Mateo 12:46 - Nuevo Testamento Toba Sombrero Negro

⁴⁶ Ca'li Jesús maliaĝa t'aqataĝatapema joga'me jiyaĝadipi, jañe'me lat'e nataq'aen lanoqolqa ueteda'a ga'me p'aye jetaque dojedapegue' joñe'me,

Nuevo Testamento Toba Sur

⁴⁶ Qaq so Jesús ña detaqtapoigui se'eso shiÿaxauapi, co'ollaq nvideuo aso late'e qataq soua lqaÿa't. Qaq soomayi pa'atrauec, qaq nshitraique da detaxaidapegue' somayi.

La'aqtaqa Ñim Lo'onatac 'Enauacna 2013

⁴⁶ Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.

Mateo 12:46 Referans Kwoze

Mateo 13:55

¿Jeele ja naqaena jena'me c'oĝot ñe'me 'yetac ga'me epaq, nataq'aen jeele ja María jañe'me lat'e? ¿Jeele ja naqaeñe Santiago lanoqolec, José, Simón nataq'aen Judas,

Juan 2:12

Ca'li yem da'me dojo' qama'le ñe'me Jesús dajoyi di'me Capernaúm, lequiaĝaua jañe'me lat'e, choqogaa'me mach'e lanoqolqa nataq'aen jogaa'me lapaĝaguenataqa, qama'le ueteda'a chayovida'a qayoĝode' jaa'me noloqo'ote.

Juan 7:5

Qa'a naq'aeta da'me yajouaĝat da'me chayovida'alo jogaa'me mach'e lanoqolqa joñe'me Jesús nataq'aen yoqoleguetetedac.

Juan 7:3

Qama'le ua'a da'me eetedapega jogaa'me mach'e lanoqolqa joñe'me: —Ena'te jetaque oue'ta jenjo', dite da'me oc, auajoyi di'me Judea, qaedi gaa'me jo'ne am quetedapegue' 'me ueteda'ague di'me Judea nach'e ena'am yayate'n da'me jo'ne a'uetetac.

Hechos 1:14

Ena'uaque jogaa'me nach'e eta't yema'ajalo nale qaedi netame'n, nach'e ena'am uo'oe gaa'me yauo', jañe'me María jo'ne lat'e ñe'me Jesús choqogaa'me lanoqolqa.

Marcos 6:3

Qalaĝaja, ¡naqaeda da'me ye'tac jena'me epaq! Nataq'aen, ¡naqaeda da'me María lec'oĝot! ¡Naqaeda lanoqolqa ñaa'me Santiago, José, Judas nataq'aen Simón! ¡Mach'e qat'achaqadiaĝa'u gaa'me la'nolel! Qo'che' ja jetaque qonaquiaĝana joñe'me.

Gálatas 1:19

Nach'e ena'am jauana ñe'me Santiago, jo'ne mach'e lanoqolec ñe'me Qadejaliaĝanec Jesucristo. Qaya'te onolec laqaya jo'ne namaĝajec ta'le jauana.

1 Corintios 9:5

Nataq'aen chimaqachiñe ta'le ñaigaqatapegue'to gaa'me qadoua' nale jeuoqotac, nach'e naq'aeta nale da'me ya'uo ñe'me Pedro nataq'aen jogaa'me laqayadejoda ñe'me Jaliaĝanec nataq'aen jogaa'me mach'e lamaĝa's.

Juan 7:10

Qalaĝaja ca'li male cop'a'elo da'me eque' jogaa'me mach'e lanoqolqa qama'le nach'e ena'am dajoyi ga'me neualaĝayaĝaiqui joñe'me Jesús, qalaĝaja qaya'te ta'le t'aqataĝanem.

Lucas 2:48

Mane'e ca'li gaa'me let'al yauata, yataqachiñe jalcote da'me yoqochetem, qama'le jañe'me lat'e enaac: —Jesús, ¿toqoch'e qo'mi a'ueteque da'me dojo'? Na'me adet'a nataq'aen jayem 'uo da'me qadachitataic da'me am jeloqotaque.

