Mateo 13:11 - Nuevo Testamento Toba Sombrero Negro

¹¹ Jesús 'yategueta jogaa'me: “Da'me ami qamqa'me Dios ami yatetonaĝaneque ga'me ja di'yoq jo'ne lajoĝoc da'me lejaliaĝa jodi'me piyem; qalaĝaja jogaa'me ja naq'aeta.

Nuevo Testamento Toba Sur

¹¹ Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

La'aqtaqa Ñim Lo'onatac 'Enauacna 2013

¹¹ Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Mateo 13:11 Referans Kwoze

1 Corintios 2:14

Qalaĝaja ga'me jiyaĝaua jo'ne ja ue'tajop ñe'me Lepaqal joñe'me Dios ja yaqanatet ta'le 'youategueta gaa'me uo'oe jo'ne chiyoqo'oto joñe'me, qa'a ga'me en lelnataĝac queda'me ch'e chiyoĝojoĝoc, ja yaqanatet ta'le yayaten da'me yataqachiñe lajoĝoc da'me dojo', qa'a ga'me ch'e jiyaĝaua ja yaqanatet ta'le naloqoten ga'me jo'ne chiyaqayi ñe'me Dios Lepaqal qom ja naqaeñe uetaue ga'me.

Mateo 19:11

Jesús 'yategueta jogaa'me: —Ja yema yaqanate't ta'le yayate'n da'me dojo', dite da'me nach'egauate' gaa'me jo'ne joote Dios yatetonaĝa'n.

Santiago 1:5

Da'me ami, gamachaqaega ga'me jo'ne qaya'te layatenaĝanaĝac, 'noota qom yajela joñe'me Dios, qama'le yataqata qoyanem qomle, qa'a joñe'me ja jemataqaic, qaya'te en lochiya'a q'aen da'me lichoĝodenataĝanaĝac, uotaĝa ta'le 'uo ga'me nauchiyaĝac nale.

1 Juan 2:27

Qalaĝaja joote ami ua'ajopa joñe'me Dios Lepaqal jo'ne Jesucristo ami yanema. Qama'le ja auachitataitaque ta'le 'uo ga'me ami yapaĝague'n, qa'a joñe'me Dios Lepaqal nach'eñe ami yapaĝagueneque ena'uaque jogaa'me jo'ne uo'oe, nataq'aen da'me lapaĝaguenataĝanaĝac yataqata eja, nataq'aen qaya'te loqovinaĝanaĝac. Chane'eja, nach'e aueñeta't auoqochi'taguet joñe'me Cristo, nach'e naq'aeta da'me Dios Lepaqal joote ami yapaĝagueneque.

1 Juan 2:20

Qalaĝaja, Cristo joote ami yanema joñe'me Dios Lepaqal, qama'le yema ami 'uo da'me ami yayatenaĝaneque yema naa'me naajo'.

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

Efesios 5:32

Jena'me jenjo' 'naqatac yataqata let'adaic da'me uetaue 'me ja di'yoq ca'li, jo'ne jen tachigui joñe'me Cristo nataq'aen ga'me Dios lec'oqo'tepi.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

Lucas 8:10

Jesús 'yaĝatema jogaa'me: “Ami yaqaya'olqa, Dios ami yayatenaĝanaĝaneque da'me dojo' jo'ne ja di'yoq mañaĝa, jo'ne lejaliaĝa ñe'me Dios. Qalaĝaja, jogaa'me jiyaĝa'u laqaya' ch'e jauo'oe daa'me yaloqotenaĝanaĝaiqui' da'me jojapegue'to nataq'aen da'me ja'aĝatema qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n.»

1 Corintios 15:51

'Uo ga'me ami jechoĝotema, ga'me jo'ne ja qoyaloĝon ca'li: qom novi' ga'me loiquiaqa'yaĝac jena'me aleua, da'me qo'mi ja yema da'me qadeleu, qalaĝaja ena'uaque qo'mi 'uo ga'me qo'mi qoneleguemaĝadeta jo'ne dalaĝaic.

1 Corintios 2:7

Da'me nayatenaĝanaĝac jo'ne japaĝaguenataĝanaqatapec nach'eda Dios yaloĝon; ca'li maliaĝa ja ye'et jena'me aleua, ñe'me Dios jetaque ya'uo da'me qo'mi yachiteque joda'me 'lonaĝac joñe'me, qalaĝaja da'me jetaque ya'uo 'me 'yaeñi joca'li ja qoyaloĝon, qoyoĝochi'ñejopa joga'me jiyaĝadipi chayovida'a nayi.

Juan 6:65

Qama'le ua'a ca'li male ya'uo da'me loqotetenaĝanaĝac: —Qo'che' naq'aeta da'me dojo' ñenaĝategue da'me qaya'te yaqanatet ta'le jayem nec'ata, qom ñe'me Taĝadena' ja jayem 'te novidaĝa'ta joga'me.

