 13:24

Jesús 'yaĝatema jenjo' laloqotenaĝanaĝaiqui laqaya: “Joda'me lejaliaĝa ñe'me Dios jo'ne ne'tague di'me piyem ena'am da'me dojo': 'uo joca'li ga'me jiyaĝaua jo'ne yaañi jaga'me onaĝai nepeta da'me yachalegue ga'me lanaĝanaqa'.