Mateo 13:15 - Nuevo Testamento Toba Sombrero Negro

¹⁵ Qa'a naa'me lai'li jena'me jenjo' jiyaĝadipi yataqachiñe ja damichiguilo, uo'oe naa'me lequetela laco lapadenaqa'te nataq'aen 'lae'te lapadenaqa'te, qaedi ja yauana'ape nataq'aen ja domachi'y, qaedi ja yayate'n uotaĝa ta'le jayem 'niyelaĝadetot, qaedi ja jen 'te yemedegue.»

Nuevo Testamento Toba Sur

¹⁵ Cha'ayi da lquiyaqteÿaxac ne'ena shiÿaxauapi ÿi'iguelaxalec da ÿataqta qadamchigui, qataq sa ishit da ÿoqta hua'aqa, qataq naua l'ai'te ÿamaqta'a't; da yaqto' sa ishit da huo'o ca ila'a, qataq sa ishit da huo'o ca hua'axaÿa, qataq sa ishit da huo'o ca ÿaÿaten da lquiyaqteÿaxac, qataq sa ishit da aÿim ÿi'iguelaxa da yaqto' ñataden.

La'aqtaqa Ñim Lo'onatac 'Enauacna 2013

¹⁵ Cha'aye namayepi saishet da huo'o ca laỹaanataxanaxac qataq saishet da deuennataxan; qataq ỹapoguilo naua la'ai'te da yaqto' saishet da demeenaxan, qataq ỹapoguilo naua ltela lauaco, da yaqto' saishet da hua'aqa. Cha'ayectaxa da saishet da nache 'eetec de'era, nache ỹaỹaten taxa da ỹa'aqtaxanaxac, nache naralaxat taxa da lataxac, ¡nache Aỹem taxa ñeca'alaxatec!»

Mateo 13:15 Referans Kwoze

Marcos 4:12

qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n, qaedi ja 'niyelaĝadetot joñe'me Dios nataq'aen qaedi ja yapalaĝa't jodaa'me loeco.»”

Hebreos 5:11

Da'me jayem jalcote da'me jo'ne jetaque ami ja'aĝatema da'me jo'ne mach'e yelo'teguet da'me dojo' napaĝaguenataĝanaĝac, qalaĝaja 'uo da'me laqalaic da'me ami japaĝagueneque, yajouaĝat da'me ja paja'a ta'le auayachiñe.

2 Timoteo 4:4

Jena'me jiyaĝadipi netauoĝodelegue da'me eja, male 'yamaqate'n jogaa'me gamachaqaegaua ch'e nejenaĝaco.

Hechos 7:57

Qalaĝaja jogaa'me yapadiñelo naa'me lequetela laco, nataq'aen 'yalaĝadelegue da'me yec'adeta ñe'me.

Apocalipsis 22:2

Chane'eja jena'me laeñi di'me naq'aec jo'ne uañe laeñi jodi'me noic, choqonaa'me lael di'me ñache naje'ma jana'me epaq jo'ne ya'uo da'me nec'alaĝa, qama'le da'me nejalayaĝac onolqa'tape naa'me auoĝoyaqa da'me ya'uo jana'me jala, nalo'taguet doce da'me ya'uo naa'me onolqa'tape 'uoidi. Qama'le nach'e ena'am jaa'me layoqote jogaa'me ep'a onaĝaic da'me yeloteguet queda'me nec'alaĝategue ena'uac joga'me noyaqapi jo'ne aleua laje'pi.

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

Lucas 19:42

qama'le enaac: “¡Ami Jerusalén laje'pi: ta'le jenjo' nolo' nach'e ena'am auayachiñe ga'me jo'ne yaqanatet ta'le ami yanema da'me at'emaĝaqui! Qalaĝaja nayi dojo' ja ami 'te qoyaloĝonalo, qama'le ja auañiya.

Hechos 28:27

Qa'a ja damichiguilo naa'me lai'li jena'me jenjo' jiyaĝadipi, qalaq ta'le domachiyapeguema jonaa'me lequetela laco nataq'aen t'ocheya'alo jonaa'me 'lae'te. Ta'le ja naq'aeta qama'le dec'atenaĝanalo jonaa'me 'lae'te, domachiyapeguema jonaa'me lequetela laco, nach'e ena'am dayatenaĝa'n naa'me lai'li qama'le jayem 'niyelaĝata, qaedi ñec'alaĝatedegue.»