Mateo 12:26 - Nuevo Testamento Toba Sombrero Negro

²⁶ Nach'e naq'aeta qom ñe'me Satanás yamaĝaye ñe'me nach'e ena'am Satanás, mach'e nautenapega't qama'le ja nalo'ta'ajalo joga'me; ¿qo'li yaqanatet ta'le 'nañaĝatec joda'me lañoqotaĝanaĝac?

Nuevo Testamento Toba Sur

²⁶ Qaq nachi 'eetec nataq'en so Satanás, da huo'otaq maichi 'ico' n'ottapeguela't, nachi somayi 'eeta'am da maichi npa'agueetapeguela't. Qaq ¿huá'ago' da ishit da 'eetai' dam l'añaxac?

La'aqtaqa Ñim Lo'onatac 'Enauacna 2013

²⁶ Qaq nache 'eetec nataqa'en so pa'aguenataxanaxaic, da huo'otaq maiche mpa'agueeteguela't, nache maiche nlaxatteguiñi da lo'onataxanaxac.

Mateo 12:26 Referans Kwoze

Colosenses 1:13

Ñe'me Dios joote qo'mi nec'alaĝatedegue, da'me qo'mi yachiyoĝotauelo joda'me 'lañaĝac ga'me 'lalaĝa, qama'le qo'mi yovidaĝateda'a da'me lejaliaĝa ñe'me C'oĝot jo'ne yauotec,

1 Juan 5:19

Nataq'aen jayatenaq queda'me yataqachiñe qo'mi Dios lec'oqo'tolqa, nataq'aen queda'me yema jogaa'me jiyaĝadipi jo'ne ja 'noe'n uetedalegue da'me lañoqotaĝanaĝac ñe'me payac.

Apocalipsis 16:10

Joñe'me cinco jogaa'me piyem laje' laqaya' yecodelegue ga'me le'ec jaga'me yomaĝaiqui jo'ne mach'e loqote ga'me neta'ña ga'me lejaliaqa' ñe'me jiyac polio', qama'le da'me lejaliaĝa male 'uo da'me 'lalaĝa. Chane'eja jena'me jiyaĝadipi male nach'e ena'am da'me yipaĝachidegue na'me lachaĝa't queda'me 'uo da'me layaliaqa'.

Apocalipsis 12:9

qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.

Apocalipsis 9:11

Joñe'me jo'ne mach'e lejaliaĝane'j naa'me qojequioĝoil, nach'eñe ñe'me piyem le'ec jo'ne neteloqo't jaga'me limaĝañi lat'edai, da'me lenaĝat joñe'me Abadón, jo'ne 'laqata'j ga'me hebreopi, qama'le jogaa'me griego laje' da'me mach'e 'laqatac jo'ne Apolión, jo'ne eetojo' da'me “Lataĝanaĝaic.”

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

Juan 16:11

Nataq'aen nach'eda da'me lec'atenaĝanaĝac ñe'me Dios: ñe'me jo'ne nejaliaĝatelegue jena'me aleua, joote 'uo da'me ne'uaĝanaguec.

Juan 14:30

“Nayi male ja jalcote ta'le ami jojapegue'to, qa'a male novitequena ga'me jo'ne damaĝajoĝolegue jenjo' aleua. Te'me qaya'te ta'le lañoqotaĝanaĝac da'me jayem nejaliaĝatelegue,

Juan 12:31

Nayi male 'uo da'me nec'ateneguec jena'me aleua laje'pi, male qoyamaĝaye ñe'me jo'ne damaĝajoĝonac jena'me aleua chayovida'a nayi.

Mateo 4:10

Qalaĝaja Jesús 'yateguet: —Am payac Satanás, jayem oca'e, qa'a da'me Dios 'laqatac enaac: «A'nonaĝachigui joñe'me Adejaliaĝanec jo'ne Anedios nataq'aen nach'eñeta a'uonataĝaneuo'o joñe'me.»

Mateo 9:34

Qalaĝaja joga'me fariseopi enapega't: —Naqaeñe ñe'me mach'e lejaliaĝane'j joga'me payagodipi jo'ne yanem da'me lañoqotaĝanaĝac qaedi yamaĝadegue jogaa'me.

Mateo 13:19

jogaa'me jo'ne domachita da'me qo'yaĝatetac joda'me nejaliaĝa qama'te ja yayate'n, eda'am jaga'me nepeta jo'ne tachi'ñgui ga'me naq'aec; novi' ñe'me payac qama'le doĝotaĝanec da'me 'naqataĝanaĝac jo'ne qoyanoue ga'me lauel.