Mateo 10:25 - Nuevo Testamento Toba Sombrero Negro

²⁵ Chane'eja qaya'te yepaguejaque laqaya ga'me napaĝaguenatac qom joote ena'am ga'me napaĝaguenoqo't, nataq'aen ga'me nelatac qom joote ena'am ga'me ladipa. Qom qoyenapega Beelzebú ñe'me net'a, ¿jach'e jogamaĝa 'naqataqa jo'ne qoyachalo'te qomle gaa'me 'lachaqadiaĝa'u jo'ne mach'e c'oqo'tolqa?

Nuevo Testamento Toba Sur

²⁵ Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?

La'aqtaqa Ñim Lo'onatac 'Enauacna 2013

²⁵ Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Mateo 10:25 Referans Kwoze

Lucas 11:15

Qalaĝaja uo'oe gaa'me enapega't: “Nach'eñe Beelzebú, jo'ne lejaliaĝane'j joga'me payagodipi, yanem dojo' jiyaĝaua da'me lañoqotaĝanaĝac qaedi yamaĝadegue gaa'me payagodipi.”

Mateo 12:24

Ca'li domachita da'me dojo', joga'me fariseopi enapega't: “Nach'eñe Beelzebú lejaliaĝane'j joga'me payagodipi yanem da'me lañoqotaĝanaĝac dojo' jiyaĝaua qaedi yamaĝadegue jogaa'me.”

Mateo 9:34

Qalaĝaja joga'me fariseopi enapega't: —Naqaeñe ñe'me mach'e lejaliaĝane'j joga'me payagodipi jo'ne yanem da'me lañoqotaĝanaĝac qaedi yamaĝadegue jogaa'me.

Juan 7:20

Jogaa'me jiyaĝadipi male qo'yateguet: —¿Qo'li am payac lae't? ¿Jach'e ga'me jo'ne jetaque am yalat?

Marcos 3:22

Nach'e ena'ama jogaa'me jo'ne judiopi napaĝaguenoqo'tpi jo'ne chiyoqoda'ña di'me Jerusalén, male enapega'ajalo: “Nach'eñe Beelzebú uetaye joñe'me, chane'eja ñe'me payac lejaliaĝanec yanem da'me lañoqotaĝanaĝac qaedi yamaĝadegue jogaa'me payagodipi.”

Juan 8:48

Jogaa'me judiopi male enapega't: —Nayi male yepaquichigui da'me eja da'me ñenaĝataĝaye ca'li jenaqaac da'me am jo'ne Samaria le'ec, 'me am payac lae't.

Juan 10:20

Qayoĝode' jogaa'me jo'ne enapega'ajalo: —¿Toqoch'e auoqochiya da'me dojo' 'laqatac, da'me uetaye ga'me payac lepaqal choqoda'me jalaĝaic?

Juan 8:52

Gaa'me judiopi male enapega't: —Nayi male yataqachiñe jayatenaq da'me am payac lae't. Qa'a di'me Abraham yeleu ca'li, nataq'aen dia'me Dios 'laqataĝanaĝanaqa, qama'te da'me am aueetapega: «Ga'me jo'ne yoqocha'a da'me 'yaqatac, nach'ega jo'ne yauana qomle da'me lec'alaĝa jo'ne qaya'te loiquiaqa'.»

Mateo 12:27

Jayem aueñiyapega jedolegue da'me lenaĝat ñe'me Beelzebú da'me jamaĝadegue joga'me payagodipi; ta'che naq'aeta da'me dojo', qama'le ¿jach'e jogamaĝa yanema da'me lañoqotaĝanaĝa'j joga'me adauegaqataqadi' qaedi yamaĝadegue jogaa'me? Qo'che' mach'egaua yaloĝo'n queda'me yataqachiñe adejomiyac.

Lucas 11:18

Nach'e naq'aeta da'me dojo', qom ñe'me payac jo'ne Satanás ma'te ja nalo'ta't da'me ja niyamaĝadenapega't, qama'le ¿teua'atoqo' nach'e eta't 'uo da'me lejaliaĝa? Ami ja'aĝatema da'me dojo' qa'a a'uaĝachetac queda'me nach'eñe Beelzebú jo'ne jayem yanem da'me yañoqotaĝanaĝac qaedi jamaĝadegue ga'me payagodipi.

Lucas 11:19

Qalaĝaja, qom naq'aeta da'me dojo', qama'le ¿jach'e jogamaĝa chiyoĝogue da'me lañoqotaĝanaĝa'j jogaa'me jo'ne ami quetapegue'to jo'ne yamaĝadegue gaa'me payagodipi? Qo'che' nach'egaua ami yayatenaĝanaĝaneque queda'me adejomiyac.

Marcos 10:39

Jogaa'me 'yadeteguet joñe'me: —Jaja'a, jaqanatetaq. Qama'le Jesús enaac: —Eja da'me aniyomiyigui qom'te ga'me naiquip jo'ne jaqama, nataq'aen auacoñiyeguet qom'te ga'me nachilaĝanataĝanaĝac jo'ne jaconeguet qomle.