Mateo 12:41 - Nuevo Testamento Toba Sombrero Negro

⁴¹ Joga'me Nínive laje'pi ñedijeguem qomle 'uo da'me nec'atenaĝanaĝac qama'le qoyamaĝaue da'me ne'uaĝanague'j jenjo' jiyaĝadipi qom nach'e ena'am qonemi't; qa'a gaa'me Nínive laje'pi 'viyelaĝadetot ñe'me Dios ca'li domachita da'me Jonás 'laqataĝanaĝac, qama'le da'me joue'tena ñapacalegue ga'me Jonás di'yoĝom ca'li.

Nuevo Testamento Toba Sur

⁴¹ Qaq ÿoqo'oyi som shiÿaxauapi mayi lma' co'ollaxa yi la ciudad Nínive, somayipi qome nachajñi que'eca na'a'q qom qanmit 'enauac ne'ena shiÿaxauapi, nachi ÿauo'o ca lasouaxashit namayipi. Cha'ayi som lma' yi Nínive ÿaxaadeec co'ollaxa naua n'onataxaco, co'ollaq i'axatem da l'aqtac ñi Dios som l'aqtaxanaxanec l'enaxat Jonás. Qaq nagui mashi qami' huetaiguilo nam ÿataqta napacalec som Jonás.

La'aqtaqa Ñim Lo'onatac 'Enauacna 2013

⁴¹ Qaq qom ivita da qanmit 'enauacna, nache so shiỹaxauapi maye lma' ye nỹecpi ye Nínive nachaañi qome da detaqa da qami' dataỹa'agueta, yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' na'aictaxa da qaua'aqaitega da ỹa'aqtaxanaxac, qalaxaye saishet da qanaralaxache da qarataxaqui, na'aictaxa da ỹactec da ỹa'amaqchec saq shena'am so Jonás.

Mateo 12:41 Referans Kwoze

Mateo 12:42

Jañe'me jaliaĝana jo'ne chiyoĝogue ga'me ñijeguem qomle 'uo da'me nec'atenaĝanaĝac jena'me jenjo' jiyaĝadipi qama'le qoyamaĝaue da'me ne'uaĝanague'j; qa'a jalqueje'egue ga'me chiyoqo'tegue jaga'me qaedi domachiya da'me Salomón layatenaĝanaĝac, qama'le da'me joue'ta jenjo' ñapacalegue ga'me di'yoĝom ca'li di'me Salomón.

Hebreos 11:7

Ñe'me Noé yataqata p'iya'a ñe'me Dios joca'li 'uo da'me 'yaĝatem, queda'me uo'oe qomle jogaa'me jo'ne maliaĝa ja qoyauanalo. Qama'le Noé paja'a da'me yoqo'cha joca'li, ye'et jaga'me nelicota lat'edai, qaedi nec'alaĝatedegue gaa'me 'lachaqadiaĝa'u. Chane'eja da'me lepe'e ñe'me Noé, nach'eda jo'ne yaloĝon da'me qoya'uo ga'me ne'uaĝanague'j jogaa'me jiyaĝa'u jo'ne neteda'ña jena'me aleua. Qama'le chiyaqayi da'me lepe'e ñe'me Noé, nach'eñe yataqata qoyiyamaĝaden.

Romanos 2:27

Ñe'me jo'ne yoqocha'alo daa'me naqataĝaco, mate mane'e ja netaye da'me nichaĝajoĝonaĝac ga'me lo'oc, nach'ega ami yepoleguelo'te, yajouaĝat da'me temaqaedi da'me ovitaue da'me namaĝajoĝonaĝac nataq'aen ami netayelo ga'me nichaĝajoĝonaĝac, qalaĝaja ja auoqochiiya.

