Marcos 7:6 - Nuevo Testamento Toba Sombrero Negro

⁶ Qalaĝaja Jesús 'yategueta jogaa'me: —Yataqachiñe jalcote da'me onaĝaicolec da'me 'laqatac ca'li di'me Isaías, jo'ne 'laqataĝanaĝanec joñe'me Dios, queda'me ami uaqatalo, da'me ami jo'ne ch'e tenataĝanaĝaiquipi, ca'li yediñe da'me dojo' jo'ne enaac: “Jenjo' jiyaĝadipi jayem yi'yoĝodetedac nale qalaĝaja ch'e 'laqataqa jo'ne ja ejoda, qa'a naa'me lai'li maliaĝa ja jayem 'te yauoqoda'a.

Nuevo Testamento Toba Sur

⁶ Nachi so Jesús 'enapeco': –Ÿataqta qami' tachiguilo naua l'aqtaqa so l'aqtaxanaxanec ñi Dios, l'enaxat Isaías, co'ollaq qami' i'axata'alo, qami' mayi qoñiitega da qami' llalqa ñi Dios, co'ollaq somayi ÿiyiñi da 'eeta': Ne'ena shiÿaxauapi da aÿim ÿi'oxoden, qalaq ndoteec na alap, qalaxayi da lquiyaqteÿaxac ÿataqta qaÿoqta naq'en aÿim.

La'aqtaqa Ñim Lo'onatac 'Enauacna 2013

⁶ Nache So Jesús ỹasategueto' somayepi, 'eeta': –¡Qami' ỹataqta qami' tenataxanaxaiqa! Ỹataqta 'eesa Ñim Lo'onatac 'Enauacna, co'ollaq qami' ỹa'axata'alo, chegoqchigui naqa'en so la'aqtaxanaxanec Isaías, 'eeta': «Ne'ena shiỹaxauapi 'eetega naxa da Aỹem ỹalaxaguet, qalaxaye namayepi ỹoqta 'eesa da saishet da Aỹem iuennatega.

Marcos 7:6 Referans Kwoze

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

2 Timoteo 3:5

Nalaĝayelo da'me eetedapega 'uo ga'me lepe'e', qalaĝaja yataqata yoqolegue't da'me qadepe'e ladic. Ena'te ta'le ch'e cholic da'me aualegouelo naa'me naajo' jiyaĝa'u,

Juan 5:42

choqoda'me ami jateto'n nataq'aen da'me jayaten da'me ja adoqopichiya ñe'me Dios.

Juan 15:24

Te'me qaya'te ta'le laviyaĝajet, ta'le ja jauo'oe naa'me jo'ne ja yaqanate't ta'le yauo'oe jogaa'me jiyaĝa'u laqaya'. Qalaĝaja da'me joote yauata jenjo' 'uo, qama'le jayem niquiyata nataq'aen niquiyata ñe'me Taĝadena'.

Hechos 28:25

Qama'le queda'me ja nalo'ta'ajalo jogaa'me, male queda'e. Pablo nach'edata da'me enaac: —Jodaa'me 'laqataqa ñe'me Dios Lepaqal da'me yojaĝanaĝan di'me Isaías ca'li yataqachiñe tachiguilo jodia'me adet'aldi' ca'li enaac: