Mateo 10:27 - Nuevo Testamento Toba Sombrero Negro

²⁷ Ga'me jo'ne ami ja'aĝatema nale 'naltapiye, qama'le aueñi taue ga'me nolo' da'me a'uaĝachetac; nataq'aen ga'me ja di'yoq 'me auomachiiya, qama'le aviyaĝañetac, auapiilo'te gaa'me emaqa da'me a'uaĝachetac.

Nuevo Testamento Toba Sur

²⁷ Qaq cam aÿim shinapec da huaigui ca napalaxa, qalaq qau'axachiiuec qom qoviitaigui ca yi'oqchiguiñi; qataq cam ñichitta'ac da qami' sa'axatema, qalaq ÿataqta qan'axanñiic da qanasaqaiuec da hualec na l-laq ca noÿic.

La'aqtaqa Ñim Lo'onatac 'Enauacna 2013

²⁷ Da huo'o ca sa'axat da huaigui na napalaxa, qalaq qaua'axacheeuec qom qoviitaigui ca yo'oqchiguiñi. Qataq da huo'o ca qami' ño'otaxaatoto ỹa'aqtac qalaq qaua'axachem 'enauac na shiỹaxauapi.

Mateo 10:27 Referans Kwoze

Hechos 5:20

“Jamoyi, qama'le anechachiñi da'me auec'achiya ga'me tamenaĝaiqui, a'uaĝachetapema ena'uaque daa'me noyaqa da'me dojo' 'naqataĝanaĝac jo'ne chiyaqayi da'me 'noyaĝac.”

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

Juan 16:1

“Ami ja'aĝatema naa'me naajo' uo'oe qaedi ja aĝañiñi da'me adepi'i.

Hechos 5:28

—Qo'mi yataqachiñe ja qaualajaĝa'ta da'me ami je'elataqatapeguema da'me yitaĝa auapaĝagueñitapec ñe'me jiyaĝaua. Qama'le ¿jach'e ga'me auauoyi? Yataqachiñe aueñi yema'ña da'me dojo' adapaĝaguenataĝanaĝaqui jena'me jenjo' Jerusalén, choqoda'me uoja'eda nayi jetaque qo'mi qoyep'aĝalo'te dojo' leleuaĝa di'me jiyaĝaua.

Juan 16:29

Chane'eja enapega't jogaa'me lapaĝaguenataqa: —Nayi male yataqatelegue da'me a'uaĝatetac, da'me male ja auauo'oe gaa'me ch'e adaloqotenaĝanaĝaco.

Juan 16:25

“Ja'aĝate'tape naa'me naajo' uo'oe nataq'aen da'me uo'oe gaa'me yaloqotenaĝanaĝaiqui'; qalaĝaja yovita jo' qomle ga'me nolo' qom jen di'yoq da'me ja'aĝatetac joñe'me Taĝadena'.

Lucas 8:10

Jesús 'yaĝatema jogaa'me: “Ami yaqaya'olqa, Dios ami yayatenaĝanaĝaneque da'me dojo' jo'ne ja di'yoq mañaĝa, jo'ne lejaliaĝa ñe'me Dios. Qalaĝaja, jogaa'me jiyaĝa'u laqaya' ch'e jauo'oe daa'me yaloqotenaĝanaĝaiqui' da'me jojapegue'to nataq'aen da'me ja'aĝatema qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n.»

2 Corintios 3:12

Yema da'me dojo' yataqachiñe jenaĝa eja, chane'eja ja qat'oyalegue da'me ja'aĝataqatac.

Hechos 17:17

Qo'che' ñe'me Pablo nataq'aen jogaa'me p'iida'a ñe'me Dios necotayapegue'to nale ga'me judiopi nale uetedaue ga'me nemaĝaiqui', nataq'aen yemeda naa'me noloqo'ote choqoga'me uaĝayeta 'uo da'me necotaĝa'j nale ueda'a ga'me noic laeñi jo'ne nocoegaĝac.

Mateo 24:17

nataq'aen ga'me jo'ne netalegue ga'me 'lemec lapo', 'noota qom ja yaloĝoja nenochiñe qaedi nemetegue ga'me 'lemec;

Lucas 12:3

Chane'eja ena'uaque gaa'me anenaĝachidegue ca'li ovi'ta ga'me 'lalaĝa male qodomachiya qom nolo'; nataq'aen ga'me at'aqataqui jo'ne auoĝochitañi nale p'auo ga'me emec, male petalegue ga'me emec jo'ne p'ajeguem da'me dechoĝot qomle.