Mateo 10:26 - Nuevo Testamento Toba Sombrero Negro

²⁶ “Chane'eja ena'te at'oyiyapega ga'me jiyaĝadipi. Qa'a qaya'te gamachaqaega qoyapadetalegue ta'le ja yovita da'me male qo'youatelegue, nataq'aen qaya'te qoyoĝotetapiñe ta'le ja yovita da'me qonoma'a.

Nuevo Testamento Toba Sur

²⁶ Qaq ÿoqo'oyi sa ishit qome da qayi'iitega nam shiÿaxauapi. Cha'ayi sa ishit da huo'o ca saq cha'a lataxac da huo'otaq sa qaÿaÿaten, qataq sa ishit da huo'o ca qoÿoxottapiguiñi da huo'otaq sa qaÿanata.

La'aqtaqa Ñim Lo'onatac 'Enauacna 2013

²⁶ Qaica qome ca qayi'iitega. Cha'aye qaica ca qoỹoxottañi da huo'otaq sa qaỹanata, qataq 'enauac nam saqcha'api ivira'a da qaỹaỹaten.

Mateo 10:26 Referans Kwoze

Lucas 8:17

Qa'a nach'e naq'aeta da'me dojo', gamachaqaega ga'me jo'ne ja 'yaqalegue, uotaĝa gamachaqaega ga'me jo'ne qoyoĝotetapiñe, nach'ega qoyaloĝon qomle qama'le di'yoqotelegue nataq'aen qoyayaten.

Marcos 4:22

Qa'a nach'e naq'aeta da'me dojo', gamachaqaega ga'me jo'ne ja 'yaqalegue, uotaĝa gamachaqaega ga'me jo'ne qoyoĝotetapiñe, nach'ega qoyaloĝon qomle, qama'le di'yoqotelegue.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

Mateo 10:28

Ena'te at'oyiyalo gaa'me jo'ne yaqanate't ta'le ami yala't, qa'a ja yaqanate't ta'le yala't ñe'me adepaqali. Nach'edata da'me at'oyiyapega ñe'me jo'ne yaqanatet ta'le ami yamaĝauelo di'me ne'uaĝanaqa' ga'me loeco lo'olpi jo'ne payac 'lachaqa' qaedi yapalaĝat ñe'me adepaqali nataq'aen ga'me adapachi.

1 Pedro 3:14

Qalaĝaja mate mane'e da'me yataqatelegue ga'me auauoyi, uotaĝa 'uo ga'me adachoĝodequi jo'ne ami yachalo'te. Qom naq'aeta qama'le ¡'noota qom ami made'tapolqa! Ena'te a'uoitapega gamachaqaega, nataq'aen da'me ena'te ami qolanaqayaqa.

Hechos 4:19

Qalaĝaja Pedro nataq'aen Juan 'yategueta: —Aueñetapela't chimaqachiñe joona ta'le ja je'etaq ga'me jo'ne qo'mi yamaĝalo'te ñe'me Dios, ta'le jauoqo ga'me jo'ne auepaquitapega.

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Hechos 4:13

Ca'li gaa'me jaliaĝanaqa yauata da'me 'lañaĝa'j ñe'me Pedro nataq'aen Juan da'me doje'y qama'le yetade'n queda'me ja ch'e yatenaĝanaĝayaqa jogaa'me, qama'le qoyoqoche'ema nataq'aen male qoyateto'n da'me nach'egaua lapaĝaguenataqa ñe'me Jesús.

Lucas 24:47

Nataq'aen queda'me qo'yaĝatapema joñe'me ena'uaque naa'me noyaqapi qaedi 'ñemaĝadiñe, 'niyelaĝadetot joñe'me Dios, qaedi joñe'me yapalaĝa't daa'me loeco, qoyachiyoĝochichi'ña di'me Jerusalén.