Mateo 1:1 - Nuevo Testamento Toba Sombrero Negro

¹ Janjo' nedaĝalate jo'ne lenaqa'te jogaa'me chiyoĝogueta ñe'me Jesucristo, qama'le nach'eñe chiyaqayilo dia'me David nataq'aen Abraham:

Nuevo Testamento Toba Sur

¹ Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

La'aqtaqa Ñim Lo'onatac 'Enauacna 2013

¹ So Jesús chegoxoguet so David qataq so Abraham. Qaq 'ana ana lmalate 'enauac som lauo' le'ecpi maye hua'auñipi, co'ollaq saxanaxa da nvi' Somaye:

Mateo 1:1 Referans Kwoze

Gálatas 3:16

Qama'le nayi, gaa'me jo'ne yaqataĝadiñi ñe'me Dios jo'ne 'yetem ca'li ñe'me Abraham, nach'egaua qoyeloĝonaĝachiguilo ñe'me nataq'aen ga'tae'me c'oĝot. Daa'me nedii's ja 'yaĝatetedac ga'me qoyaqataĝañi ta'le qoyeloĝonaĝachiguilo “gaa'me c'oqo'tepi”, dite da'me qoyeloĝonaĝachigui “ga'me c'oĝot”, jo'ne nach'eñe Cristo.

Romanos 1:3

Qama'le nach'eda da'me 'naqataĝanaĝac jo'ne 'yaĝat ñe'me c'oĝot Jesucristo mach'e Qadejaliaĝanec, nach'eñe niyiñe ca'li ena'am ga'me ch'e jiyaĝaua jo'ne chiyoĝogueta ga'me c'oqo'tepi ñe'me David,

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

Juan 7:42

Qa'a naa'me nedii's 'yaĝatetac da'me joga'me Dios Liquiyac nach'ega jo'ne chiyoĝoguet di'me nejaliaĝanec David, nach'e ena'am da'me chiyoĝogue di'me noic 'me Belén jo'ne lañoqo' di'me David.

Hechos 2:30

Qalaĝaja David mach'e Dios 'laqataĝanaĝanec, nataq'aen yayaten da'me Dios 'naĝateguet ga'me 'laqatac jo'ne yanem queda'me 'uo qomle chiyaqaue ga'me c'oqo'tepi jo'ne nañgui jaga'me nejaliaĝaiqui.

Mateo 1:18

Joda'me lañoĝoqui ñe'me Jesucristo eet'oi: José joote 'naĝateguet ca'li qaedi 'uoneguet María, mach'e lat'e ñe'me Jesucristo, qalaĝaja ca'li maliaĝa ja ue'tajop, qama'te yauana queda'me qo'uaĝai jaga'me, qa'a chiyaqayi da'me 'lañaĝac joñe'me Dios Lepaqal 'me ja 'nalegue.

Romanos 9:5

Nach'egaua lec'oqo'tepi dia'me jachiyojoĝogueta 'me qadet'al; nataq'aen qadaqachidiaĝa'u, qama'le chiyaqayi da'me mach'e nejiyaĝauayaĝa'j novidetaquena ñe'me Dios liquiyac, mach'e Dios 'me napacalo'te ena'uaque gaa'me uo'oe, 'noota qom nach'e eta't qo'nonaĝachigui. Jaja'a, nach'e naq'aeta da'me dojo'.

Romanos 4:13

Qa'a ñe'me Dios 'uo ga'me 'yaĝatem ca'li di'me Abraham nataq'aen gaa'me c'oqo'tepi qom'te qoyanema jena'me aleua. Qalaĝaja dojo' 'naqatac 'me qoyaloĝotapega di'me Abraham ja naqaeda ta'le yoqotelo'te ga'me namaĝajoĝonaĝacpi nale qodique'teguelo jogaa'me, dite da'me yataqatelegue 'me chiyaqayi da'me nepe'e.

Mateo 15:22

Qama'le 'uo jañe'me yauo Canaán laje jo'ne neta'ña di'me dijo' aleua, yec'ata ñe'me Jesús ca'li niyaĝatapejeguem: —¡Jaliaĝanec, mach'e am David c'oĝot, jayem avichoĝoden! ¡Jalcote da'me lachoĝodec jadi'me yale qa'a uetaye ga'me payac lepaqal!

Mateo 9:27

Mane'e ca'li Jesús ca'e ga'me ue'ta, qama'le uo'oe gaa'me dojolqa qana'mi quetedapegue' ca'li nataq'aen yiyaĝateda'ague: —¡Am David c'oĝot, qo'mi avichoĝode'n!

Mateo 3:16

Mane'e ca'li Jesús qonachilaĝan ca'e ga'me noĝop, qanach'e paja'a qo'youategue jodi'me piyem qama'le yauana ñe'me Dios Lepaqal queda'me nenochi'ña joñe'me ena'am ga'me doqoto'.

Mateo 1:2

Abraham mach'e c'oĝot di'me Isaac. Isaac c'oĝot di'me Jacob, Jacob mach'e c'oĝot di'me Judá choqogaa'me laqaya'.

Lucas 1:33

qaedi nale'en yelolo'te ga'me noyaqapi jo'ne c'oqo'tepi di'me Jacob. Da'me yelolegue ga'me jiyaĝadipi ja yitaĝa 'uo ga'me loiquiaqa'.

1 Timoteo 2:5

Qa'a jayatenaq queda'me qaya'te Dios laqaya jo'ne p'ajaye, nataq'aen onolec ga'me jiyaĝaua jo'ne qadetaĝayaĝanaĝanec uotaĝa dauegaqataĝanot joñe'me Dios, nach'eñe ñe'me Cristo Jesús,

2 Timoteo 2:8

Anetouetac nale ñe'me Jesucristo jo'ne nach'eñe ca'li 'niyelaĝajeguem, chiyaqa'ña di'me napa'lpi 'lachaqa', nataq'aen da'me chiyoĝoguet jodi'me jaliaĝanec David. Naq'aeta da'me onaĝaic 'naqataĝanaĝac jo'ne qoyen ja'aĝatetac nale.