Mateo 10:1 - Nuevo Testamento Toba Sombrero Negro

¹ Yem qama'le Jesús yiyaĝanalo joga'me doce jo'ne lapaĝaguenataqa, qama'le yanema da'me lañoqotaĝanaĝa'j qaedi yamaĝadegue gaa'me payac lepaqa'li jo'ne paĝachiguilo nataq'aen qaedi e'n yemedegue gaa'me yodapecache napite'nadi nataq'aen nayaliaĝaco.

Nuevo Testamento Toba Sur

¹ Nachi so Jesús iÿaxanalo soua doce lapaxaguenataqa, nachi ÿanema da n'añaxac, da yaqto' ishit da i'oldauec na n'ecpi, qataq da nataden 'enauac nam ÿotta'a't nalolaxaguesat qataq na nhuetaxanaxapi.

La'aqtaqa Ñim Lo'onatac 'Enauacna 2013

¹ Nache So Jesús ỹataxana't soua doce lapaxaguenataqa. Nache ỹanem da la'añaxac ñi 'oonolec soomaye, da yaqto' ishet da ỹo'orauec na saqcha'a na'añaxac leguemaxaicpi, qataq da nataren 'enauac nam ỹotta'a't nalolaxasat.

Mateo 10:1 Referans Kwoze

Lucas 10:19

Ami janema da'me adañoqotaĝanaĝaqui qaedi aualequitapegueta jogaa'me nanayaqapi nataq'aen gaa'me noĝopi'go, nataq'aen qaedi anomachi ena'uaque daa'me 'lañaĝaco ñe'me nauteua jo'ne Satanás, qama'le qaya'te gamachaqaega ja no'en jo'ne ami 'yeteque qaedi ya'uo adachoĝodequi.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Juan 3:27

Juan male 'yategueta jogaa'me: —Qaya'te ta'le 'uo ga'me ua'ajop joga'me jiyaĝaua qom ja Dios ya'uo ga'me yanem.

Lucas 6:13

Ca'li yovida'aguet ga'me nolo', qama'le yemata'a't gaa'me lapaĝaguenataqa, qama'le doce gaa'me yiquetelo'te jo'ne yaneque Dios lamaĝa's.

Lucas 21:15

qa'a naqayem jo'ne ami janema qomle ga'me at'aqataqadi' jo'ne ami najaqachiguilo da'me adayatenaĝanaĝaqui, qama'le qaya'te gamachaqaega gaa'me ami nautenalo yaqanatet ta'le napogaĝadeneguet uotaĝa yaqanatet ta'le nautenaĝaneguet ga'me 'laqatac.

Hechos 19:15

Qalaĝaja 'uo ga'me ua'a ca'li 'uo ñe'me nepaqal jo'ne qaleuaĝaic, 'yategueta jogaa'me: “Jateton ñe'me Jesús, nataq'aen jayaten ñe'me Pablo; qalaĝaja, ¿jach'e ami?”

Juan 17:2

Qa'a naqa'am jo'ne jayem auanem da'me yañoqotaĝanaĝac qaedi ñejaliaĝatelo'te yema ga'me jiyaĝadipi, nataq'aen da'me auanema da'me 'loyaĝac jo'ne ja 'naidena'a yema jogaa'me jo'ne jayem auanema.

Juan 6:70

Jesús male 'yateguet: —Da'me ami doce, ¿qo'li ja naqayem jo'ne ami yiquiyaqa? Qalaĝaja, nach'e ena'am da'me ami 'uo ga'me onolec jo'ne yataqachiñe payac.

Juan 3:35

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.

Apocalipsis 12:1

Qama'le 'uo jo'me di'yoq jo'ne 'nanec let'adaic 'me ua'ague di'me piyem: 'uo jaga'me yauo jo'ne qoyen neuoĝoi jañe'me ajeua, choqoñe'me auoĝoic ne'toto naa'me lapia'te, nataq'aen jaga'me cop'a jo'ne netaye jo'me laqaic nalo'taguet doce naa'me uaqachiñil jo'ne netedalegue.

Mateo 26:47

Maliaĝa dojetac ñe'me Jesús ca'li yovidi't ñe'me Judas, jo'ne lapaĝaguenatac joñe'me, nataq'aen jalcote ga'me jiyaĝadipi 'me naequetedapegue', lajoqot'alo jogaa'me leloiquiaĝanaqa'te jo'ne daĝanaqa'te nataq'aen nepo'ñe jo'ne ep'a. Lamaĝa's jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi 'me judiopi.

Mateo 26:20

Ca'li yovida'aguet ga'me pi'yaq, Jesús dajotalegue ga'me niqui'yaĝala' choqogaa'me doce lapaĝaguenataqa.

Mateo 19:28

Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Mateo 6:13

Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Mateo 9:35

Jesús quetayelo ena'uaque joga'me noicolqa nataq'aen 'nachaqa'tolqa, dapaĝaguenataĝatapegouelo gaa'me nemaĝaiqui' 'me na'ñalo nale gaa'me yec'atalo. Dapaĝaguenataĝatapec da'me onaĝaic 'naqataĝanaĝac jo'ne 'yaĝatetac da'me Dios lejaliaĝa, nataq'aen en yemedegue ga'me leuaĝaiquipi 'me yodapecache gaa'me lapite'nadi choqogaa'me layaliaĝaco.

Mateo 9:38

Qo'che' auajelai joñe'me loĝot da'me naqataĝanaĝac qaedi namaĝatequena gaa'me onataĝanaĝayaqa qaedi datoĝo'n.