Mateo 11:11 - Nuevo Testamento Toba Sombrero Negro

¹¹ Eja ami ja'aĝatema queda'me Juan 'me chilaĝanataĝanaĝaic nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue ñe'me Juan.

Nuevo Testamento Toba Sur

¹¹ Qaq ÿataqta 'eesa de'eda shinapec da 'enauac nam shiÿaxauapi co'ollaxa da chigoqta'ague, chochi ivitta'a nagui, da qaica ca ishit da napacalec da l'amaqchic so Juan mayi nachilaxanataxanaq. Qalaxayi nam ÿapacteec da qaica ca l'amaqchic da huetaigui dam l'onataxanaxac ñi Dios mayi neta'ague da piguem, namayipi napacalec somayi.

La'aqtaqa Ñim Lo'onatac 'Enauacna 2013

¹¹ Qaq ỹataqta 'eesa de'era shenapec da 'enauac nam shiỹaxauapi co'ollaxa da chegoqta'ague, choche ivitta'a nagui da qaica ca ishet da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui dam lo'onataxanaxac Ñim Lo'onatac 'Enauacna, nagui qataq dam taỹa'ague namayepi napacalec somaye.

Mateo 11:11 Referans Kwoze

Lucas 7:28

“Ami ja'aĝatema queda'me Juan nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue joñe'me Juan.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Juan 1:15

Ñe'me Juan joote 'yaĝatetac joñe'me ca'li enaac: “Jenjo' jo'ne nach'ena 'me joote ja'aĝatetac ca'li jenaac, «Ga'me jo'ne jayem najoyalegue qomle, nach'ega jo'ne p'ajaye 'me jayem napacalegue, qa'a nach'eñe jo'ne jalchi'ena 'uo joca'li, da'me maliaĝa ja ñovitequena.»”

Mateo 5:19

Qo'che', qom 'uo ga'me jiyaĝaua jo'ne ja yoqo'cha ga'me onolec daa'me daajo' namaĝajoĝonaĝaco, mate mane'e cat'oñoq joga'me, uotaĝa ja yapaĝagueneque ga'me jiyaĝadipi qaedi yoqochideta, nach'ega qoyen cat'oñoq qomle da'me male uetaue da'me lejaliaĝa ñe'me Dios 'me ne'tague di'me piyem. Qalaĝaja ga'me jo'ne yoqo'cha nataq'aen yapaĝagueneque jogaa'me laqaya' qaedi nach'e ena'am yoqochideta, nach'ega qoyen p'ajaye qomle da'me male uetaue da'me lejaliaĝa ñe'me Dios 'me ne'tague di'me piyem.

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Lucas 9:48

qama'le enaac: —Joñe'me jo'ne jayem naquiaĝana qama'le yaconeguet ga'me notolec ena'am jenjo', qama'le mach'e jayem yaconeguet. Nataq'aen joñe'me jo'ne jayem yaconeguet, ja nach'edata da'me jayem yaconeguet dite da'me nach'e ena'am yaconeguet ñe'me jo'ne jayem namaĝaquena. Qa'a qom 'uo ga'me yataqachiñe ja di'yaĝa queda'me ami, nach'ega jo'ne yataqata p'ajaye.

1 Pedro 1:10

Jodia'me Dios 'laqataĝanaĝanaqa napaĝagueta joca'li da'me dojo' jo'ne qadec'alaĝa nataq'aen da'me denataĝatedapelegue, qama'le 'yaĝatetedac joda'me lichoĝodenataĝanaĝac joñe'me Dios jo'ne jetaque ami yanema da'me dojo'.

Hebreos 11:40

Qa'a ñe'me Dios nach'e ena'am da'me qo'mi yayate'n, queda'me joote ya'uo ga'me onaĝaic qaedi qo'mi yanema, qama'le jogaa'me jiyaĝa'u jo'ne uo'oe ca'li, nach'edata da'me qo'mi yeme'tegueta qaedi yema yataqata qoye'n qo'mi yataqatelo'te.

