Mateo 13:23 - Nuevo Testamento Toba Sombrero Negro

²³ Qalaĝaja jaga'me nepeta jo'ne onaĝaic ga'me aleua da'me danaĝalegue yelo'tegueta gaa'me jo'ne domachita da'me 'naqataĝanaĝac qama'le yayate'n nataq'aen onaĝaic ga'me jalayaĝac 'me chiyaqayi, ena'am jaga'me laqata qom chiyaqayi cien jaga'me jala, sesenta uotaĝa treinta jaga'me jala 'me chiyaqayi onole nepeta.”

Nuevo Testamento Toba Sur

²³ Qalaxayi aso nanguishi mayi tajlec so no'on 'alhua, asomayi naigui nam shiÿaxauapi mayi n'axaÿaxana da n'aqtac, qalaq ÿataqta ÿaÿateeteguet, qaq ÿataqta no'on da alaÿaxac da qanqat. Huo'o na 'eeta'am aca nanguishi mayi ivi' ana cien ana ala, qataq huo'o ana ivi' ana sesenta, qataq huo'o ana ivi' ana treinta.

La'aqtaqa Ñim Lo'onatac 'Enauacna 2013

²³ Qaq aso pa'atec nañiguishe ala maye tatelec so no'on 'alhua, asomaye naigui nam shiỹaxauapi maye na'axaỹaxana da na'aqtac qataq ỹataqta ỹaỹateeteguet. Qaq namayepi ỹataqta naralaxat da lataxac qataq ỹo'ot ca ỹaỹamaqchiguiñi. Namayepi 'eeta'am asa'aso nañiguishe ala da huo'o ana ivi' cien ana ala, qataq huo'o ana ivi' ana sesenta, qataq huo'o ana ivi' ana treinta.

Mateo 13:23 Referans Kwoze

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Mateo 12:33

“Qom onaĝai jaga'me epaq qama'le yauo'oe jala jo'ne 'noote'; qom ja no'en jaga'me epaq qama'le yauo'oe jala jo'ne ja 'noe'n; qa'a qoyachiyoĝotaye jaga'me jala da'me qoyateton jaga'me epaq.

Mateo 13:8

Qalaĝaja jaga'me lae tachi'ña ga'me onaĝaic aleua, qama'le onaĝaic ga'me jalayaĝac; 'uo jaga'me cien jaga'me chiyaqayi, laqaya chiyaqayi sesenta, jaga'me laqaya chiyaqayi treinta.

Colosenses 1:6

Naqaeda da'me 'naqataĝanaĝac jo'ne joote ami novida'alo, qama'le ena'am ta'le nichiquetaye da'me jalayaĝac, ena'am da'me 'uo yemeda naa'me ale'u lael. Nach'eda da'me ami chiyoqotelegue ca'li yemta auomachiiya qama'le auayachiñe joga'me lichoĝodenataĝanaĝac ñe'me Dios queda'me eja yataqatelegue.

Mateo 3:8

'Noota qom qoyauana da'me at'oyaĝaqui queda'me yataqachiñe eja da'me a'viyelaqaiyot joñe'me Jaliaĝanec.

Lucas 13:9

Naq'aeta qomle da'me je'etec, qama'le uotaĝa male ya'uo jala; qalaĝaja qom ja naq'aeta, qama'le male auequejoĝoyi.»”

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Hebreos 8:10

Qom male yenoĝodegue jogaa'me noloqo'ote Qama'le naq'aeta da'me 'yamaqatenataĝanaĝac Qaedi ñiyamaĝadenegueta jogaa'me lec'oqo'tepi ñe'me Israel: Janauelo qomle naa'me laqai'go daa'me yamaĝajoĝonaĝaco, Qama'le jedelo'te jogaa'me lai'li; Qa'a naqayem jo'ne mach'e jayem Nedios, Chane'eja joga'me jiyaĝadipi nach'egaua jo'ne mach'e ñejoĝonaqapi.

Hebreos 4:2

Qa'a da'me qo'mi joote jomachaĝa da'me dojo' 'naqatac jo'ne onaĝaic, ena'am ga'me Israel laje'pi joca'li. Qalaĝaja da'me 'naqatac jo'ne qo'yaĝatema ca'li joga'me Israel laje'pi qaya'te chiyaqayi, jouaĝat da'me ja 'yamaqate'n qama'le ja napotenegueta gaa'me laqaya' jo'ne yataqata 'uo da'me lepe'e' joca'li.

2 Ts 2:10

T'onataĝana yema gaa'me letaĝaloĝoco qaedi yoqovi'n jena'me jiyaĝadipi jo'ne uetedaue da'me lejomaĝa'j, nach'egaua jo'ne yataqata ja 'yamaqate'n da'me eja, ja yacoteguet ca'li jena'me jenjo' 'naqataĝanaĝac jo'ne chiyoqo'ot joñe'me Jesucristo 'me nec'alaĝa.

