Mateo 11:25 - Nuevo Testamento Toba Sombrero Negro

²⁵ Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

Nuevo Testamento Toba Sur

²⁵ Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

La'aqtaqa Ñim Lo'onatac 'Enauacna 2013

²⁵ Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Mateo 11:25 Referans Kwoze

Mateo 21:16

Chane'eja eedapega ñe'me Jesús, enapega't: —¿Qo'li auomachiyalo naa'me 'laqataqa naa'me naajo'? Jesús 'yategueta: —Jaja'a, jomachiyalo. Qalaĝaja, ¿qo'li ja auec'achiñe daa'me nedii's jo'ne 'yaĝatetedac da'me dojo'? Eet'oi: «Joote jiyamaĝateta'ajalo gaa'me nalaco qaedi am 'nonaĝachidegue ga'tae'me ñoqolqapi nataq'aen ga'tae'me maliaĝa uanoque'tape.»

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

2 Corintios 3:14

Jogaa'me ja yayate'n da'me dojo'. Chayovida'a nayi, nale yec'ate'n naa'me nedii's jo'ne 'yaĝa't da'me 'uaechiñe yamaĝataĝac, ena'am ta'le 'uo ga'me ualoq jo'ne yapadelegue da'me layatenaĝanaĝa'j. Yataqata ja yaqanate't ta'le yayate'n, qa'a nach'eñeta ñe'me Cristo 'me yaqanatet ta'le yayatenaĝaneque.

Hechos 17:24

“Joñe'me Dios jo'ne ye'et jena'me jenjo' aleua nataq'aen ena'uaque gaa'me uo'oe mach'e 'lonataqa ñe'me, nach'eñe Jaliaĝanec di'me piyem choqona'me aleua. Ja netaue ga'me tamenaĝaiqui jo'ne 'lonata'j gaa'me jiyaĝa'u,

Juan 11:41

Qama'le qonaqategue ga'me qa'. Ñe'me Jesús male yeloje'ma di'me piyem qama'le enaac: —Taĝadena', am janem da'me yamaic queda'me jayem anaquiaĝana.

Lucas 22:42

Enaac: “Taĝadena', qom a'uamaqaten, qama'le ena'te jayem auedaĝatelegue da'me dojo' yachoĝodec jo'ne yataqata jaqama; qalaĝaja 'noota qom ena'te a'uetoue da'me ena'am ta'le mach'e yoequenataĝanaĝac, dite da'me mach'e adoequenataĝanaĝac.”

Lucas 23:34

Jesús enaac: —Taĝadena', auapalaĝat da'me dojo' laviyaĝa'j, qa'a ja yayate'n ga'me yauote. Qama'le jogaa'me coico laje' nalichiguilo ga'me leuo ñe'me Jesús qaedi ua'ajop da'me tachigui.

Juan 12:27

“Nayi 'uo da'me janomeguet jo'ne ja no'en, qama'le ¿jach'e jogamaĝa 'yaqatac? ¿Qo'li jenaac: «Taĝadena', auen jayem ca'e ga'me yachoĝodec jo'ne 'uo qomle»? Aja'y. Qa'a nach'eda jo'ne qoyouetaque: qo'che' ñanaequena.

Juan 12:28

Qama'le jenaac: «Taĝadena', ¡aualoĝon da'me mach'e at'onaĝac!»” Qanach'e paja'a qodomachiya ga'me najamaĝa jo'ne chiyaqapije'ma di'me piyem, jo'ne eetac: “Joote jaloĝon ca'li, qalaĝaja yitaĝa ji'iyelaĝalegue da'me jaloĝon qomle.”

1 Corintios 2:10

Chane'eja ñe'me Dios Lepaqal 'me ja 'nalegue joote qo'mi e'n di'yoĝoma ga'me jo'ne qoyoĝochiñe joca'li, qa'a ñe'me Lepaqal yataqachiñe nemitaque yema da'me lelnataĝaco joñe'me Dios.