1 Corintios 15:9

Qa'a jayem qaya'te yi'yoĝodic, ja jena'am gaa'me namaĝa's laqaya', nataq'aen ja jayet ta'le jayem qoyenaqatenec Jesucristo lamaĝajec, qa'a ca'li jecaa'tape gaa'me jo'ne p'iida'a ñe'me Dios qaedi japalaĝa't joga'me p'etaqadaiquipi.

1 Corintios 6:4

Qama'le qom 'uo da'me anecotaĝaqui jo'ne chiyaqayi da'me ja aniyamaĝadeñiya't, ¿toqoch'e a'uaĝachiyoto nale ga'me jiyaĝadipi nec'atenoqo'tpi jo'ne ja yayate'n da'me lajoĝo'j joga'me Dios lec'oqo'tepi?

Juan 10:41

Qama'le jalcote gaa'me jiyaĝadipi jo'ne yec'adeta, qama'le enapega't: —Eja da'me mate mane'e Juan ja ya'uo ga'me onolec 'nanec 'me di'yoq, qalaĝaja yema da'me jo'ne 'yaĝatetac dojo' jiyaĝaua naqaeda jo'ne yataqatelegue.

Juan 3:30

Joñe'me jo'ne Dios Liquiyac male nichiquetaye da'me 'namaqatenataĝanaĝac, qama'le da'me jayem nichique'tat da'me 'namaqatenataĝanaĝac.

Juan 5:35

“Juan ena'am jaga'me coyadaĝanaqate nale edañgui qama'le yoqochiñe, qama'le da'me ami jetaque ch'e a'uamaqachiñe da'me auachiyaue da'me lauac, qalaĝaja ja yemeda gaa'me noloqo'ote.

Juan 1:27

Nach'eñe novi' qomle, ñe'me jo'ne jayem najoyalegue, qama'te ja jaqanatet ta'le jejodegue gaa'me lapela'te leque'te.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Efesios 2:3

Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

2 Timoteo 1:10

Qama'le nayi jauanaĝa da'me dojo' Dios loqopich'i jo'ne qo'mi yaloĝonalo joñe'me Cristo Jesús mach'e Qadec'alaĝaiqui, jo'ne naqaeñe male yapalaĝat da'me 'lañaĝac da'me neleuaĝa, qama'le da'me dojo' lomataĝanaĝac chiyaqayi joga'me onaĝaic 'laqataĝanaĝac jo'ne 'yaĝatetac da'me 'noyaĝac jo'ne ja pal.

Lucas 1:15

qa'a ga'me ac'oĝot qomle ñe'me Jaliaĝanec yataqachiñe en p'ajaye. Ja niyomigui ga'me lataĝa, uotaĝa ga'me jo'ne yataqachiñe chem 'me nequejegaĝat, nataq'aen yataqata najaqachigui joñe'me Dios Lepaqal qom maliaĝa ja niyiñe.

Mateo 3:1

Uo'oe gaa'me 'uoidi jo'ne yenoĝodegue ca'li, qama'le 'uo ñe'me Juan 'me chilaĝanataĝanaĝaic ue'ta di'me aleua jo'ne totapega't ua'ña di'me Judea.

Mateo 11:10

Juan nach'eñe jo'ne joote qo'yaĝate'taguet ca'li gaa'me nedii's: «Nayi je'uauaĝata na'me 'yaqataĝanaĝanec jo'ne auajoyalegue, Qaedi yiyamaĝatetac qomle na'me adadic.»

Mateo 11:12

Chiyoqotelegue ca'li yemta novi' ñe'me Juan 'me chilaĝanataĝanaĝaic chayovida'a nayi da'me qoya'uo lachoĝode'j jogaa'me jo'ne tadoue joda'me lejaliaĝa ñe'me Dios 'me na'ague di'me piyem, nataq'aen jogaa'me jo'ne yeloiquiaĝanaĝateguet da'me mach'e 'lañaĝa'j qama'le 'yaedetedapelegue da'me jetaque yapalaĝa't joda'me.