Marcos 7:9 - Nuevo Testamento Toba Sombrero Negro

⁹ Nataq'aen enapegalo jogaa'me: —Qaedi ch'e a'nañaĝachiyeque da'me jo'ne auanaeyiya'ac 'me at'oyaĝaqui jo'ne auaqauaitaye, ¡ami yataqachiñe anapaquiyalo'te daa'me lamaĝajoĝonaĝaco joñe'me Dios!

Nuevo Testamento Toba Sur

⁹ Qaltaq jec da l'aqtac 'eeta': –Qaq da qami' maichi qoquiiguelo naua qan'onataxacolli', nachi ÿataqta qaualachi' naua lqataxaco ñi Dios.

La'aqtaqa Ñim Lo'onatac 'Enauacna 2013

⁹ Qami' ỹataqta qauaỹachiñi da lataxac da qaumaqỹa'agueta naua lamaxasoxonaxaco Ñim Lo'onatac 'Enauacna, da yaqto' qoquiigue da maiche qaralamaxache qarapaxaguenataxanaxaqui.

Marcos 7:9 Referans Kwoze

Gálatas 2:21

Chane'eja ja jemaĝaguet da'me loqopich'i ñe'me Dios, qa'a ta'le ñe'me qo'mi yataqatelo'te q'ae'n queda'me qolaqa'teguelo daa'me namaĝajoĝonaĝaco, qama'le qaya'te chiyaqayi da'me leleuaĝa ñe'me Cristo.

Marcos 7:13

Naq'aeta da'me dojo' a'vichiyec da'me auapalaĝachi da'me dojo' 'laqatac joñe'me Dios, queda'me oquitalegue da'me at'oyaĝaqui jo'ne auanaeyiya'ac, nach'eda at'oyaĝaqui jo'ne auaqauaitaye. Nataq'aen queda'me uoja'aegaua qayoĝode' at'onataqadi' jo'ne ena'ama da'me dojo'.

Marcos 7:3

(Qa'a jogaa'me fariseopi nataq'aen ena'uaque joga'me layi 'me judiopi ja yaĝadiñi da'me jo'ne naeda'ac jodia'me chiyoĝogueta jo'ne let'aldi, da'me ja deque'y qom ja yataqachiñe yiyote' naa'me loua'.

2 Ts 2:4

Jenjo' jiyaĝaua jo'ne ja no'en, naqaena jo'ne yataqata nautena joñe'me Dios, chayovida'a eetapega deuodaĝanec yema joga'me loĝot joñe'me Dios. Nataq'aen nejaliaĝatoue qomle jena'me jenjo' tamenaĝaiqui jo'ne 'lemec joñe'me Dios, male naqaeñe eetapega nach'eñe ñe'me Dios.

Romanos 3:31

Chane'eja da'me 'uo da'me qadepe'e, ¿qo'li ja jenaĝa 'te lajo'vi da'me namaĝajoĝonaĝaco? ¡Qa'ejo' ja naq'aeta! Dite da'me jachimaĝataĝañi da'me lajo'viyaĝa'j naa'me namaĝajoĝonaĝaco.

Marcos 7:5

Qo'che' gaa'me fariseopi nataq'aen ga'me judiopi napaĝaguenoqo'tpi yena't joñe'me Jesús: —¿Toqoch'e naa'me adapaĝaguenataqa ja quetegue da'me janaqa'ac jo'ne loe'j dia'me jachiyojoĝogueta 'me qadet'al, dite da'me paja'a deque'y qom maliaĝa paĝachiguilo naa'me loua'?

2 Corintios 11:4

Qa'a da'me ami nale gamachaqaega ami yovida'alo jo'ne 'yaĝatetac ñe'me Jesús qalaĝaja ja ena'am ga'me joote ami ja'aĝataĝama, qanach'e paja'a 'uo da'me adamaiqui da'me auacoñiyeguet. Ñe'me Dios Lepaqal 'me ja 'nalegue 'me auacoñiyeguet joote ami uetauelo, qalaĝaja auacoñiyeguet nale ga'me nepaqal laqaya jo'ne yaqa'a, nataq'aen 'naqataĝanaĝac laqaya jo'ne ja ena'am ga'me joote auacoñiyeguet.

Gálatas 1:14

Jeque'tegue da'me lepe'e' jogaa'me judiopi, jo'ne ñapacalo'te gaa'me yaqaya' 'me jena'ama yataqachiñe jalemaqa'teguet da'me jeque'teguelo jodaa'me namaĝajoĝonaĝaco jo'ne chiyoĝogueta dia'me qadet'al.