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

Filipenses 4:17

Da'me dojo' jo'ne ami ja'aĝatema nayi, ja jelotaque ta'le yitaĝa 'uo joga'me jayem auañem. Nach'edata da'me jelotaque da'me nichiquetaye ga'me anejetenaguequi jo'ne Dios ami yanema qomle.

2 Corintios 9:10

Dios jo'ne ya'uo jaga'me petapi jo'ne qoyaañi nale nataq'aen ga'me niqui'yaĝat jo'ne qoyalic nale, nach'e ena'am ami yanema yema ga'me jo'ne auoviñetaque, nataq'aen nichiyaĝataye ga'me ami yanema, qaedi auaqanachichi ta'le alecochiiyalo jogaa'me adaqayadi'.

Hechos 17:11

Naajo' judiopi jo'ne yataqachiñe onaĝaic ga'me letadenataĝanaĝa'j ja ena'ama gaa'me neda'ña di'me Tesalónica, yataqachiñe 'uo da'me lamaic ta'le yacoteguet da'me 'naqataĝanaĝac, qama'le noloqo'ote, noloqo'ote napaĝaguenalo daa'me nedii's qaedi yayaten qom yataqachiñe eja ga'me jo'ne Dios 'yaĝatetac.

Hechos 16:14

'Uo jaga'me lenaĝat Lidia; nach'aga jo'ne 'lachaqa' di'me Tiatira nataq'aen yemanac ga'me ualoq jo'ne yataqata no'en 'me yemalaqalegue da'me 'loyaĝac. Janjo' yauo jo'ne 'nonaĝachigui joñe'me Dios nataq'aen jo'ne naquiaĝan ca'li, joñe'me Jaliaĝanec yataqachiñe yedaĝat ca'li qama'le naquiaĝatelegue ga'me jo'ne Pablo 'yaĝatetac.

Juan 8:47

Gaa'me Dios lec'oqo'te naquiaĝanalo naa'me 'laqataqa. Qalaĝaja queda'me ja ami 'te Dios lec'oqo'te, ja jetaque anaquiaĝañiya joñe'me.

Lucas 8:15

Qalaĝaja jaga'me petapi lae jo'ne tachi'ña ga'me aleua jo'ne 'noota, nach'egaua jiyaĝa'u jo'ne 'noote' ga'me lai'li nataq'aen niyamaĝateta'ajalo da'me domachita da'me Dios 'laqataĝanaĝac, qama'le yoqochideta nataq'aen 'nañaĝatela'ajalo qaedi chimadichidiñe, nach'e ena'am 'nañaĝatela'ajalo gaa'me chiyaqayilo jo'ne jalayaĝa'j.”

Marcos 10:15

Eja da'me ami ja'aĝatema, queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Marcos 4:20

“Qalaĝaja uo'oe gaa'me laqaya' jo'ne ena'ama gaa'me petal jo'ne tadi'ña ga'me aleua jo'ne onaĝaic: domachita da'me dojo' 'naqataĝanaĝac qama'le yataqachiñe yacoteguet, qama'le jalcote yauote jalayaĝa'j, onolqa'tape chiyaqayilo treinta, ga'me laqaya yauana sesenta, ga'me laqaya yauana cien.”

Mateo 3:10

Uoja'eda da'me le'uaĝanaĝanaĝac ñe'me Dios ena'am jaga'me qachipe jo'ne qoyiyamaĝateta't qaedi qoyequejoĝoyelo gaa'me ep'a chayovida'alo gaa'me patadi. Ena'uaque gaa'me ep'a jo'ne ja yauote jala qonejecoĝojeguem qama'le qoyigoue.

Hebreos 6:7

Qa'a joga'me jiyaĝadipi ena'am ga'me aleua jo'ne nach'e eta't da'me 'uo da'me uotep talegue, qama'le paja'a da'me queñi jena'me noĝop. Qom paja'a da'me en najeguem ga'me nanec jo'ne 'uo da'me nejalayaĝac, da'me 'uo ga'me laqataĝanaĝa'j jogaa'me jo'ne t'onataĝadelegue, qama'le nach'ega ga'me aleua jo'ne 'uo da'me nichoĝodenataguec 'me chiyoqo'ot joñe'me Dios.

Lucas 8:8

Qalaĝaja laqaya jaga'me petapi tachi'ña ga'me aleua jo'ne onaĝaic: qama'le nolelidijeguem, nataq'aen onaĝaic jalayaĝac jo'ne ya'uo, onole peta chiyaqayi cien jaga'me jalapi.” Dojo' nenaĝategue ñe'me Jesús, nataq'aen netenec ga'me 'laqatac da'me noqotetenegue: “Gaa'me jo'ne domachita dojo', ¡'noota qom naquiaĝata!”