Mateo 11:2 - Nuevo Testamento Toba Sombrero Negro

² Ca'li Juan joote uetaue jaga'me coñetaĝanaĝaiqui, qama'le dep'iquitapega ga'me jo'ne 'yetetac ñe'me Cristo. Chane'eja uo'oe gaa'me lapaĝaguenataqa jo'ne yamaĝata ca'li ñe'me Jesús

Nuevo Testamento Toba Sur

² Qaq so Juan mayi netaigui aso ncoñitaxanaxaqui, somayi ividau'a da ÿaÿaten 'enauac nam i'otpi so Cristo. Huaña, nachi huo'oi soua ÿama'q som quetague'pi somayi, da yaqto' nqo'ooda so Jesús,

La'aqtaqa Ñim Lo'onatac 'Enauacna 2013

² Qaq so Juan maye nachelaxanataxanaq netaigui aso ncoñetaxanaxaqui, somaye iviraua'a da ỹaỹaten 'enauac nam ỹo'otpi So Jesús, nache huo'oi soua ỹama'q som maiche lapaxaguenataqa da yaqto' ina't So Jesús, 'eeta':

Mateo 11:2 Referans Kwoze

Marcos 6:17

Qa'a ñe'me Herodes ya'uo da'me dojo' joca'li, yajouaĝat jañe'me Herodías jo'ne loua ñe'me Felipe, nach'eñe mach'e lanoqolec ñe'me Herodes. Qalaĝaja Herodes deuodaĝanec ca'li jañe'me qama'le en loua, qama'le ñe'me Juan enapega joca'li ñe'me Herodes: “Ja qoyajeta da'me auen adoua jaga'me jo'ne adanoqolec loua.” Chane'eja nach'eñe ñe'me Herodes da'me damaĝajoĝolegue joca'li qaedi qoyanetaue jaga'me coñetaĝanaĝaiqui ñe'me Juan.

Mateo 14:3

Qa'a Herodes damaĝajoĝolegue ca'li qaedi qoyecoñe' ñe'me Juan qama'le qoyanetaue jaga'me coñetaĝanaĝaiqui. Ya'uo da'me dojo' qa'a yajouaĝatem jañe'me Herodías, loua ñe'me lanoqolec Filipo,

Mateo 4:12

Ca'li Jesús dep'iyeya ñe'me Juan da'me qoyanetaue jaga'me coñetaĝanaĝaiqui, qama'le yec'ata di'me Galilea.

Mateo 9:14

Joga'me lapaĝaguenataqa ñe'me Juan 'me chilaĝanataĝanaĝaic yec'adeta ñe'me Jesús qama'le yachimaĝadeta, enaac: —Da'me qo'mi nataq'aen joga'me fariseopi jalcote da'me ñoqouaqataĝala't, qama'te naa'me adapaĝaguenataqa ¿toqoch'e ja noqouaqatela'ajalo?

Juan 4:1

Joga'me fariseopi male nomeda'a da'me jo'ne Jesús male qayoĝode' jogaa'me quetegue nataq'aen da'me qayoĝode' jogaa'me jo'ne nachilaĝa'n, qama'le ja ena'am ñe'me Juan

Lucas 3:19

Uoja'eda da'me enapega ñe'me Herodes, jo'ne jaliaĝanec p'ajaye, qa'a en loua jañe'me Herodías, jo'ne loua ñe'me lachoqolec, nataq'aen yema ga'me yauo'oe 'lonataqa jo'ne ja 'noe'n.

Mateo 1:17

Chane'eja yenoĝodegue gaa'me catorce net'alpi chiyoqotelegue di'me Abraham chayovida'a David, qama'le yenoĝodegue catorce chiyoqotelegue di'me David chayovida'a ca'li qoyen nelataqa gaa'me Israel c'oqo'tepi di'me Babilonia, nataq'aen uoja'ae catorce net'alpi chayovida'a ca'li 'uo ñe'me Dios Liquiyac.

Lucas 9:7

Ñe'me jaliaĝanec Herodes Antipas domachilegue yema ga'me jo'ne 'uo joca'li, qama'le ja yayaten da'me lelnataĝac, qa'a uo'oe gaa'me jo'ne enapega't: “Juan jo'ne chilaĝanataĝanaĝaic 'niyelaĝajeguem.”