Mateo 13:24 - Nuevo Testamento Toba Sombrero Negro

²⁴ Jesús 'yaĝatema jenjo' laloqotenaĝanaĝaiqui laqaya: “Joda'me lejaliaĝa ñe'me Dios jo'ne ne'tague di'me piyem ena'am da'me dojo': 'uo joca'li ga'me jiyaĝaua jo'ne yaañi jaga'me onaĝai nepeta da'me yachalegue ga'me lanaĝanaqa'.

Nuevo Testamento Toba Sur

²⁴ So Jesús ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am ca shiÿaxaua mayi ÿataqta no'on aca languishi mayi ÿaalec ca n'alhua.

La'aqtaqa Ñim Lo'onatac 'Enauacna 2013

²⁴ So Jesús ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna 'eeta'am ca ỹale maye ỹaañi aca no'on lañiguishe maye ala na trigo da ỹaalec ca na'alhua.

Mateo 13:24 Referans Kwoze

Mateo 25:1

“Chane'eja da'me lejaliaĝa joñe'me Dios jo'ne na'ague di'me piyem ena'ama gaa'me diez q'añolel jo'ne yaconalo gaa'me lecoyadaĝanaqatel qaedi yeviteteda'aguet ñe'me nojaĝaua.

Mateo 20:1

Jesús yitaĝa enaac: —Qa'a joga'me lejaliaĝa ñe'me Dios jo'ne na'ague di'me piyem ena'am da'me dojo': 'uo ca'li ga'me jiyaĝaua jo'ne loĝot ga'me nanaĝanaqa'. Qama'le ec da'me ne'teta netetapiye gaa'me onataĝanaĝayaqa qaedi e'n yelodelegue ga'me lanaĝanaqa' jo'ne uva lichidijat.

Mateo 13:47

“Nataq'aen da'me lejaliaĝa joñe'me Dios ena'am ga'me 'uaĝanaĝanaĝat nale qoyijaĝañgui ga'me noĝop qama'le yodapecache ga'me yapetena't niyaqapi.

Mateo 22:2

“Joda'me lejaliaĝa di'me piyem ena'am da'me dojo': 'uo ca'li ga'me jaliaĝanec jo'ne 'yonaĝan ga'me c'oĝot qama'le diyaĝan qaedi qodeualaĝailegue ga'me.

Mateo 13:37

Jesús 'yategueta: “Ñe'me jo'ne yaañi jaga'me onaĝai peta naqayem jo'ne jayem Jiyaĝaua Lec'oĝot,

Lucas 13:20

Nach'e ena'am enaac: “Nataq'aen da'me lejaliaĝa ñe'me Dios nach'e naq'aeta da'me dojo':

Lucas 13:18

Qo'che' enaac ñe'me Jesús: “Da'me lejaliaĝa ñe'me Dios nach'e naq'aeta da'me dojo' yaloqotenaĝanaĝaiqui:

Mateo 13:33

Nach'e ena'am 'yaĝatema dojo' laloqotenaĝanaĝaiqui: “Da'me lejaliaĝa di'me piyem ena'am ga'me nalequetenaĝanaĝat jana'me pan 'me yacona jaga'me yauo. Yem, qama'le yalequeteneguet ga'me let'adaic lonanec trigo lojoche 'me yovi' veinticinco kilos, da'me qaedi yema yajediye q'aen.”

1 Pedro 1:23

Qa'a da'me ami ena'am ta'le yitaĝa 'niyelaq da'me aniyiñe, qama'le nayi ja naqaeda da'me net'ayaĝac 'me ch'e qanejiyaĝauayaĝac jo'ne pal qomle, dite da'me nach'ena na'me 'laqatac joñe'me Dios, jo'ne nach'e eta't nec'aletaye nataq'aen da'me ja pal.

Mateo 13:31

Jesús nach'e ena'am 'yaĝatema dojo' laloqotenaĝanaĝaiqui: “Joda'me lejaliaĝa di'me piyem ena'am jaga'me onole peta 'me mostaza jala qom 'uo ga'me jiyaĝaua yaalegue ga'me lanaĝanaqa'.

Mateo 18:23

“Qa'a da'me lejaliaĝa ñe'me Dios 'me ne'tague di'me piyem ena'am ga'me jaliaĝanec jo'ne jetaque naloqotena't jana'me laviyaĝajete gaa'me lamaĝa's.

Mateo 13:19

jogaa'me jo'ne domachita da'me qo'yaĝatetac joda'me nejaliaĝa qama'te ja yayate'n, eda'am jaga'me nepeta jo'ne tachi'ñgui ga'me naq'aec; novi' ñe'me payac qama'le doĝotaĝanec da'me 'naqataĝanaĝac jo'ne qoyanoue ga'me lauel.

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

Mateo 21:33

Yitaĝa enaac ñe'me Jesús: —Anaquiaĝañiya dojo' yaloqotenaĝanaĝaiqui laqaya: 'uo ñe'me jiyaĝaua jo'ne loĝot ga'me nanaĝanaqa', ya'uo jaga'me noqop'adit, qama'le yaañi ga'me uva lichidijat; ya'uo ga'me uva li'i 'netaĝaiqui da'me qoye'et, nataq'aen queda'me 'noĝojeguem joga'me emec jo'ne qayaje'mec qaedi netaue ga'me vitaĝaic. Yem qama'le yauo'oe gaa'me jiyaĝa'u jo'ne neteleta ga'me 'lonatac da'me cha'li ca'e, dajoyi ga'me qaya'ague.

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.

Mateo 13:25

Qalaĝaja ca'li ena'uaque t'oche'tape jogaa'me, novi' ga'me lauteua, qanach'e yalequeteneguet ga'me lanec jo'ne trigo da'me yajaĝañi jaga'me peta laqaya jo'ne ja no'en, lenaĝat cizaña. Yem qama'le ec.