Mateo 10:22 - Nuevo Testamento Toba Sombrero Negro

²² Ena'uaque jogaa'me aleua laje' ami qonautenalo qa'a jouaĝat jayem; qalaĝaja ga'me jo'ne 'nañaĝatela't chayovida'a ga'me loiquiaqa' da'me 'loyaĝac, qama'le nach'ega nec'alegue qomle.

Nuevo Testamento Toba Sur

²² Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

La'aqtaqa Ñim Lo'onatac 'Enauacna 2013

²² Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Mateo 10:22 Referans Kwoze

Mateo 24:13

Qalaĝaja ga'me jo'ne 'nañaĝatela't chayovida'a da'me loiquiaqa', nach'ega qoyanem da'me lec'alaĝa jo'ne ja 'naidena'a.

Santiago 1:12

Matac ga'me jiyaĝaua qom napogaĝadeneguet da'me napiyenaguec qama'le yaqanatet da'me 'nañaĝateguet, qa'a qom yovida'a da'me male ye'm daa'me napiyenagueco, qama'le yaconeguet ga'me lomataĝanaĝac jo'ne nec'alaĝa 'me qaya'te loiquiaqa'. Nach'eda da'me nec'alaĝa jo'ne Dios 'yaĝatema jogaa'me jo'ne noqopideta.

Apocalipsis 2:10

Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.

Marcos 13:13

Yema ga'me aleua laje'pi ami nautenalo qa'a yajouaĝat da'me jayem oquiyegue; qalaĝaja ga'me jo'ne 'nañaĝatela't chayovida'a da'me loiquiaqa', nach'ega qoyanem da'me lec'alaĝa jo'ne ja 'naidena'a.

Mateo 10:39

Ñe'me jo'ne jetaque nec'alaĝategue da'me mach'e 'loyaĝac, qama'le qodoĝotaĝanec qomle, qalaĝaja ñe'me jo'ne jayem uajouem da'me 'loyaĝac, nach'eñe qamqa'me nec'alaĝategue qomle.

1 Juan 3:13

Ami yaqaya'olqa, ena'te adoqoch'iyem qom gaa'me jiyaĝadipi jo'ne loeco lo'olpi ami niquiyatapegalo.

Mateo 24:9

“Chane'eja ami qoyadeuo qomle qaedi ja no'en ga'me ami qo'yeteque; nataq'aen ami qoyala't, nataq'aen yema jena'me aleua ami qoniquiya'alo qomle qa'a jouaĝat da'me jayem oquiyegue.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

Hebreos 6:11

Da'me qo'mi yataqata 'uo da'me qadamaic ta'le onolqa'tape da'me ami nach'e eta't oquitalegue da'me adaloĝonataĝanaĝaqui chayovida'a qom yovita ga'me nolo' jo'ne p'ategue, qaedi yataqata yepaquichigui yema da'me mach'e adeuataqataĝanaĝaqui.

Juan 17:14

Joote janema naa'me at'aqataqa, qalaĝaja jenjo' aleua laje'pi niquiya'alo qa'a naa'me naajo' jo'ne jojapegue'to ja 'lachaqa't jena'me jenjo' aleua, qama'le ena'am da'me jayem ja 'yachaqa' jena'me aleua.

Gálatas 6:9

Chane'eja, 'noota qom ja qadeli'ñejop da'me jauoqo da'me 'noota, qa'a qom qolaqatalegue, Dios qo'mi yanema ga'me qanejetenaguec ga'me nolo' 'me laloqo' q'aen.

Lucas 6:22

“Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.

2 Corintios 4:11

Qa'a qo'mi, queda'me maliaĝa qadec'aletaye, nataq'aen queda'me joqochaĝa joñe'me, nach'e eta't qo'mi dajo'toto da'me qadeleuaĝa, qaedi da'me 'loyaĝac joñe'me nach'e ena'am di'yoĝoma da'me qat'oyaĝac jo'ne ja t'añi.

Mateo 5:11

“Nataq'aen ami made'tapolqa qom 'uo ga'me jiyaĝadipi jo'ne ami yejoue'tape nataq'aen ja no'en da'me ami 'yeteque, nataq'aen qom yajouaĝat da'me jayem, qama'le ami qoyedolo'te ga'me yodapecache noqovinaĝanaĝaco 'me t'aĝanataĝana'ape.

Apocalipsis 2:17

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Jogaa'me jo'ne yovidedeta da'me noma't joga'me ja no'en, nach'egaua jo'ne je'n yali'j qomle jaga'me maná jo'ne ja di'yoq di'me ueta'ña, qama'le nach'e ena'am da'me janema ga'me qa' jo'ne pagaĝaic, da'me jo'ne joote qoyediñe ga'me lenaĝat jo'ne dalaĝaic 'me qaya'te ta'le yateton dite joga'me jo'ne yaconeguet.»

Juan 7:7

Jogaa'me aleua laje'pi ja ami 'te nouelatapegalo, qalaĝaja da'me jayem qamqa'me 'uo da'me nouelaqataĝanaĝac, qa'a da'me jayem jechoĝotema naa'me ja 'noe'n jo'ne 'lonataqa.

Lucas 8:15

Qalaĝaja jaga'me petapi lae jo'ne tachi'ña ga'me aleua jo'ne 'noota, nach'egaua jiyaĝa'u jo'ne 'noote' ga'me lai'li nataq'aen niyamaĝateta'ajalo da'me domachita da'me Dios 'laqataĝanaĝac, qama'le yoqochideta nataq'aen 'nañaĝatela'ajalo qaedi chimadichidiñe, nach'e ena'am 'nañaĝatela'ajalo gaa'me chiyaqayilo jo'ne jalayaĝa'j.”

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

Apocalipsis 2:26

Jogaa'me jo'ne yovidedeta da'me noma't joga'me ja no'en, nataq'aen da'me nach'e eta't quetalo'te daa'me mach'e 'yonataqa chayovida'a ga'me nolo' jo'ne p'ategue, qama'le janema qomle da'me je'n nejaliaĝatelo'te yema jogaa'me noyaqa.

Hechos 9:16

Qa'a jaloĝona qomle queda'me jalcote da'me lachoĝodec qa'a jouaĝat da'me yenaĝat.”

Apocalipsis 2:3

Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.

Lucas 21:17

nataq'aen yema jena'me aleua ami qoniquiyatapegalo jouaĝat da'me jayem oquiyegue.

Lucas 21:19

¡'noota qom a'nañaĝachela't, qaedi auaqanachichi da'me adec'aliyegue!