Mateo 11:14 - Nuevo Testamento Toba Sombrero Negro

¹⁴ Nataq'aen qom jetaque auacoñiyeguet da'me dojo', qama'le Juan nach'eñe Dios 'laqataĝanaĝanec Elías jo'ne joote qo'yaĝate'taguet ca'li.

Nuevo Testamento Toba Sur

¹⁴ Qaq da qami' qanshiitaique da qau'amaqchiñi, qaq so Juan nachiso som lqui'i som l'aqtaxanaxanec ñi Dios l'enaxat Elías mayi qoÿiitega da ñi'iguelaq.

La'aqtaqa Ñim Lo'onatac 'Enauacna 2013

¹⁴ Da qaua'amaqchiñi qalqo' saishet, co'ollaq Ñim Lo'onatac 'Enauacna 'enapec da namaq ca la'aqtaxanaxanec Elías, nache 'eetega so Juan maye nachelaxanataxanaq.

Mateo 11:14 Referans Kwoze

Lucas 1:17

Nach'eñe 'uau'tague ga'me dajo'tague ñe'me Jaliaĝanec, nataq'aen ue'tajop joñe'me Lepaqal choqoda'me lañoqotaĝanaĝac joñe'me, nach'e ena'am jo'me Dios 'laqataĝanaĝanec jo'ne Elías, qaedi netouenaĝanaĝa'n gaa'me net'al choqogaa'me c'oqo'te nataq'aen qaedi gaa'me qoleguetaĝanaĝaiquipi male yayate'n ta'le yoqochideta joñe'me Jaliaĝanec Dios. Naq'aeta da'me dojo' lajoĝoc da'me yivitaĝata't ga'me noic qaedi yacoteguet joñe'me.

1 Corintios 3:2

Aueñiya'ama ca'li jogaa'me ñoqolqa 'me qoyanema nale jaga'me lochi', qa'a maliaĝa ja yaqanate't ta'le yeuoĝodañe ga'me t'añi. Chane'eja nach'e naq'aeta da'me ami janema ca'li ga'me napaĝaguenataĝanaĝac jo'ne ja qalaq, qa'a maliaĝa ja auaqanachichi ta'le auacoñiyeguet ga'me napaĝaguenataĝanaĝac 'me 'uo da'me laqalaic. Nataq'aen nayi maliaĝa ja auaqanachichi ta'le auacoñiyeguet,

Juan 16:12

“Jayem qa'a maliaĝa jalcote daa'me yapaĝaguenataĝanaĝaco laqaya' jo'ne te'me ami janema, qalaĝaja da'me ami maliaĝa ja auaqanachichi ta'le yema da'me auayachiñe.

Apocalipsis 20:4

Ca'li yem qama'le yitaĝa jauanalo jogaa'me jiyaĝa'u laqaya' jo'ne netauelo gaa'me nejaliaĝaiqui', qa'a joote yacoteguet da'me lañoqotaĝanaĝa'j qaedi male dec'atenaĝa'n nataq'aen da'me daloqotenaĝa'n. Jogaa'me jiyaĝa'u jo'ne jauanalo nach'ediaua dia'me jo'ne joote yele'u da'me qoyichaĝadegue naa'me laqai'go, yajouaĝat da'me 'yaĝatetedac joca'li joñe'me Jesús, nataq'aen da'me dapaĝaguenataĝatedapec da'me 'laqatac joñe'me Dios. Jodia'me ja jetaque netametot ca'li ñe'me jiyac polio' choqoga'me mach'e lequi'i, qama'le nach'e ena'am da'me ja naje'teguet ta'le qoyanayelo naa'me laqai'go jaga'me 'nanaĝanaqate, uotaĝa ta'le qoyanayelo naa'me loua'. Qama'le jauanalo da'me yitaĝa nec'aledegue jogaa'me, qama'le ueteda'ajop joñe'me Cristo da'me qoyanema da'me lejaliaĝa'j chayovida'a qom yenoĝodegue ga'me mil 'uoidi.

Mateo 11:13

Jogaa'me Dios 'laqataĝanaĝanaqa jo'ne 'uaechidiñe choqodaa'me napaĝaguenataĝanaĝaco jo'ne chiyaqayilo daa'me Dios lamaĝajoĝonaĝaco, ena'uaque jogaa'me 'yaĝatetedac da'me Dios lejaliaĝa, chayovida'a ca'li novi' ñe'me Juan.