Mateo 13:19 - Nuevo Testamento Toba Sombrero Negro

¹⁹ jogaa'me jo'ne domachita da'me qo'yaĝatetac joda'me nejaliaĝa qama'te ja yayate'n, eda'am jaga'me nepeta jo'ne tachi'ñgui ga'me naq'aec; novi' ñe'me payac qama'le doĝotaĝanec da'me 'naqataĝanaĝac jo'ne qoyanoue ga'me lauel.

Nuevo Testamento Toba Sur

¹⁹ Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

La'aqtaqa Ñim Lo'onatac 'Enauacna 2013

¹⁹ Huo'o na na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, qalaxaye ye saishet da ỹaỹaten, nache so pa'aguenataxanaxaic anac, nache ỹo'otec da icoua'ai de'era na'aqtaxanaxac. Qaq 'ena nam 'eeta'am aso nañiguishe ala maye tatelec so nqa'aic.

Mateo 13:19 Referans Kwoze

Mateo 13:38

qama'le ga'me nanaĝanaqa' nach'ena jena'me qa'naleua, jaga'me onaĝai peta nach'egaua uetedaue da'me Dios lejaliaĝa, jaga'me najeguem jo'ne cizaña nach'egaua c'oqo'te ñe'me payac,

Hebreos 2:1

Chane'eja 'noota qom yataqata jeloqo'tegue da'me ladic na'me napaĝaguenataĝanaĝac jo'ne joote jomachaĝa, qaedi ja jejomaqatac.

1 Juan 5:18

Yataqachiñe jayatenaq queda'me ena'uaque gaa'me Dios lec'oqo'tolqa ja maliaĝa quetalo'te gaa'me loeco, dite ñe'me Dios Lec'oĝot netelalo jogaa'me qama'le ñe'me payac ja yaqanatet ta'le 'uo ga'me 'yeteque.

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

1 Juan 3:12

Ena'te jenaqa'am di'me Caín, jo'ne quetapegue' ñe'me payac joca'li qama'le niquiya'a di'me lanoqolec Abel, chayovida'a yalat jodi'me. Qama'le ¿toqoch'e yalat? Yalat jaĝa'te qa'a Caín ja 'noe'n daa'me 'lonataqa qalaĝaja di'me lanoqolec qamqa'me 'noote' daa'me 'lonataqa.

Romanos 1:28

Qa'a queda'me ja jetaque yatetoteguet ñe'me Dios, joñe'me yegue'm jogaa'me yemegueta gaa'me jomayaqa lelnataĝaco, qaedi ye't ga'me jo'ne yepaquetedapega.

2 Ts 2:12

qaedi jogaa'me male qoye'n tadoue da'me ne'uaĝanague'j let'adaic, yema jogaa'me jo'ne ja yacoteguet da'me eja, dite da'me quetedapegue' da'me ja chimaqachiñe.

Romanos 14:17

Joda'me lejaliaĝa ñe'me Dios ja qoyelo'ogue joga'me niqui'yaĝac uotaĝa joga'me qoniyomigui, nach'edata da'me yataqata qoyen p'ajaye da'me qoye'et joda'me 'noota nataq'aen da'me 'uo da'me 'nemaĝac choqoda'me namaic 'me chiyoqo'ot joñe'me Dios Lepaqal.

Romanos 2:8

Qalaĝaja yedolo'te da'me lalemataic ñe'me Dios da'me ya'uo ne'uaĝanague'j joga'me qoleguetaĝanaĝaiquipi nataq'aen gaa'me ja yoqochideta da'me yataqatelegue dite da'me yauote da'me ja no'en.

Hechos 28:23

Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

Hechos 20:25

“Qama'le nayi jachimaĝadejañe queda'me gamachaqaega ami, gaa'me jo'ne jayatenaĝaneque da'me lejaliaĝa ñe'me Dios, ja yitaĝa jayem yauata.

Hechos 18:15

Qalaĝaja queda'me qodojeye ga'me ch'e 'naqatac, ga'me ch'e nenaĝat nataq'aen namaĝajoĝonaĝaco jo'ne ami chiyaqayilo, 'noota qom mach'e ami da'me a'vichiye, qa'a ja jetaque jalequete'n naa'me naajo' jo'ne uo'oe.

Hechos 17:32

Ca'li domachita da'me dojo' 'liyelaĝajoĝo'j gaa'me jo'ne joote yele'u, uo'oe gaa'me jo'ne ye'ue'tape nataq'aen laqaya' enapega't: —Mach'e am jomachaĝa qomle yitaĝa a'uaĝat.

Juan 18:38

Joñe'me Pilato enaac: —¿Jach'e ga'me eja? Mane'e ca'li yem da'me lenataĝanaĝac, qama'le Pilato yitaĝa yenoĝonegue dojapegue'to joga'me judiopi qama'le enaac: —Jenjo' jiyaĝaua ja jauana da'me ta'le 'uo ga'me laviyaĝajet.

Juan 8:43

Da'me ami ja auaqanachichi ta'le auayachiñe da'me dojo' jo'ne ami japaĝagueneque, qa'a da'me ami yajouaĝa't queda'me nach'eda da'me ja anaquiaĝañiyalo naa'me 'yaqataqa.

Lucas 10:9

anec'alaĝachidegue ga'me leuaĝaiquipi jo'ne uetedaue ga'me, nataq'aen aueñiyaac jo': «Joda'me lejaliaĝa ñe'me Dios joote ami nadi'talo.»

Lucas 9:2

Yamaĝalo'te jogaa'me qaedi 'yaĝatetedac joda'me lejaliaĝa joñe'me Dios nataq'aen qaedi e'n yemedegue joga'me leuaĝaiquipi.

Marcos 4:15

“Uo'oe gaa'me jiyaĝa'u jo'ne ena'ama gaa'me petal jo'ne tadi'ña ga'me naq'aec: jo'ne te'me domachita da'me 'naqataĝanaĝac, qalaĝaja qom yoĝo'yi da'me domachita qama'le novi' ñe'me payac jo'ne Satanás qama'le doĝotaĝanec ga'me jo'ne te'me qodanaĝanouelo naa'me lai'li.

Mateo 5:37

Qalaĝaja 'noota qom nach'edata da'me a'uachiyi: “Jaja'a” uotaĝa “Aja'y.” Qa'a gamachaqaega ga'me at'aqataqui jo'ne anoqochichiñegue da'me dojo' chiyaqayi ñe'me payac jo'ne ja no'en.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Mateo 12:26

Nach'e naq'aeta qom ñe'me Satanás yamaĝaye ñe'me nach'e ena'am Satanás, mach'e nautenapega't qama'le ja nalo'ta'ajalo joga'me; ¿qo'li yaqanatet ta'le 'nañaĝatec joda'me lañoqotaĝanaĝac?

Mateo 13:20

Jaga'me nepeta jo'ne ta'ña ga'me qadijat yelo'tegueta gaa'me jo'ne nale domachita da'me 'naqataĝanaĝac qama'le made'tapolqa nale yacoteguet,