Mateo 10:41 - Nuevo Testamento Toba Sombrero Negro

⁴¹ Ga'me jo'ne yaconeguet ñe'me Dios 'laqataĝanaĝanec yajouaĝat da'me eja 'yaĝatetac da'me 'laqataĝanaĝac ñe'me Dios, qama'le nach'ega nalo'taguet da'me lajo'viyaĝac ñe'me Dios 'laqataĝanaĝanec qom qoyejeten. Nataq'aen ga'me jo'ne yaconeguet ñe'me jiyaĝaua jo'ne yataqatelegue yajouaĝat da'me eja yataqatelegue ñe'me, qama'le nach'ega naloteguet da'me lajo'viyaĝac ñe'me yataqatelegue qom qoyejeten.

Nuevo Testamento Toba Sur

⁴¹ Qaq cam ÿaconguet cam l'aqtaxanaxanec ñi Dios, qaq cha'ayi camayi lamaxashic ñi Dios, nachi camayi ÿaconguet cam nshiitenaguec mayi 'eeta'am qanqoÿin aca nshiitenaqte cam n'aqtaxanaxanec. Qaq cam ÿaconguet ca no'on shiÿaxaua, qaq cha'ayi camayi no'on, qaq camayi da qaishiiten, nachi 'eeta'am qanqoÿin aca lashiue cam no'on shiÿaxaua.

La'aqtaqa Ñim Lo'onatac 'Enauacna 2013

⁴¹ Qaq cam ỹaconeguet cam la'aqtaxanaxanec Ñim Lo'onatac 'Enauacna, nache camaye ỹaconeguet cam nsheetenaguec maye 'eeta'am aca nsheetenaqte cam na'aqtaxanaxanec. Qaq cam ỹaconeguet ca no'on shiỹaxaua, qaq cha'aye camaye no'on, qaq camaye da qaisheeten, nache 'eeta'am qanqa'en aca lasheue cam no'on shiỹaxaua.

Mateo 10:41 Referans Kwoze

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

2 Juan 1:8

Chane'eja, 'noota qom achiya'agueta jogaa'me, qaedi ja am 'te yoqovi'n, qaedi ja ne'uela't da'me jo'ne chiyaqayi da'me qat'onataĝanaĝac, dite da'me yataqachiñe auacoñiyeguet ga'me onaĝaic jo'ne anejetenaguequi.

1 Corintios 9:17

Qom da'me dojo' je'et chiyaqayi da'me mach'e yelnataĝac, chane'eja 'uo ga'me ñejetenaguec; qalaĝaja eja queda'me ja naq'aeta da'me yelnataĝac joca'li, qama'le je'et qa'a Dios jayem 'yelopec.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 6:18

qaedi ga'me jiyaĝadipi ja yetade'n queda'me anoqouaqatela't. Qama'le ñe'me Adet'a jo'ne uetaue ga'me ja di'yoq nach'eñe yetaden, qa'a yauana ga'me ja di'yoq aua'uo, qama'le ya'uo qomle ga'me anejetenaguec.

Romanos 16:23

Ami yep'iye'n ñe'me Gayo, jo'ne joue'ta jena'me 'lachaqa', nach'e ena'am yelo'ogueta nale ga'me p'etaqadaiquipi. Nach'e ena'am ami yep'iye'n ñe'me Erasto, yelolegue ga'me leuoyaĝac ga'me noic, nataq'aen ñe'me qadaqaya Cuarto.

Mateo 6:6

Qalaĝaja am, qom anetamen, aue ga'me at'emec, auapadiñgui ga'me jom qama'le ja aualoĝon da'me anetamenot joñe'me Adet'a. Qama'le ñe'me Adet'a da'me yauana ga'me aua'uo jo'ne ja aualoĝon, am yanem qomle ga'me adajo'vi.

Hechos 16:15

Qonachilaĝan ca'li nataq'aen ena'uaque gaa'me jo'ne mach'e laqaya'. Ca'li yem qama'le qo'mi nachoĝodenoto: —Qom aueñetapega queda'me yataqachiñe jep'iya'a ñe'me Jaliaĝanec, qama'le jayem anec'achiya qaedi oviya'a di'me 'yachaqa'. Qama'le qo'mi paquetapegue'to qaedi jouaqa'tedi.

Mateo 6:4

Ja auen 'te di'yoq da'me aua'uo. Qama'le ñe'me Adet'a, jo'ne yauana ga'me aua'uo jo'ne ja auen 'te di'yoq, ya'uo qomle ga'me anejetenaguec.

Mateo 6:1

“Ena'te ch'e aualoĝoñiyalo gaa'me at'onataqadi' jo'ne 'noote' ga'me jiyaĝadipi, qom nach'edata da'me jetaque ami qoyauanalo. Qom naq'aeta da'me auauoyi, ñe'me Adet'ai jo'ne na'ague di'me piyem ja ami 'te yanema ga'me anejetenaguequi.

Mateo 7:8

Qa'a ena'uaque gaa'me jo'ne dajelaĝatot ñe'me Dios qama'le qoyanema; nataq'aen gaa'me jo'ne nemitedaque ga'me qoyouetaque, yejomedalegue; nataq'aen gaa'me dajoyeda'uet ga'me jom qaedi yiyaĝata'uo, qama'le qo'youategueta.

Mateo 25:44

Chane'eja 'yadeteguet jogaa'me: «Jaliaĝanec, ¿jach'e ga'me joca'li am jauanaĝa da'me adoqouat uotaĝa adelinquip, uotaĝa ena'am ta'le adejomatapiye't, uotaĝa qaya'te auaiñe, uotaĝa adeleuac, uotaĝa onetaue jaga'me coñetaĝanaĝaiqui qama'te ja am 'te yecochaĝajaĝa?»

Mateo 25:45

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne ja a'vichiyeque naa'me naajo' yaqaya'olqa 'me 'najode' qama'le nach'ayem jo'ne ja jayem 'te a'vichiyec da'me dojo'.