Mateo 12:10 - Nuevo Testamento Toba Sombrero Negro

¹⁰ 'Uo ñe'me jiyaĝaua uetaue ga'me, jo'ne qaqata ga'me louaq; qama'le queda'me yelotedaque ga'me chiyaqayi da'me 'uo ga'me lajouaĝajet ñe'me Jesús, yachimaĝadeta ca'li enapega'ajalo: —¿Qo'li qoyajeta da'me qoyen yemegue jenjo' jiyaĝaua jenjo' nolo' 'me niyamaqatac?

Nuevo Testamento Toba Sur

¹⁰ Qaq hueta'a se'eso naponqa' so shiÿaxaua mayi daqaqta na lhuaq. Qaq cha'ayi qanshitaique da qaÿanata ca l'a' da qaÿauo'o ca lasouaxashit so Jesús, nachi qainat, qoÿiita': –¿Peta'a ishit da qaÿashiita da qanataden ca dalolaxaic yi na'a'q mataxaqui?

La'aqtaqa Ñim Lo'onatac 'Enauacna 2013

¹⁰ Qaq hueta'a asa'aso paxaguenaxaqui so ỹale maye daqaqta na lhuaq. Qaq nam fariseopi maye choche nmittaique ca lataxac da ỹachegoxotteua'a da huo'o ca lasouaxashet naqa'en So Jesús, nache inattac Somaye, 'eeta': –¿Peta'a na lamaxasoxonaxacpi so Moisés maye qolaqtalec ỹasheeta da qanataren ca dalolaxaic ye na'a'q mataxaqui?

Mateo 12:10 Referans Kwoze

Lucas 13:14

Qalaĝaja ñe'me lejaliaĝanec ga'me nemaĝaiqui dalemata ca'li, qa'a Jesús en yemegue jañe'me yauo da'me nolo' jo'ne niyamaqatac, qama'le enapega ga'me jiyaĝadipi: —Uo'oe seis gaa'me noloqo'ote da'me jo'onataĝanaq. Chane'eja 'noota qom anec'achiuo naajo' noloqo'ote qaedi qoyen ademiyegue, qalaĝaja ena' di'me nolo' jo'ne niyamaqatac.

Juan 9:16

Qama'le uo'oe gaa'me fariseopi jo'ne enapega't: —Joga'me jo'ne ya'uo da'me dojo' ja chiyaqaje'ma ñe'me Dios, qa'a nach'ega ja yayaten ga'me nolo' jo'ne niyamaqatac. Qalaĝaja uo'oe gaa'me laqaya' jo'ne enapega't: —Ga'me jiyaĝaua jo'ne loeco lo'o, ¿qo'li yaqanatet ta'le ya'uo da'me dojo' 'nanec jo'ne yaloĝon? Qama'le ua'a ca'li da'me male yodapecache naa'me lelnataĝaco.

Juan 8:6

Jenjo' jo'ne yenadetec jogaa'me qa'a yauote da'me lapinaĝanataĝanaĝa'j qaedi yoqocha'alo da'me yauote laviyaĝajet joñe'me Jesús. Qalaĝaja ñe'me Jesús male naĝañi da'me yedelegue jena'me aleua dedaĝana jajo'me liaĝata.

Juan 5:10

qama'le jogaa'me judiopi lajoĝola'te eedapega joga'me jo'ne yemegue: —Jenjo' nolo' jo'ne niyamaqatac, ja am 'te qoyaje'tem ta'le auachi na'me adetala'.

Lucas 11:54

qa'a yeuateteda'a ta'le 'uo ga'me nenaĝategue jo'ne qoyen uajoilegue qa'a ch'e qonapogoĝotetac.

Mateo 12:2

Joga'me fariseopi yauata da'me dojo' ca'li, qama'le eedapega ñe'me Jesús: —Auec'ate'n naa'me adapaĝaguenataqa yauote ga'me ja qoyajeta ta'le qoya'uo jena'me nolo' 'me niyamaqatac.

Juan 5:3

Jogaa'me jo'ne nach'egaua 'me ueteda'a joga'me qayoĝode' leuaĝayaqa. Uo'oe gaa'me qana'mi choqogaa'me uayodaĝayaqa nataq'aen gaa'me choĝolaĝayaqa; yemeda jogaa'me ch'e ueteda'aguet jena'me aleua.

Lucas 23:2

Da'me qodajoya'aguet joñe'me, paja'a qoyechoĝot ga'me jo'ne qoyen uajouem, enapega't: —Jejomaqalegue jenjo' jiyaĝaua jo'ne ja en 'te niyamaĝa jena'me mach'e qa'naleua. 'Yaĝatetac da'me 'noota ta'le ja jejetenaq ñe'me jaliaĝane'j ga'me Roma laje'. Nataq'aen ja yalajaĝa'ta da'me 'laqatac da'me eetapela't nach'ena Dios Liquiyac, jo'ne qodajolegue.

Lucas 23:14

qama'le enaac: —Jayem anaviqui'uo da'me dojo' jiyaĝaua, jo'ne aueñetapega ja en 'te niyamaĝa ga'me noic, qama'le joote ami jajoĝoguena'agueta da'me qaedi 'yaĝatetac ga'me yajouaĝat. Qalaĝaja ja jauana ta'le laviyaĝajet gamachaqaega ga'me jo'ne aueñetapega yajouaĝat.

Lucas 20:22

Jega, ¿qo'li chimaqachiñe da'me jejetenaq ñe'me lejaliaĝane'j ga'me Roma laje'pi, uotaĝa ja naq'aeta?

Mateo 19:3

Uo'oe ga'me fariseopi jo'ne davide'uo ñe'me Jesús nataq'aen qaedi ch'e yapiye'n, qama'le yachimaĝadeta: —¿Qo'li qoyaje'tem da'me ca'e jaga'me loua ga'me jiyaĝaua qom gamachaqaega qoyachiyoĝotaye?

Marcos 3:2

Nataq'aen uo'oe gaa'me fariseopi jo'ne ch'e nauateda'a joñe'me Jesús qaedi yauachidigui qom en yemegue ga'me nolo' jo'ne niyamaqatac, qama'le chiyaqayi q'aen da'me uajoilegue.

Juan 7:23

Da'me ami jetaque auepaqachiñichiguelo naa'me 'laqataqa ñe'me Moisés, chane'eja da'me ami male auañoĝochi da'me a'vichi ga'me 'nanaĝajet ga'me notolec, da'me te'me uetoue ga'me nolo' jo'ne niyamaqatac, qama'te ¿teua'atoqo' da'me jayem aualemataitapega queda'me yajouaĝat da'me 'loyaĝac ga'me jiyaĝaua da'me male jen yemegue da'me ñataden jo'me nolo' jo'ne niyamaqatac?