Mateo 12:34 - Nuevo Testamento Toba Sombrero Negro

³⁴ ¡Yataqachiñe eja da'me ami nanayaqa c'oqo'tepi! ¿Qo'li 'noote' gaa'me at'aqataqadi' da'me ja ami 'te 'noe'n? Qa'a gaa'me uetayelo naa'me adai'lidi' naqaegaua na'yalo naa'me anedegaqachedi'.

Nuevo Testamento Toba Sur

³⁴ ¡Qaq qami' n'adaxanaq llalaqpi! ¿Táloxochi ishito' da no'on ca qad'aqtaqui, yi qami' qauemaiqa? Cha'ayi nam qodap, namayi nasaxauec cam ÿataqta nlaqchigui añi qadquiyaqte.

La'aqtaqa Ñim Lo'onatac 'Enauacna 2013

^34-35 Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Mateo 12:34 Referans Kwoze

Lucas 6:45

Nach'e ena'am ñe'me jiyaĝaua jo'ne 'noota nenaĝatedegue gaa'me 'noote', qa'a ga'me 'noota uetaye ga'me lauel, nataq'aen ñe'me jiyaĝaua jo'ne qaleuaĝaic nenaĝatedegue gaa'me ja 'noe'n qa'a da'me ja no'en uetaye ga'me lauel. Qa'a da'me ja nejataĝaic jo'ne uetaye ga'me lauel na'ya ga'me nedegaĝat nale doje.

Mateo 15:18

Qalaĝaja ga'me na'ya ga'me nedegaĝat ga'me jiyaĝaua chiyaqaue na'me lauel, qama'le naqaega en paĝachigui q'aen ga'me.

Efesios 4:29

Ena'te ja no'en nale ga'me anenaĝachidegue dite joda'me at'aqataqadi' jo'ne chimadichidiñe, qaedi alecochiiyalo jogaa'me domachita nale, qama'le nichiquetaye da'me lepe'e'.

1 Juan 3:10

Qoyayate'n jogaa'me Dios lec'oqo'tolqa nataq'aen qoyayate'n jogaa'me payac lec'oqo'te, qa'a gamachaqaega jo'ne ja ya'uo da'me 'noota, uotaĝa ja noqopita ga'me laqaya, nach'ega ja chiyoĝoguet joñe'me Dios, dite da'me chiyoĝoguet joñe'me payac.

Mateo 12:35

Ñe'me jiyaĝaua jo'ne 'noota nenaĝatedegue gaa'me 'noote' qa'a da'me 'noota ue'tajop joga'me, ñe'me jiyaĝaua jo'ne ja no'en nenaĝatedegue gaa'me ja 'noe'n qa'a da'me ja no'en ue'tajop joga'me.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Mateo 23:33

“¡Ami nanayaqapi! ¡Ami c'oqo'tepi ga'me nanayaqa! ¿Teua'atoqo' ami yaĝa'n qomle ga'me ane'uaĝanaguequi qomle da'me ami qoyajaĝa'ñalo di'me payac 'lachaqa'?

Mateo 3:7

Qalaĝaja ca'li Juan yauana queda'me qayoĝode' gaa'me fariseopi nataq'aen saduceopi yec'adeta qaedi nachilaĝa'n, qama'le enapegalo: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te ga'me ane'uaĝanaguequi jo'ne ami na'talo?

Lucas 3:7

Ca'li ga'me jiyaĝadipi yec'adeta ñe'me Juan qaedi qonachilaĝa'n, joñe'me enapegalo, enaac: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te daa'me ane'uaĝanaguequi jo'ne ami na'talo?

Efesios 5:4

Ena'te anenaĝachidegue gaa'me 'naqataqa jo'ne yataqata ja 'noe'n, uotaĝa gaa'me 'naqataqa jo'ne qaya'te yelo'teguet nale, uotaĝa ch'e nipi'ico, qa'a naajo' ja ami 'te lecochiyalo, dite da'me auañem da'me adamaiqui joñe'me Dios.

Santiago 3:2

Yema da'me qo'mi qadejomac nale, qalaĝaja qom 'uo ga'me jo'ne qaya'te lepatenaĝanaĝac nale doje, nach'ega jiyaĝaua jo'ne yataqachiñe yataqatelegue, nataq'aen yaqanatet ta'le yelo'ogue yema joda'me jo'ne mach'e nejiyaĝauayaĝac.