Lucas 8:10

Jesús 'yaĝatema jogaa'me: “Ami yaqaya'olqa, Dios ami yayatenaĝanaĝaneque da'me dojo' jo'ne ja di'yoq mañaĝa, jo'ne lejaliaĝa ñe'me Dios. Qalaĝaja, jogaa'me jiyaĝa'u laqaya' ch'e jauo'oe daa'me yaloqotenaĝanaĝaiqui' da'me jojapegue'to nataq'aen da'me ja'aĝatema qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n.»

Marcos 2:21

“Qaya'te en laulaĝanaĝat ga'me dalaĝaic qom toijec ga'me loĝot, qa'a ga'me laulaĝanaĝat 'viya't qomle qama'le colqa'ague ga'me loĝot jo'ne toijec; chane'eja nichiguegue q'aen ga'me lauac.

Juan 2:5

Qama'le María 'yaĝatema jogaa'me jo'ne lecochitedapega ga'me neualaĝayaĝac: —Auauoyi ga'me jo'ne ami 'yaĝatema ñe'me Jesús.

Lucas 2:33

Jogaa'me let'al ñe'me Jesús jalcote yoqochetem ca'li domachita da'me Simeón 'laqatac jo'ne yajoĝolegue ga'me notolec.

Juan 2:1

Ca'li nete' laqaya 'uo ga'me 'nonáĝac di'me noic jo'ne Caná, di'me aleua 'me Galilea, qama'le jañe'me lat'e ñe'me Jesús nataq'aen uetaue joga'me 'nonaĝaiqui.

Lucas 2:51

Chane'eja equeguelo jogaa'me da'me 'viyelaĝa di'me Nazaret, jo'ne mach'e 'lachaqa', nataq'aen naquetaje'mec da'me yoqo'chalo jogaa'me. Jañe'me lat'e yiyamaĝatoue na'me lauel ena'uaque naa'me naajo'.

Mateo 2:20

“Oñijeguem, auachi na'me notolec nataq'aen jaga'me lat'e, qama'le a'viyelaqayigue di'me Israel, qa'a joote yele'u dia'me jo'ne jetaque yala't na'me notolec.”

Mateo 2:11

Ca'li tadoue ga'me emec qama'le yauata ñe'me notolec nataq'aen María mach'e lat'e; qama'le yejoidiñe naa'me leliquetel da'me 'nonaĝachidegue joñe'me. 'Youachi'ñeta naa'me naicaua lete' qama'le yate'm oro nataq'aen ga'me jo'ne jama ga'me laeta, choqoga'me yoĝoqui 'me davioĝo'n jo'ne li'i jaga'me epaq mirra.

Mateo 1:18

Joda'me lañoĝoqui ñe'me Jesucristo eet'oi: José joote 'naĝateguet ca'li qaedi 'uoneguet María, mach'e lat'e ñe'me Jesucristo, qalaĝaja ca'li maliaĝa ja ue'tajop, qama'te yauana queda'me qo'uaĝai jaga'me, qa'a chiyaqayi da'me 'lañaĝac joñe'me Dios Lepaqal 'me ja 'nalegue.

Juan 19:25

Nataq'aen da'me uo'oe gaa'me yauo' ueteda'ajop jaga'me nesodoso ñe'me Jesús, nach'añe jañe'me María mach'e lat'e, nataq'aen jañe'me laqaya jaga'me lat'e chaqañe'me María jo'ne loua ñe'me Cleofás nataq'aen jañe'me María jo'ne Magdala laje.

Lucas 1:43

Ja jalo'taguet ta'le jayem dejapichiya jañe'me lat'e qom'te ñe'me Yejaliaĝanec.

Mateo 12:47

qama'le queda'me ueteda'a ga'me p'aye 'uo ga'me t'aqataĝanem ñe'me Jesús, enaac: —Jañe'me adat'e nataq'aen adanoqolqa ueteda'a di'me p'aye, jetaque am dojedapegue'.

Lucas 2:34

Chane'eja Simeón nach'e ena'am netamelo'te jogaa'me, qama'le t'aqataĝanem jañe'me María, jo'ne lat'e ñe'me Jesús: —Cha'apega, jenjo' notolec qoyajoĝo'tague qaedi gaa'me Israel laje' uo'oe gaa'me 'uaĝadiñe nataq'aen uo'oe gaa'me ñidijeguem. Nach'eñe 'nanec, qalaĝaja uo'oe qayoĝode' jo'ne 'yota'n.