Juan 3:31

Joñe'me jo'ne chiyoĝogue di'me p'ajeguem napacalegue ena'uac; gaa'me jo'ne ueda'ña jena'me aleua nach'egaua jo'ne ch'e aleua laje' nataq'aen da'me 'yaĝate'tape gaa'me uo'oe jo'ne ch'e ueda'ña jena'me aleua. Qalaĝaja joñe'me jo'ne chiyoĝogue di'me piyem nach'eñe jo'ne napacalegue ena'uac,

Mateo 12:6

Chane'eja ami ja'aĝatema queda'me jenjo' 'me jouaqa'te 'uo ñe'me jo'ne yataqachiñe p'ajaye napacalegue ga'me tamenaĝaiqui.

Juan 4:12

Da'me qo'mi, di'me jo'ne mach'e jachiyojoĝoguet 'me Jacob naqaqo'mi jo'ne yepotajopa janjo' nopi'yaĝaiqui, nach'ana jo'ne mach'e lopi'yaĝaiqui nataq'aen da'me niyomidigui nale di'me lec'oqo'tepi nataq'aen gaa'me yejidipi jo'ne lalopi. Qama'te da'me am, ¿toqoch'e aueetapega anapacalegue jodi'me?

Lucas 11:32

Nach'e ena'ama gaa'me Nínive laje', jo'ne 'viyelaĝadetot ñe'me Dios ca'li domachita da'me lapaĝaguenataĝanaĝac di'me Jonás. Qalaĝaja, ga'me jo'ne 'uo nayi eja napacalegue di'me Jonás, qama'te jena'me jenjo' jiyaĝadipi ja jetaque 'niyelaĝadetot joñe'me Dios. Chane'eja, qom 'uo da'me Dios lec'atenaĝanaĝac, qama'le ñidijeguem gaa'me Nínive laje' qaedi yepoledelegue jena'me jenjo' jiyaĝadipi da'me 'uo da'me ne'uaĝanague'j.

Mateo 23:36

Yataqata eja da'me dojo' ami ja'aĝatema: ga'me ane'uaĝanaguequi 'me jouaĝat da'me dojo' tachiguilo ga'me jiyaĝadipi jo'ne uo'oe nayi.

Mateo 17:17

Jesús 'yateguet: —¡Yataqachiñe ami jiyaĝadipi jo'ne qaya'te adepi'i nataq'aen ami chiyoĝo'spi! ¿Jach'e jogamaĝa ua'a da'me cha'li ami jouetauelo da'me ami ñeualaĝae'to? Yaĝa, anedo'quena na'me notolec.

Mateo 16:4

Jenjo' jiyaĝadipi jo'ne loeco lo'olpi nataq'aen ja yataĝalegue yiyaĝataque ga'me 'nanec 'me qoyoqoch'em; qalaĝaja ja yitaĝa qoyanema ga'me 'nanec, jalgata ga'me uaue ca'li ñe'me Jonás.” Yem qama'le yitaĝa ec ñe'me Jesús, ca'ae jogaa'me.

Mateo 12:45

Chane'eja uoja'ae gaa'me yapetena't siete nepaqa'li jo'ne yataqachiñe ja 'noe'n napaquedalegue ga'me, qama'le yemeda jogaa'me nalo'ta't da'me tadoue qaedi e'n 'lachaqa't ga'me jiyaĝaua; qanach'e da'me 'loyaĝac ñe'me jiyaĝaua yataqachiñe ja no'en ja ena'am ca'li yemta. Naq'aeta da'me ualegue qomle jena'me jenjo' jiyaĝadipi 'me etaĝaloĝoiquipi.”

Mateo 12:39

Jesús 'yategueta joga'me: —Jenjo' jiyaĝadipi jo'ne etaĝaloĝoiquipi nataq'aen ja yataĝalegue ga'me 'nanec jo'ne qoyoqoch'em; qalaĝaja ja yitaĝa qoyaloĝonalo jalgata ga'me 'nanec ca'li qoyeloĝonaĝachigui ñe'me Dios 'laqataĝanaĝanec Jonás.