Mateo 1:21 - Nuevo Testamento Toba Sombrero Negro

²¹ María 'uo qomle ga'me c'oĝot, qama'le auen lenaĝat Jesús qomle. Naq'aeta da'me lenaĝat qa'a nec'alaĝatedegue qomle gaa'me jiyaĝadipi chiyoĝotauelo jodaa'me loeco.”

Nuevo Testamento Toba Sur

²¹ Qaq añimayi huo'o qome ca llalec. Qaq 'am nachi 'ai'anagui da l'enaxat Jesús. Camayi l'enaxat de'eda, cha'ayi nca'alaxateeguesop qome na lalamaxatpi na lasouaxashitpi.

La'aqtaqa Ñim Lo'onatac 'Enauacna 2013

²¹ Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Mateo 1:21 Referans Kwoze

Hechos 13:23

Ga'me chiyaqayi ñe'me David mach'e Jesús, nach'ena Dios Lamaĝajec qaedi nec'alaĝatedegue ga'me israelpi, naq'aeta da'me joote yaqataĝañi da'me 'laqatac ca'li.

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Juan 1:29

Jo'me nolo' laqaya ñe'me Juan yauana joñe'me Jesús queda'me nec'ata qama'le t'aqataĝanema ga'me jiyaĝadipi, enaac: “¡Auec'achiñe jena'me jenjo' Jesús, naqaena jena'me jo'ne «'Naĝanaĝate Lec'oĝot 'me chiyaqa'a ñe'me Dios», jo'ne yapalaĝa't jogaa'me loeco gaa'me aleua laje'pi!

1 Juan 3:5

Ami joote auayachiñe queda'me Jesucristo nec'ata joca'li jena'me aleua, qaedi nemenegueta ena'uaque jodaa'me qadoeco, nach'eñe jo'ne qaya'te gamachaqaega ta'le loec.

Lucas 2:21

Mane'e ca'li yenoĝodegue gaa'me ocho noloqo'ote qama'le qoyanem da'me nichaĝajoĝonaĝac jo'ne 'nanaĝat ga'me notolec, nataq'aen qoyenaqatenec da'me lenaĝat Jesús, nach'eda lenaĝat jo'ne piyem le'ec 'yaĝatem jañe'me María ca'li maliaĝa ja qo'uaĝai.

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

Lucas 1:31

Qama'le 'uo qomle ga'me adoqo'uaĝajet: 'uo ga'me ac'oĝot, qama'le auenaqatenec qomle Jesús.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Lucas 2:11

Nayi niyi'ña di'me David 'lachaqa' ñe'me adec'alaĝaiqui, nach'eñe Jaliaĝanec jo'ne Dios Liquiyac.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

Hechos 3:26

Qama'le ca'li Dios chiyoĝotauelo dia'me napa'lpi ñe'me C'oĝot, 'uaeñe da'me ami namaĝalo qaedi ami netamelo'te, da'me male onolqa'tape aĝañidiñi da'me at'onataqadi' jo'ne ja 'noe'n.”

Apocalipsis 7:14

Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

Lucas 1:13

Qalaĝaja ñe'me piyem le'ec dojapegue', enaac: —Zacarías, ¡ena'te ado'e! Joñe'me Dios joote domachiya da'me adajelaĝanaĝac, qama'le jañe'me adoua Elisabet am yanem qomle ga'me ac'oĝot, nach'eñe jo'ne auenaqatenec qomle Juan.

Mateo 1:25

Qama'le jona'li ue'tajop chayovida'a ca'li niyiñe ga'me c'oĝot jaga'me, qama'le José ya'uo lenaĝat Jesús.

Juan 4:42

Chane'eja t'aqataĝatem jañe'me yauo: —Nayi male ja nach'edata da'me jep'iyaqa joñe'me jouaĝat da'me jo'ne qo'mi a'uaĝatema, qa'a nayi mach'e qo'mi da'me jomachaĝa joñe'me, qama'le jayatenaq da'me yataqatelegue eja naqaeñe ñe'me jo'ne Lec'alaĝaiqui ena'uac ga'me jiyaĝadipi.