Mateo 12:28 - Nuevo Testamento Toba Sombrero Negro

²⁸ Qom naqaeñe ñe'me Dios Lepaqal 'me ja 'nalegue jedolegue da'me jamaĝadegue joga'me payagodipi qama'le nach'eda yelo'teguet queda'me joote ami uetauelo joda'me lejaliaĝa jodi'me piyem.

Nuevo Testamento Toba Sur

²⁸ Qalaxayi aÿim chigoqchigui da l'añaxac so n'Espíritu ñi Dios da so'odauec na n'ec leguemaxaicpi. Qaq damayi naigui da mashi qami' nvitalo da l'onataxanaxac ñi Dios da ilo'ogue 'enauacna.

La'aqtaqa Ñim Lo'onatac 'Enauacna 2013

²⁸ Qaq Aỹem da so'orauec na saqcha'a na'añaxac leguemaxaicpi da so'otaxaatega da Saqcha'a La'añaxac Ñim Lo'onatac 'Enauacna. Qaq damaye ỹachaxan da lo'onataxanaxac Ñim Lo'onatac 'Enauacna da mashe hueta'a ne'ena.

Mateo 12:28 Referans Kwoze

Lucas 11:20

Qalaĝaja qom da'me yañoqotaĝanaĝac ta'le jamaĝadegue gaa'me payagodipi chiyaqayi louaq joñe'me Dios, qama'le dojo' yelo'teguet queda'me lejaliaĝa ñe'me Dios joote ami novitalo.

Mateo 21:43

Qo'che' ami ja'aĝatema queda'me qodoĝotaĝanec qomle joda'me lejaliaĝa joñe'me Dios qama'le qoyanem ga'me jiyaĝadipi laqaya' jo'ne ya'uo jalayaĝac joda'me nejaliaĝa.

Mateo 6:33

Chane'eja 'uaeñe aueloyaque da'me lejaliaĝa joñe'me nataq'aen auauoyi ga'me chimaqachiñe 'me yiyamaĝaden joñe'me, qama'le nach'e ena'am ami qoyanema ena'uaque naa'me naajo' uo'oe.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Colosenses 1:13

Ñe'me Dios joote qo'mi nec'alaĝatedegue, da'me qo'mi yachiyoĝotauelo joda'me 'lañaĝac ga'me 'lalaĝa, qama'le qo'mi yovidaĝateda'a da'me lejaliaĝa ñe'me C'oĝot jo'ne yauotec,

Romanos 14:17

Joda'me lejaliaĝa ñe'me Dios ja qoyelo'ogue joga'me niqui'yaĝac uotaĝa joga'me qoniyomigui, nach'edata da'me yataqata qoyen p'ajaye da'me qoye'et joda'me 'noota nataq'aen da'me 'uo da'me 'nemaĝac choqoda'me namaic 'me chiyoqo'ot joñe'me Dios Lepaqal.

Lucas 16:16

“Daa'me nedii's jo'ne lamaĝajoĝonaĝaco ñe'me Dios nataq'aen 'laqataĝanaĝa'j dia'me 'laqataĝanaĝanaqa qo'yaĝatetac chayovida'a ca'li novi' di'me Juan. Qalaĝaja nayi chiyoqotelegue di'me Juan da'me qo'yaĝatetac da'me 'naqataĝanaĝac jo'ne onaĝaic 'me 'yaĝatetac da'me lejaliaĝa ñe'me Dios, qama'le ena'uaque 'nañaĝate'tape qaedi tadoue joda'me.

Marcos 1:15

Enaac: “Joote laloqo' nayi, queda'me male novitequena da'me Dios lejaliaĝa. ¡A'niyelaqaeyot joñe'me Dios! ¡'Noota qom yataqachiñe auep'iiya'a joda'me onaĝaic 'naqataĝanaĝac!”

Mateo 21:31

Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Lucas 9:2

Yamaĝalo'te jogaa'me qaedi 'yaĝatetedac joda'me lejaliaĝa joñe'me Dios nataq'aen qaedi e'n yemedegue joga'me leuaĝaiquipi.

Marcos 16:17

Nataq'aen naajo' nañoqotaĝanaĝaco ami naequetapegue'to nataq'aen yema gaa'me jo'ne p'iida'a, qaedi ami lecochigueta: queda'me yenaĝat auamaqayigui jogaa'me payagodipi lepaqa'li; auadenaĝachi' da'me dalaĝayaqa 'naqataqa;

Hebreos 12:28

Joñe'me Dios male qo'mi yanema da'me lejaliaĝa jo'ne ja qoyaqanatet ta'le yitaĝa qonichiyaĝat. Chane'eja 'noota qom janemaĝam da'me qadamaic nataq'aen da'me 'ñonaĝataĝaye joñe'me, nach'e ena'am da'me jauoqo da'me chimaqachiñe jo'ne yataqata yiyamaĝaden.

Lucas 10:11

«¡Chayovida'a ga'me enaĝayaĝa jo'ne chiyoqoda'ña jenjo' at'achaqachidi', jo'ne qapaleque naa'me qadapia'te, nayi qanechiyoĝodiñe naa'me qadapia'te ena'am da'me ami ñautenaĝalo! Qalaĝaja 'noota qom auayachiñe da'me dojo' queda'me lejaliaĝa ñe'me Dios joote ami nadi'talo.»

Marcos 11:10

¡Qo'nonaĝachigui da'me nejaliaĝa jo'ne novi' qom'te, da'me lejaliaĝa di'me qadet'a David! ¡'Ñonaĝataĝaye ñe'me jo'ne nejaliaĝatelegue di'me p'ajeguem!”

Mateo 12:18

“Jenjo' mach'e yalemaĝajet, Naqaena jena'me yataqachiñe yiquiyac, Nataq'aen mach'e jauotec Choqoda'me ñetotapec. Janoue ñe'me Yepaqal Qaedi 'yaĝatetapema joda'me yataqatelegue joga'me noyaqapi.

Mateo 4:24

Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

Mateo 12:29

“¿Qo'li 'uo gamachaqaega yaqanatet ta'le taue ga'me 'lemec ñe'me jiyaĝaua jo'ne 'uañaĝaic qaedi yacona ga'me yauana, qom cha'li jona'li yecoñe'? Jaldata da'me naq'aeta yemta yaqanatet ta'le decachiyot.

1 Juan 3:8

Qalaĝaja ga'me jo'ne quetalo'te jogaa'me loeco, nach'ega jo'ne chiyaqayi ñe'me payac, qa'a jalchi'ena ya'uo loec joñe'me payac joca'li gaa'me noloqo'ote jo'ne 'uaechidiñe. Qalaĝaja joote naequena joñe'me Dios Lec'oĝot qaedi yapalaĝa't ena'uaque jogaa'me 'lonataĝanaĝaco ñe'me payac.