Mateo 12:23 - Nuevo Testamento Toba Sombrero Negro

²³ Ena'uaque joga'me jiyaĝadipi nenatetapega't ca'li queda'me jalcote qoyoqoch'em: “¿Qo'li ja naqaena jena'me jenjo' jo'ne mach'e c'oĝot di'me David?”

Nuevo Testamento Toba Sur

²³ Nachi 'enauac na shiÿaxauapi ÿataqta huo'o da l'aalaxa, nachi 'eeta': –¿Nachida peta'a dam llalec so David de'eda?

La'aqtaqa Ñim Lo'onatac 'Enauacna 2013

²³ Nache 'enauac na shiỹaxauapi ỹataqta ỹa'aalac nam ỹo'otpi So Jesús, nache huo'o na 'eeta' da la'aqtac: «¿De'era Jesús, nachera peta'a dam Lca'aguishec Ñim Lo'onatac 'Enauacna maye ỹachaxanapec da yaqto' qomi' nca'alaxatre'c?»

Mateo 12:23 Referans Kwoze

Mateo 9:27

Mane'e ca'li Jesús ca'e ga'me ue'ta, qama'le uo'oe gaa'me dojolqa qana'mi quetedapegue' ca'li nataq'aen yiyaĝateda'ague: —¡Am David c'oĝot, qo'mi avichoĝode'n!

Juan 4:29

—Anec'achiquena qaedi ami jauegalo ñe'me jiyaĝaua jo'ne jayem 'yaĝatem yema daa'me jo'ne jauo'oe. ¿Qo'li ja naqaeñe ñe'me Dios Liquiyac?

Mateo 21:9

Qama'le gaa'me dajota'yelo nataq'aen gaa'me p'atedegue, niyaĝatedapejeguem, enaac: “¡Yataqachiñe 'ñonaĝataĝaye ñe'me c'oĝot di'me jaliaĝanec David! ¡Qo'nonaĝachigui ñe'me jo'ne naequena jo'ne lamaĝajec ñe'me Jaliaĝanec! ¡'Ñonaĝataĝaye ñe'me jo'ne nejaliaĝatelegue di'me p'ajeguem!”

Mateo 9:33

Mane'e ca'li Jesús yamaĝaye ga'me payac lepaqal qanach'e ñe'me chiyoĝojec paja'a yaqanatet ta'le 'uo ga'me 'laqatac. Ga'me jiyaĝadipi jalcote da'me yoqoch'em, enapega't: —¡Jena'me Israel c'oqo'tepi, qaya'te ua'a ta'le naq'aeta ga'me qoyauana ena'am da'me dojo'!

Mateo 15:22

Qama'le 'uo jañe'me yauo Canaán laje jo'ne neta'ña di'me dijo' aleua, yec'ata ñe'me Jesús ca'li niyaĝatapejeguem: —¡Jaliaĝanec, mach'e am David c'oĝot, jayem avichoĝoden! ¡Jalcote da'me lachoĝodec jadi'me yale qa'a uetaye ga'me payac lepaqal!

Mateo 7:28

Ca'li yem da'me 'laqataĝanaĝac ñe'me Jesús, ga'me jiyaĝadipi yataqachiñe yoqochetem da'me eeta joca'li da'me lapaĝaguenataĝanaĝac,