1 Timoteo 3:9

'Noota qom nach'eda da'me quetede'egue naa'me 'naqataqa jo'ne nach'enaua Dios qo'mi yaloĝonalo ca'li, chayovida'a yataqata en yoqovichiguilo naa'me lai'li.

1 Corintios 13:2

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

Marcos 4:11

'Yategueta joñe'me: “Ami yaqaya'olqa, eja Dios ami yayatenaĝanaĝaneque da'me dojo', nataq'aen yatetonaĝanaĝaneque ga'me ja di'yoq mañaĝa jo'ne lejaliaĝa. Jogaa'me jo'ne p'adegue ch'e qoyen tauelo gaa'me naloqotenaĝanaĝaiqui' da'me qo'yaĝatema,

Colosenses 2:2

Jeloquitac qaedi 'uo da'me 'lañaĝa'j naa'me adai'lidi' nataq'aen qaedi a'nañaĝachiyec da'me noqopich'i jo'ne ami nalotapega't q'ae'n nataq'aen nejaqachiguilo da'me yataqatelegue netadenataĝanaĝac, qaedi auaqanachichi ta'le auatetoñi joda'me lelnataĝac ñe'me Dios jo'ne ja di'yoq joca'li, jo'ne nach'eñe ñe'me Cristo.

Efesios 6:19

Nach'e ena'am jayem auajelaĝañilegue, qaedi joñe'me Dios jayem yanem da'me 'yañaĝac da'me ja'aĝatetac da'me mach'e 'laqataĝanaĝac jo'ne ja di'yoq ca'li.

1 Corintios 4:7

Jega, am yaqaya, ¿qo'li qoyen anapacalo'te jogaa'me adaqaya'olqa? Qalaĝaja ¡yema da'me dojo' jo'ne am ua'ajop nach'eñe Dios am yanem! Ta'le naq'aeta qom Dios am yanema naa'me naajo' uo'oe, qama'le qaya'te ladic ga'me at'aqatac ta'le auenapela't am 'noota jo'ne anapacalo'te ga'me adaqaya'.

1 Corintios 4:1

Jalcote 'noota da'me qo'mi auenache'talo, qo'mi jo'ne lecochaĝa'u ñe'me Cristo, nataq'aen qo'mi qo'yelopeque da'me qaedi jaloĝonaq da'me 'laqataĝanaĝac ñe'me Dios.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Efesios 1:18

Nataq'aen male ñachoĝodenot joñe'me Dios qaedi ami yaloĝo'talo chayovida'a da'me yataqata auayachiñe da'me eeta da'me qadeuataqataĝanaĝac jo'ne chiyaqayi da'me nec'alaĝa jo'ne jetaque qo'mi yanouelo, nataq'aen qaedi auayachiñe da'me eeta da'me lajo'viyaĝac ga'me onaĝaic jo'ne qaya'te ena'am da'me li'yoĝodic, nach'eda da'me jetaque yanema yemeda gaa'me mach'e lec'oqo'tepi.

Hechos 16:14

'Uo jaga'me lenaĝat Lidia; nach'aga jo'ne 'lachaqa' di'me Tiatira nataq'aen yemanac ga'me ualoq jo'ne yataqata no'en 'me yemalaqalegue da'me 'loyaĝac. Janjo' yauo jo'ne 'nonaĝachigui joñe'me Dios nataq'aen jo'ne naquiaĝan ca'li, joñe'me Jaliaĝanec yataqachiñe yedaĝat ca'li qama'le naquiaĝatelegue ga'me jo'ne Pablo 'yaĝatetac.

Mateo 13:10

Jogaa'me lapaĝaguenataqa yec'adeta ñe'me Jesús qama'le yachimaĝadeta queda'me toqoch'e e'n tauelo gaa'me laloqotenaĝanaĝaiqui' da'me dojapegue'to joga'me jiyaĝadipi.

Mateo 20:23

Jesús 'yategueta jogaa'me: —Eja da'me ami aniyomiyigui qomle ga'me yomaĝat 'me jaqama qomle, qalaĝaja da'me oñiya'ña jena'me jayaten uotaĝa jena'me 'ñemaq ja mach'e jayem ta'le ami janema, dite da'me nach'eñe ñe'me Taĝadena' jo'ne yanema qomle gaa'me jo'ne joote yiyamaĝateta'ajalo.

Marcos 10:40

Qalaĝaja da'me jo'ne jetaque oñiya'ña jena'me jayaten uotaĝa jena'me 'ñemaq, ja naqayem da'me ami janema, dite joñe'me Dios yanema gaa'me jo'ne joote yaqataĝata'ajalo: nach'egaua jo'ne qoyanema qom'te.

Romanos 11:25

Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi.